Monster Sushi 旺角

Monster Sushi 評價 相片

開工大吉！今日講左好多恭喜發財😂送出好多祝福💃🏻前排趁monster sushi執笠前去左食2人餐 咩都有d👻最最好食係天婦羅隔離唔起眼既比目魚！！！其實全部野食都唔差！可惜😖好似2月尾就執了😖

見朋友話餐廳就搬遷 諗住做最後嘅顧客 點知換來失望嘅回憶🤧🤧🤧只叫左7碟壽司同魚生🍱 仲要一向壽司一碟一舊夠哂貴 最後埋單二百幾 但質素好似放題咁🤢三文魚壽司🍣 不過不失 正正常常 油甘魚腩壽司 好唔新鮮 同太薄火炙芝士玉子壽司 🧀個芝士。

。

硬骨骨咁擺係玉子上面 唔知擺左幾耐咁 玉子中間好水 搞唔掂鯛魚刺身🐠 一陣腥味 食完想嘔返出嚟 火焰鮭魚忌廉芝士蟹肉卷 成個壽司比沙律醬嘅味覆蓋晒 食唔到精粹唯一比較好嘅係黑松露皇帝蟹棒壽司 蟹棒好有份量 亦都有鮮味🦀但整體來講 餐廳喺呢個商場 呢個鋪位 同埋呢個價錢 咁嘅質素真係好唔值得 性價比太低😐

上年尾做到年頭，工作排山倒海未停過，要約朋友食飯放風抖下氣。

一早睇定食評，黎間幾好咁又就腳，決定試一試。

晚飯時間岩岩開始，唔使等，仲大把位㨂。

枱與枱之間唔迫，座得舒服，樓底高唔侷促，唔太嘈。

食物非想像中咁特別，一般一般，有落差。

先黎個香芒蟹肉飛魚子沙律，好清好清，芒果粒好碎。

如果芒果粒大番d，或者加d沙律醋會仲好味。

壽司當然唔少得，唔算有特色食得壽司當然唔少得手卷，海膽手卷，唔該！鵝肝芝士軟殼蟹卷，好食既，但鵝肝係邊？？全晚覺得最好食：蒜香厚燒牛舌。

外邊脆，肉嫩，一咬即化。

墊底既牙菜出奇好食、好爽口再黎多個熱熟食：和風香蔥牛柳粒。

但黎個唔掂，唔熱，無牛味，無肉汁整體黎講食物平平，無驚喜。

但服務就真要檢討再培訓！由入門口帶位個小姐、到接order 紙落order 既、再到上菜既、直到埋單既，全部都黑口黑面，乜家陣黑面代表高級d咩？叫我埋單位先生仲搞笑，一埋黎就問上晒菜未，跟手就隊埋張單上枱，話夠鐘，晚飯限1.5個鐘。

夠鐘？我地完全唔知有限時，帶位既完全無講過，嚴格黎講係無人講過野。

算喇，難得食飯唔好搞喎心情，比卡埋單。

等卡單期間，見枱面仲有少少唔想做大嘥鬼，食埋先，岩岩隊單埋黎位先生又出現，仲好唔客氣講「小姐，夠晒鐘，要離開喇，出面大把人等！」前後都唔夠5、6分鐘啫，使唔使咁！再算，心諗星期五晚人多，明既。

但行到出門口，得一家三口係到等緊，咁叫「大把人」等緊？定係佢睇到d 我睇唔到既野呢？食市除左食物要好，先會令到客再黎；服務一樣要用心先會有客想再黎。

黎間，無下次，一定無下次！多謝晒

生蠔不唔乾淨。

導致食物中毒入院魚生好唔掂又唔新鮮，24號晚今25號朝早入院，成個聖誕都無晒😭。

打左電話去餐廳一個經理叫阿Sam報告，但都無回覆我d咩。

唔會再去！

以前成日去isquare個間分店食，好多年無食突然諗起呢間野，原來得返朗豪坊一間，最估唔到係咁多年嚟仲有100蚊coupon，咁當然去試下啦。

壽司、刺身都算新鮮，鐘意佢個醬油唔係勁咸個隻，呢個質素如果正價嚟講有其他舖頭好過佢既～總體都算好食既!

Monster Sushi餐單提供日本菜, 壽司, 刺身等推介美食位於旺角區，餐廳座位數未知人均消費約$101-200，結賬可以用Visa,Master,現金,AE,銀聯。

您對於旺角餐廳「Monster Sushi」有何 comment？

Monster Sushi餐廳詳細資料：

• Monster Sushi地址:
  旺角亞皆老街8號朗豪坊12樓13號舖
  Monster Sushi, Shop13,12/ F, Langham Place,8 Argyle Street, Mong Kok
• Monster Sushi電話:  
• Monster Sushi價錢: $101-200
• 分類: 日本菜, 壽司, 刺身
• 座位: 未知
• 付款: Visa,Master,現金,AE,銀聯
• FB專頁: Monster Sushi Facebook

更多Monster Sushi相關資料:

• Monster Sushi分店
• Youtube
• Facebook
• Twitter
• Google