I-Blue'z Cafe & Lounge 旺角

I-Blue'z Cafe & Lounge 評價 相片

畢生以來最差既cafe 呀！！！本來想要單點厚多，隔左15分鐘話無，個waitress 話點解唔叫個 tea set 厚多餐。

其實有咩分別呢，唔通加多d錢就有個厚多食既。

勁無奈咁叫左個魚柳薯條，d薯條仲夠熱，個魚柳凍既，d肉梅到........個凍飲又勁差！！玩大富翁都要比100蚊按金，有無搞錯呀！差差差，以後唔去呢間...........

呢排世界杯開鑼，同朋友諗住搵個地方睇波吹下水。

去到呢間野樓下，見到有人派傳單，跟住就走左上去，點知呢個就係惡夢既開始……上到去9點幾, 由於仲踢緊頭場南韓對希臘，但係我同朋友想睇o既係尾場阿根廷對尼日利亞，於是我地就問門口個waitress呢兩樣野:最低收費幾錢，同埋最低收費係逐場計定係可以坐足成晚 (如果係前者，我地肯定唔會o個個時候入去坐，因為我地對南韓場波無咩興趣)當時門口個waitress就同我地講可以睇完阿根廷對尼日利亞先走，於是我地就入左去坐低之後點左個咖哩炸蝦定食等開波，坐下坐下話咁快就差唔多10點，但係望下個枱面，點解成七八個字前叫落o既晚餐都仲未到o既? 三催四請之下，終於有人攞野食過黎。

但係望真D，點解個餐會變左餃子雞翼o架? 再捉個waiter過黎一問，原來個咖哩炸蝦定食賣晒，但係點解可以一直無人話我知o既? 真係離譜左D喎見就快開波加上真係好肚餓，所以算數照殺。

食左幾啖之後，竟然有人走過黎叫我地埋單。

條友重夠膽同我地講我地個餐個只係包睇南韓場波，所以唔該埋單走人。

大佬，我連飯都仲未食到幾粒，竟然夠膽叫我地走? 而且一早佢地D人講明話可以睇埋阿根廷場波架喎，咁即係算點? 轉過頭有個高級D既姐姐仔過黎同我地講，門口招待我地既同事攪錯左，其實佢地收費係逐場計。

咁呢個唔係我地責任黎喎，有咩理由可以叫我地走? 同個姐姐仔拗左一陣之後，佢幫我地轉左枱去吸煙區但係可以繼續睇波。

點知下半場睇左唔夠一陣，個姐姐仔又走過黎，不停咁問我地究竟邊個waitress同我地講可以每人嗌一個set坐足成晚? 鬼記得咩…..跟住個姐姐仔竟然不斷帶D waitress過黎俾我地認人，好似真係搵唔到個兇手佢就投唔到胎咁。

