加勒比海咖啡 旺角

加勒比海咖啡 評價 相片

野食衰過自已响屋企煮，食材低劣同價錢唔合比例，成間餐廳得一個侍應，無人落order, 等野食等成粒鐘，埋單都要等成粒鐘，直至我無耐性再等自己行去收銀台放低錢就走，環境裝修一字記之曰Hea!

野食味道一般般，叫左個忌廉汁魚柳意粉，d汁好稠，不過魚柳係ok既，炸得黎幾鬆軟。

叫左魷魚圈味道都不錯，新鮮上碟。

跟餐仲有個粟米湯，真係未飲過咁難飲的湯，淡而無味。

但服務態度真係不敢苟同。

侍應服態度好差，我第一枱嗌侍應，佢最後先黎幫我地落單。

加單時係禁ignore我地喱枱，死都吾肯過黎。

野食叫左成粒鐘先黎，仲要催左好多次，成粒鐘先話「舀住湯比你先啦」。

嗌左3碟雞翼，一碟4隻，total 12隻，只黎左11隻。

黎錯野飲，我地吾知頭吾知路飲左，要我地加錢轉左佢。

D野食又係禁黎錯

經過旺角, 諗住搵個地方可以靜靜地傾下計, 所以就上左呢間樓上cafe啦順便食個lunch都好嘛如果你想傾下計既, 呢度絕對岩, 真係好靜嫁, 而且都坐得好舒服既! 店員服務都好好可惜, 點了一份鴨胸忌廉飯, 我就真係幾失望啦.....首先味道上, 超淡唔知點解忌廉飯都可以淡到咁既?!其次, 鴨胸完全無味, 除左佢上面既茄汁之外, 根本塊肉係完全無味既!同埋口感好硬, 可能煮得太耐了另外, 個份量真係太少啦, 對於女仔泥講都少, 我諗男仔應該會食唔飽囉! 基本上食左兩三啖都已經食晒啦....結果要去第二度再食過.....整體來說, 只有環境優勝, 其他都有進步的空間

做左同事大半年, 今次都係第二次一齊出黎食lunch, 可能大家一向都有自己飯腳, 今次一聲令下就集齊人馬。

羅宋湯 雖然好紅, 但不太酸 (有少少擔心落糖太多, 去一去酸味), 蔬菜配料都算多, 入口稀但味道濃郁 白汁牛柳粒意粉 同事推介, 點知佢話今次比之前食過既一次差.....我覺得佢呃左我既~.~ 意粉都幾淋身, 可能是淥好一堆做預備所致, 白汁只有咸, 沒有忌廉或奶味, 牛柳粒是重災區, 自問自己牙力不錯, 我自己都可以咬得到大部分的肉, 但推介我食呢碟既同事竟然有一半都咬不到, 可能佢會更覺得伏已中~.~即磨咖啡 事前問清楚是否即磨, 皆因cafe的咖啡向來好參差, 如果即磨會比較有保証, 果然我最滿意是這杯事後咖啡......三五知己聚餐, 這個餐廳是不二之選, 但不要對食物要求太高。

對於旺角區要搵坐得舒服又抵的午餐選擇, 這裡算不錯了。

平時覓食多是在尖沙咀銅鑼灣等地，反而工作地點附近的卻甚少光顧。

今日放工後，來了一間樓上餐廳吃午飯。

餐廳是典型的樓上店，裝修頗舊，環境較熱。

店內客人以年輕人為主，所以環境也頗嘈。

午餐選擇也算多，不過餐廳幾乎沒有服務，侍應也不會主動去看看客人的需要，點餐是要自己去廚房點，連湯也要自己拿回位！午餐包括餐湯，意粉/飯，和餐茶。

粟米濃湯： 吃得到一粒粒未全部溶解的湯粉粒， 湯也不濃意式香草茄醬豬柳配意粉 $38豬柳已經全部切開成小件，肉質頗腍但肉味偏淡；香草茄醬完全沒有香草味，茄膏也下得較多；意粉偏腍表面很粉，只是勝在份量較多而已。

餐茶點了餐廳推介的熱伯爵茶，誠如店家所說，喝的時候不用加糖加奶，茶味頗清香，味道不苦不澀。

後來才發現，原來餐廳免費提供如card games之類的玩具/遊戲給食客，怪不得店內的年輕人都是三五成群而來的，而且不時爆出笑聲和喧嘩聲。

雖然這個點子的確吸引到年輕人來光顧，但食物的質素，反而是最重要的一環，這方面仍有很大的改善空間。

加勒比海咖啡餐單提供西式, 樓上cafe等推介美食位於旺角區，餐廳座位數未知人均消費約$51-100，結賬可以用現金。

您對於旺角餐廳「加勒比海咖啡」有何 comment？

加勒比海咖啡餐廳詳細資料：

• 加勒比海咖啡地址:
  旺角砵蘭街215號朗晴坊7樓
  Caribbean Cafe, 7/ F,215 Portland Street, Mong Kok
• 加勒比海咖啡電話:  
• 加勒比海咖啡價錢: $51-100
• 分類: 西式, 樓上cafe
• 座位: 未知
• 付款: 現金
• FB專頁: 加勒比海咖啡 Facebook

更多加勒比海咖啡相關資料:

• 加勒比海咖啡分店
• Youtube
• Facebook
• Twitter
• Google