三清洞摩西 旺角

三清洞摩西 評價 相片

部隊鍋之前係第二間就食過，呢間就係第一次，一行四人，餸菜揀左部隊，芝士同肉，仲叫二兩個公仔麵，唸住應該唔會好多，點知食下食下就發覺唔少，而且唔知係咪迎合香港人口味，辣度唔係話超級辣，所以對我黎講剛好，整體味道都可以!年糕好q,牛肉都足夠!唯一要講就係飲品方面，係無免費水提供既，因為年糕鍋辣，一定要食下飲下嘢飲，所以焗住你一定要叫嘢飲，而問題係嘢飲係唔平，可樂要$25一罐，如果有免費水提供就會好好多!

成班女仔friend個個都中意食韓國野，我就最鍾情於泡菜湯鍋飯個d，難得人齊就去左食港女最愛既部隊鍋定唔知年糕鍋。

三人份量既部隊鍋，個set就揀左芝士同海鮮+公仔麵+魚糕+芝士炒飯，由於個個都中意韓國既公仔麵所以食到一半就加左個麵😂😂海鮮就一般啦，得魷魚同青口，份量唔算多🙍🏻🙍🏻芝士係成個鍋既靈魂，不停拉絲，撈埋d公仔麵真係Perfect Match😍個湯好夠辣，食到最後一滴都冇淨🙈🙈🙈芝士炒飯朋友們嫌淡味，但我覺得甘樣岩岩好，紫菜味勁濃。

無論你叫幾人餐都好，個芝士炒飯都係同一個size，多人既就幾啖搞掂了🙈整體黎講，價錢唔算貴，會再黎食😎😎😎

想試好耐，路過咁就試吓啦～6點半上到黎唔使等位，仲有卡位，坐左陣都 full 嘅...Order 左個二人餐，海鮮 mix 烤肉年糕加拉麵同炸餃子。

年糕鍋 so far so good la... 但無想像中咁辣，嗜辣嘅朋友覺得無咩味，我就覺得還好啦，但個烤肉（牛肉）好「靱」，唔推薦～好啦，神奇嘅事發生啦，店員食到一半熄左我地個爐？？？我喺韓國食明明係由得佢煮，先會越濃越入味？？我地 order 左個芝士炒飯，怪事二... 佢唔係用個湯底一齊炒先有味架咩！？黎左個分開上嘅炒飯，好唔得，一味得個鹹字....佢食年糕鍋個方式完全違反左我喺韓國食個方法！？媽呀我好亂呀...*另，佢係無水供應架！！焗人叫野飲

上年係首爾食過總店既綜合年糕鍋後，一直念念不忘~~聽同事講起先知，香港都有分店，即刻拉埋媽媽去回味下…5點幾去到餐廳，暫時未有人，我地被安排坐左係窗邊既四人枱，地方都算寬落。

我地叫左個2人餐，揀左燒肉海鮮再配拉麵同魚餅。

年糕鍋依然係記憶中的味道，辣中帶甜，非常惹味，年糕夠煙韌，拉麵沾上濃濃既湯汁，超級正最後食埋個炒飯，滿足惟一美中不足係魚餅超腍，完全唔彈牙。

原來呢間分店，仲可以嗌紫菜包飯，睇落都幾吸引，約定媽媽下次再黎試

三清洞hot pot 我之前去南韓食過一次，好好食但可選款式小，無紫菜卷食呀！有日我好想食以上食品，又知三清洞係香港開分店，就試試吧！佢有好有四人枱，所以三五成群好適合呀！炒年糕hot pot 中午可選set 但晚餐就無la!主菜因三人所以要叫三種，我叫芝士、海鮮、烤肉。

再配上全拉麵及魚片。

上抬la,我們叫小辣但都好辣。

本店無提供飲用水，唯有叫支裝水，細支都要＄10，真係幾貴，食辣野飲料不小得。

全個hotpot 最好食拉麵配辣汁，正呀！烤肉再慢煮有d 韌。

熱溶cheese 好邪惡又好味。

如果怕辣可以食酸蘿蔔解辣。

我們怕三人不夠飽仲叫野菜紫菜卷，無咩特別。

最後用辣汁加蜀米整成煎餅飯，好好味。

三清洞摩西餐單提供韓國菜, 火鍋, 海鮮等推介美食位於旺角區，餐廳座位數80人均消費約$101-200，結賬可以用現金。

您對於旺角餐廳「三清洞摩西」有何 comment？

三清洞摩西餐廳詳細資料：

• 三清洞摩西地址:
  旺角彌敦道726號1樓
  Mukshidonna, 1/ F,726 Nathan Road, Mongkok, Mong Kok
• 三清洞摩西電話:  
• 三清洞摩西價錢: $101-200
• 分類: 韓國菜, 火鍋, 海鮮
• 座位: 80
• 付款: 現金
• FB專頁: 三清洞摩西 Facebook

更多三清洞摩西相關資料:

• 三清洞摩西分店
• Youtube
• Facebook
• Twitter
• Google