Fire Club 旺角

Fire Club 評價 相片

因為同朋友REU所以就黎左呢度食餐DINNER..叫左個$58蚊既SET DINNER啦.. 諗住應該正正常常..首先個前菜係瑞士雞翼.. 一個餐先得一隻..仲要個隻味.. 係好奇怪既味.. 1D都唔似瑞士汁既味道..我同我D朋友都係覺得唔好味..之後個湯就係意大利雜菜湯..但成碗湯種味.. 又唔係有菜味.. 又唔係有蕃茄味. 但佢成碗湯又紅卜卜咖喎!!上高應該加左D係忌廉汁咁既野.. 但係始終都蓋唔住個種奇怪既味道..但黎野速度又係好慢.. 我地5個人.. 但有其中一個FRD個MAIN COURSE.. 我食哂成碟飯都未黎到..咁我MAIN COURSE叫左意大利飯..其實個飯就OK既.. 不過不失.. 但唔夠汁..如果佢個飯濕少少.. 多汁少少.. 其實應該係幾好的.到飲品.. 係杯FRUIT PUNCH..一飲落去就真係覺得係中伏.. 只係橙汁+芬達咁樣..同埋好細杯.. 名副其實又難飲又少..咁本身我地都諗住專登食CAFE就係可以傾下計呀玩下咁樣..點知玩玩下無端端叫我地埋單話10點半要走..同有D食評講既野一樣.. 呢間野的確收錢係最快..之後原來係因為佢10點半會轉做BAR.. 咁就會趕哂CAFE D人走..總括而言.. 雖然連埋+10%都係@64蚊..但食物既份量.. 味道.. 同埋服務態度.. 都覺得唔值呢個價錢囉..真係唔會再有下次黎!!

一行十數人出黎聚餐,因人數眾多想坐得舒服,當然係選擇cafe啦! 本身book左二樓果間,但有限時,去cafe就係想任坐,我地又唔係唔食野! 做乜要限時計最低消費!? 樓下有人向我地派傳單,總算係熱情的招待啊!!! 於是貢左上黎...見到D人對呢度評價咁mean,真係要平反一下啊!去呢棟咁寒酸大廈cafe食果幾十蚊野,真係唔可以要求酒店式服務同美食! 食物選擇眾多,唔算得上好好食,但中規中矩,食得飽的! 意粉可以再煮淋D! 白湯味道怪怪的,朋友飲兩啖都冇飲啦! Expect係灌頭湯就好了! 呢D小cafe人手少少,要有耐性等餐,速食請到快餐! 裝修擺設都唔錯,座位幾好坐的,環境唔太嘈,燈光昏暗有氣氛,傾計都幾好! card game都有齊,新浄的,可以自娛! 廁所係細,但乾淨的! 價錢黎講係好平,一個餐有湯,前菜,主菜,飲品,都係幾十蚊,夠10人仲有9折!

本來想去高氏home, 經過樓下有人派傳單. 又未上過9/F 樓. 諗住試下...點知出事....8:00pm入到去, 已經無乜客. 得一枱. 我地都照坐低.環境唔講. 一般旺角樓上吧..無裝修...所謂 DINNER 分 幾個級數. 我地叫78的 SPECIAL DINNER, MENU話有頭盤, 有湯, 主菜及餐飲.叫了2 SET, 分別是西冷扒及牛柳.頭盤分別是雞翼及豬手.頭盤真的嚇死你. 一隻室溫李錦記瑞士汁雞翼. 豬手仲精彩...是一片豬手肉.....不知所謂湯是暖, 仲要用盛sauce 的 四方碗仔, 咁大個人都無見過咁serve人....主菜叫六成熟, 結果是一份有燶味, 一份是全熟....主菜跟薯菜. 伴碟是薯蓉+生椰菜....生椰菜似無洗過. 切出來就放在碟上....再加25 轉白酒... 又是惡夢...佢來杯是比人試酒的份量, 話係餐酒....又是嚇死人...衛生又係好差...地下有小強...厠所仲差過茶餐廳厠所...真係永遠唔好再去呢間野!!!!

我同幾個fd去到叫左個set dinner ($58), 等左勁耐 ,一味話整緊 , 仲不停問我地差咩未到(問左3次)....最後過左**一個半鐘** , 我出去睇全場有廿幾三十人但得一個爐頭同一個人整野食 !!我叫佢轉野是但咩都好快就得....之後到左個牛肉粒意粉 , 好差.....而且一開始叫左既野飲最後先到 (已經叫左兩個鐘頭) , 所謂既"荔枝紅茶"淡到好似水咁最後埋單唔洗一分鐘就埋到單 , 收錢就最快呢間野真係不知所謂 , 千其唔好去 , 我去食麥當勞都仲好過佢 !!

第一次去, 跟餐的前菜選了雞翼, um...凍雞翼...真的不合我胃口.第二次去, 唔想揀雞翼作前菜, 可惜佢話冇沙律, 得番雞翼 = =主菜都偏難食, 只有著條著蓉屬正常口味.飲品比食品好很多, 此處只可作飲野既地方.(game種類不多)

Fire Club餐單提供意大利菜, 樓上cafe等推介美食位於旺角區，餐廳座位數未知人均消費約$50以下，結賬可以用現金。

您對於旺角餐廳「Fire Club」有何 comment？

Fire Club餐廳詳細資料：

• Fire Club地址:
  旺角登打士街577號高氏大樓9樓
  Fire Club, 9/ F, Ko's House,577 Nathan Road, Mong Kok
• Fire Club電話:  
• Fire Club價錢: $50以下
• 分類: 意大利菜, 樓上cafe
• 座位: 未知
• 付款: 現金
• FB專頁: Fire Club Facebook

更多Fire Club相關資料:

• Fire Club分店
• Youtube
• Facebook
• Twitter
• Google