我地同佢講話認唔到，佢就話如果我地認唔到個 “兇手” 就入我地數，要我地每人叫多杯野飲先有得繼續坐。

嘩!呢D咩歪理黎呀? 睇場波俾人騷擾N次，真係咩癮都無晒。

最後波都唔睇埋單走人算數。

呢間野食物唔算好食，D服務態度又勁差。

奉勸各位打算幫襯佢地之前要諗清楚

唸住1班fd聚下,,去cafe`但系原本去開果間冇位`所以落去睇下有冇第2間`見有人系果度sell,,話有6部大電視`冇時限任坐,,仲有幾樣game玩`大家都唸住試下,,所以上左去`佢d職員冇跟我地上去`我地入lift`入面濕既`勁dirty`上到去,,佢地問我地去吸煙區定系非吸煙區`甘我地有幾個fd都食煙`所以去左吸煙區`入到去,,d位勁逼`我地4個人坐系電視下面`佢地拎左d menu俾我地睇`4個人睇1份menu`仲要上面有d空白既,,佢就甘指1指話系咩餐就走左`之後我地叫佢俾多份menu我地`系我地唸緊有食咩既時候`有個職員行埋黎`同我地講"吾好意思,,1陣有人包場,,1系轉非吸煙區,,如果吾系淨系可以坐1個鐘`"我地幾個o哂`甘冇辦法,,我地轉左去非吸煙區我地過到去,,坐低叫野食`因為我地吾肚餓,,所以我地淨系叫左2個餐`唸住晏d肚餓叫埋其他`過左45min,,佢d野食先到`d野勁細碟,,味道麻麻`食完野我地就開始玩`game種類並吾多`最冇聊既系大富翁佔左56盒`之後就得d啤牌甘囉`我地俾左$100定金拎左個佢地話玩反應既`甘我地吾識玩,,系甘叫d職員教我地玩`點知佢地冇1個識玩!!!!!!!hea左陣,,有個職員同我地講可吾可以搬走我地張台`我地吾肯,,因為我系4個人,,1張台點玩,,又吾系吾知d台細!!!!之後佢d職員走去隔離台問`隔離台2個人肯換`就系佢地換緊台既時候我聽到佢d職員話`冇計啦,,佢地吾肯換`d女仔系麻煩d,,咩事?我地吾肯換就要講說話俾我地聽?之後仲要走埋黎吹我地叫埋d野`我地叫薯條同雞翼`雞翼就冇咩野但系d薯條冧哂`果陣10點幾到`有個職員過黎叫我地埋單`話就黎夠鐘,,叫我地就埋單`點知岩岩俾完錢佢就放左1堆人入黎企系我地附近`好似要逼我地走甘`甘我地覺得吾好意思,,所以就走左`出到去,,部lift壞左,,我地行樓梯落去`第1次覺得甘後悔去左依間野`6部大電視原來系吸煙區同非吸煙區加埋有6部,冇時限任坐,,原來系上到去先同你講淨系可以坐3個鐘`d game系宣傳單張上面寫住未能盡錄`但原來系根本得果幾樣,,仲要有d連佢地自己都吾識玩`野食細,,野飲麻麻,,服務差`

平時都有睇開openrice，但每一次都無去寫食評，但今次實在令人失望，更加唔想有網民受害，所以先做會員寫呢個食評由於個日無咩做，所以同班朋友上cafe,,,本身諗住去平時去開既個間，但係無位，所以就落返地下拎單張睇就係睇到紙上寫住1}有六部電視，2)有好多款消閒玩意（如大富翁，uno，猜猜畫畫，戰國風雲...未能盡錄）免費借用3)無限時任坐睇到紙上既字就上左去！上到去，原來佢有兩邊，有邊係吸煙區，一邊係唔食煙既！我地就去左食煙個邊！坐低左無幾耐，話：『我地有客人留左位，只可以係呢到一個鐘到， 如果唔係就要去第二邊姐係唔食煙個邊』我地：『好啦，吋我地過去！[味道：我地緊覺得佢既味道,,,都算正常,,仲要都熱既！[]]杯野飲都無咩特別,,,都不過不失！環境：1)有六部電視，係張紙上面寫住有六部[]我唔知佢地係兩間房加埋定係佢地係唔係收埋左部電視,,,電視仲要細個我屋企個mon,...加上好鬼大聲播放好舊既歌，絕對唔知佢開個電視黎做咩！不如放mv啦！2)有好多款消閒玩意（如大富翁，uno，猜猜畫畫，戰國風雲...未能盡錄）免費借用呢個先係最激氣，因為我地一心係諗住上去玩嫁嘛！佢d遊戲多到，十隻手指都數得到！大富翁，uno，猜猜畫畫，戰國風雲，層層壘，啤牌真係數得出囉，可能佢仲會有其他，不過可能收埋左掛...再加上要比一百蚊按金！勁白痴，咁驚唔見不如唔好借啦轉做餐廳好過啦！又無野玩，又要比按金，加上服務態度''勁''差！3)無限時任坐紙上面寫住無限時任坐，我地大約9點半左右上到去！點知玩到十一點幾個個人係咁吹我地，加上收埋我地未飲完既杯！又吹我地埋單！話要埋數！咁比左錢，點知，間野，叫左一炸人入黎企係我地張附近等位囉！入左去都無個半鐘，點知比人話要走？？見有人等，所以我地就諗住走，最有問題既係！埋完單找左錢再加上收哂我地面上既野，但係佢無比返按金比我！要我去問佢，佢先比返！我相信，我唔問，佢一定咁就算！真係勁狗！呢間野，真係不可一不可再，絕對唔可以去多次！服務差，玩意又小，環境又差！所以我留呢個食評比各位朋友！

平時都係睇OpenRice既食評多，但今次真係唔寫唔得，估唔到第一篇食評係咁樣俾左佢。

話說今日同同學們食開學飯，一行十人去到油麻地，由於大家都少去CAFE(本人去過10間8間左右，不過都想試新野)，行到某大廈樓下，遇到幾個CAFE既員工（分別就係呢間CAFE同埋同一大廈既另一間CAFE)派晒宣傳單張，又係咁向我地hard sell，咁就隨便揀左呢間入左去。

