凱旋門餐廳 旺角

凱旋門餐廳 評價 相片

今晚同我老公黎左呢度食，我要西冷扒，黑椒汁好好味，塊扒又唔會好肥！我老公要吉列石班拼龍利柳，都好味，不過好似好熱氣咁！羅宋湯最正！仲大碗過一般餐廳果ｄ添！遲ｄ再黎過！

我贊成Man man既諗法((我做老闆就會炒晒佢o地)) 不過淨係炒((一頭亂髮既妹妹))就OK!點解我會o甘講呢.事原:15號我一上到去就見到上述既妹妹企正樓梯囗,以為她是帶位,就同她說三位.點知她依然挽著手無反應.我再同她說三位.她終於有反應了.極悔氣地答{o甘多位,見到就坐啦!問問問!!!}真有型,那天發生一段小插曲.坐於我隔離枱兩夫婦.可能叫o左好耐都無人應啦.當有位經理埋去落單時.就為難她.好似話乜野食晚餐就睇吾起人ar,見都落o左好耐.我重跟那經理笑.她笑笑回應好像很無內.到經理送湯到枱時.吾知兩夫婦大大聲話我都冇睇吾起你拉待應仔..那時經理立即返轉頭取回湯並發火.對罵幾句後有令一位待應拉經理走.但那女人起身跟住一路罵.那位經理都幾辣架.不過俾位待應強行拉走.那女人並無敗休個個行過都罵.但那位經理就吾見了影.我覺得經理EQ低吾應該於辦公地方o曹.應該細細聲X完佢轉身走,等她自動收皮.

估吾倒, 小學時期食過的意粉, 會在這間餐廳尋回.一行七人, 打完羽毛球後, 過到一間常經過卻又未曾到過的餐廳落腳. 晚餐價錢經濟, 60 元有找.由於第一次試食, 沒想其他, 就點了其他枱的人都有吃的豬手餐來吃. 羅宋湯: 好好味, 真係飲湯的感覺, 吾係飲水.飽: 冇特別豬手: 肉質吾錯, 咸咸地, 都有七分意粉: 去洗手間時, 見到其他人所吃的意粉, 即時叫waiter 改一改, 吾要薯菜. 果然, 吃回了滿有蕃茄汁的意粉. 又冇特別炒過的感覺, 正正, 比主菜更高的分數.凍奶茶: 一般友人話牛柳吾錯...還望下次再試食其他的食物啦.

今晚同朋友睇完戲，唔知去邊食飯好，大家行行吓不如去呢到食，其實以前都食過下午茶，都唔錯，今晚齊齊食晚餐，大家每人各自叫咗自己SET DINNER，我叫嘅747係雞絲蝦蛋白炒飯、配忌廉湯、餐飽、餐茶，大大件！餐湯：唔會係水汪汪、杰杰地，好味！餐飽：大大個、微暖，塗上牛油，正呀！炒飯：配料好足、幾隻大蝦，好多雞絲，熱辣辣，有啲鹽未溶，頗油，OK啦！餐茶：凍OT，OK，如果大杯少少仲好！服務方面：好，阿叔態度雖未至殷勤，但落力，朋友叫完又改單都冇話乍型！價錢：晚餐($53)，但加一(約$58)，旺角嚟講，坐得都算舒服，仲有超大投射電視睇，唔錯！

兩個人去食dinner,坐卡位,因為一邊睇唔到大熒幕,兩個坐埋一邊,職員行埋黎幫我地執返好d位...叫左2個setdinner,睇落好似好少..其實食落好多..幾飽...不過因為我地坐個個位職員睇唔到我地食既情況..所以會成日行埋黎..但佢俾我既感覺有少少壓迫..搞到我地唔係好自在..整體都算好既..值得一試..

凱旋門餐廳餐單提供西式, 粉麵, 米線, 咖喱, 西餐廳等推介美食位於旺角區，餐廳座位數100人均消費約$50以下，結賬可以用現金。

您對於旺角餐廳「凱旋門餐廳」有何 comment？

凱旋門餐廳餐廳詳細資料：

• 凱旋門餐廳地址:
  旺角西洋菜南街180號
  L'Arc de Triomphe Restaurant, 180 Sai Yeung Choi Street, Mong Kok
• 凱旋門餐廳電話:  
• 凱旋門餐廳價錢: $50以下
• 分類: 西式, 粉麵, 米線, 咖喱, 西餐廳
• 座位: 100
• 付款: 現金
• FB專頁: 凱旋門餐廳 Facebook

更多凱旋門餐廳相關資料:

• 凱旋門餐廳分店
• Youtube
• Facebook
• Twitter
• Google