大家落Order既時候，叫左2個B餐「和風肥牛飯」(大概係咁既名, $5X)同6個C餐「忌廉汁焗魚鮮飯」(我都係叫左呢個，$6X)，2個D餐（黑椒雞扒飯之類）。

CAFE慣例每人叫餐送一杯飲品，呢個時候大概7:30PM左右。

開頭係飲品先到，正常（雖然有一杯係好遲先到）。

之後就係B餐到左，好唔好食我唔清楚，但係我見到個份量真係細到，比吉野家的普通SIZE的牛肉飯起碼少一半，用料當然都應比唔上 跟著就上D餐，有同學食到D雞扒話味道有點怪，但又有同學話無乜野，咁就無乜點理佢。

不過以上呢兩個餐並唔係重點，只係份量少左D或者味道不太好，都預左CAFE D餐唔會太高質素架喇。

最後上既餐係C餐，開頭只係上左4個（個陣都好似等左超過45分鐘），仲有兩個遲遲未到……到我地催促D職員既時候，佢同我地講：「C餐無晒喇喎，一係轉返A餐肉醫意粉丫」，咁咪轉囉，費事咁肚餓仲要等咁耐……見我地好多人都唔夠飽，有D同學索性落樓下買埋M記上黎食埋佢而去到9PM，最後果兩個B餐（其實應轉左A餐）竟然都仲未到，o係我地再次催促之下終於奉上，而一看之下竟然係忌廉汁焗海鮮意粉（我唔知佢係咪連肉餐意粉既材料都冇啦），仲要所謂既海鮮只係得魷魚D意粉食落有少少酸，D忌廉汁淡而無味，但最攞命既都係D魷魚，一放落口便知唔對路，雖無腥味但感覺令人反胃，即刻吐返出黎（究竟我係咪美食廚房D評判？！）結果成個餐我食左幾啖就唔食喇……真係不知所謂！要趕住上菜都唔係咁求其掛？環境除左野食係一個問題之外，另外一個問題就係CAFE內既環境。

雖然話CAFE內的確係正如宣傳單張上所講，有6部大電視（當時播緊TVB翡翠台），但問題係佢有時會無端端播D好舊既英文歌，仲要大大聲（我地有試過叫D員工可否將音樂教細音一點，點知轉個頭佢又播另一首歌，又係一樣勁大聲），個電視就變左靜音，咁到底個電視開黎做咩既呢？淨睇畫面？同埋咁做唔會對客人造成滋擾咩？大家黎到CAFE通常都係想個環境靜D，可以聚會傾下計玩下咁咋嘛……都唔知佢想點……好彩最後都熄左，唔係既話真係好難留得耐遊戲方面我地就玩左monopoly deal、啤牌、pictionary同層層疊，無咩問題，其他遊戲無玩就唔知啦。

衛生店內衛生還可以，但個廁所都有D污糟下最後我地臨走個陣，有個男員工仲問我地唔坐左添？（我地以由7點半坐到11點幾，算係咁啦）我話夠啦，差唔多啦（我心諗：再唔再黎都成問題啦）出到去等搭lift，見到有告示，話原來呢度附近治安都唔係太好，曾經有非法活動同毒品交易……見到後相信都唔會再黎架喇實在不吐不快，總而言之，呢間CAFE真係好唔掂，附近都仲有大把選擇啦，勸大家如果想揀呢間的話真係要三思。

I-Blue'z Cafe & Lounge餐單提供港式, 樓上cafe等推介美食位於旺角區，餐廳座位數未知人均消費約$51-100，結賬可以用現金。

您對於旺角餐廳「I-Blue'z Cafe & Lounge」有何 comment？

I-Blue'z Cafe & Lounge餐廳詳細資料：

• I-Blue'z Cafe & Lounge地址:
  旺角彌敦道577號高氏大樓6樓
  I-Blue'z Cafe & Lounge,  
• I-Blue'z Cafe & Lounge電話:  
• I-Blue'z Cafe & Lounge價錢: $51-100
• 分類: 港式, 樓上cafe
• 座位: 未知
• 付款: 現金
• FB專頁: I-Blue'z Cafe & Lounge Facebook

更多I-Blue'z Cafe & Lounge相關資料:

• I-Blue'z Cafe & Lounge分店
• Youtube
• Facebook
• Twitter
• Google