Bamboo Thai 旺角

Bamboo Thai 評價 相片

30/5/2020 整日shopping之後發現朗豪坊開咗一間新嘅泰菜！俾佢嘅招牌菜式吸引咗！極力推介火山排骨！看圖你就見到成座山咁！個醬汁非常之特別酸酸辣辣同埋好惹味！第一啖可能覺得好辣但係食落你就發覺係就算平時唔食辣嘅人都係可以接受得到因為真係好好味！連我老公同個囡唔食辣嘅都係咁encore！另外燒牛肋肉都可以但係果次食D肉比較瘦有啲似瘦肉！每一次食泰菜都必食通菜，呢度嘅通菜就中規中矩比較多油！地方都算舒適清潔值得一試

旺角朗豪坊睇完戲，同層有間 bamboo, 環境幾 ok舒服，價錢唔貴，所以就食番餐泰餐啦！九層塔青檸梳打，非常清新解暑！九層塔葉配上青檸帶微酸，幾醒神！正。

火山排骨係餐廳必食嘅推介，賣上做到嘅好似係做火山咁樣非常有gimmick,細份份量都勁大碟！骨與骨之間既肉都幾嫩，而湯汁放上大量香葱酸菜，湯汁都係帶點酸，令排骨既肉帶點層次！另外叫做咗一個燒牛肉沙律，醬汁輕微帶辣！食得起勁！幾惹味，醬汁調教得幾有泰式風情！非常開胃,牛都幾滑！泰式臘腸蟹肉炒飯，份量又係大大碟！色彩繽紛的！蟹肉絲幾足料！ 臘腸嘅鹹香更令炒飯提鮮，加上有勁多配料，清清爽爽！味道不錯。

去泰國沒吃到火山排骨，竟然在香港的Bamboo Thai可以食到！新開店就在朗豪坊戲院旁，店面夠大，坐得舒適。

嘩！見到menu都已經好吸引，有不少新菜式。

紅豆珍多冰($42)在夏天喝透心涼。

清新柚子蝦沙律($68)一舊舊的柚子十分清甜，唔會散晒，又有口感，大蝦都好爽口，sauce唔太酸，啱啱好，好開胃。

虎蝦泰臘腸春卷($68)食得出新鮮炸的，脆卜卜，第一次食春卷有泰式臘腸，好特別，而且給的大方，是粗粗的，虎蝦也很大隻，肉質彈牙，個醬汁也是重點，是特調的酸甜味，你一定喜歡！火山排骨 ($98/細)重點推薦，細份排骨份量不少，用上豬頸骨，肉質嫩滑入味，喜歡它的肉汁，是秘製的，有香芧、南薑、青檸葉、魚露和檸檬汁等，味道豐富帶點酸，仲加左辣椒，有少少辣，幾惹味，配大量芫荽一起吃，整體口感清而不膩，甚有風味。

附膠手套，用手吃最滋味。

蒜香炒椰菜苗($58)炒得不錯，新鮮爽口，不會太鹹。

油酥餅($28)不太油，焦面脆脆地，餅底幾煙韌，可以醮火山排骨肉汁吃。

潮人天地朗豪坊，一向都有無限新意，最近就同朋友睇完戲，見到有一間泰式餐廳Bamboo Thai，就入去試下喇！環境感覺唔似一般既傳統泰式餐廳設計，走的是清雅時尚風格，食物方面有唔少新菜式。

 本來想點選精選拼盤，入面有齊春卷、蝦米紙卷、炸魷魚、沙嗲雞肉及炸魚餅，但又不是樣樣啱食，所以就點選了炸魚餅及冬蔭功雞翼，前者個人覺得未算好特別，反而冬蔭功雞翼好有驚喜，入口時就感受到香茅及檸檬葉的香，脆皮的表面有點蒜粒及辣椒粒，加入少少辣醬，雖然不算辣勁，但有陣陣香味，味道相當不錯。

 芒果煙三文魚他他 切粒後的煙三文魚，有點青檸及拉差辣椒醬味，少少鹹香鮮甜味相信是魚露及芫茜的功勞，加入新鮮芒果粒，將煙三文魚獨特的味道提升到更高層次，兩者味道配合得天衣無縫，呢個前菜真是幾開胃，絕對是我今期的至愛。

最合打卡的火山排骨 大大件荷蘭豬頸骨，就咁睇好跨張，問過經理，原來製作需時，要用慢火煮一個半小時後，再淋上泰國香草及辣椒而成的醬汁，食豬頸骨時仲可以飲埋少少湯，微辣得來都幾過癮。

紅咖哩牛肋骨配青木瓜沙律 牛肋骨入口就好軟腍，經理話原來材料有香茅、南薑、青檸葉及椰汁等，以低溫68度慢煮18小時，等紅咖哩完全滲入牛肋骨之中，入口即溶好好味，而旁邊伴有清新的青木瓜沙律，盡顯泰式風味。

羅望子醬慢煮豬肋骨 將西方的慢煮烹調技術混入泰式美食當中，豬肋骨以低溫68度慢煮24小時，唔怪得輕輕一咬便骨肉分離，而且都幾開胃，酸酸甜甜的味道，大大中和了油膩感。

豬肉碎生菜包免治豬肉碎與指天椒、金不換、香茅、芫茜、青檸及泰式魚露爆炒，味道香辣並重，包埋新鮮爽口的生菜，口感份外清新。

 大蝦炒有機糙米飯彈牙的大蝦煎得恰到好處，有機糙米飯中加入蘆筍、薑、乾蔥及青咖喱汁同煮，讓每粒糙米飯都盡吸當中精華，香氣撲鼻，令人齒頰留香。

 楊枝甘露以椰子雪葩取代椰漿及花奶，再鋪上吸睛的白朱古力泡泡，仲有新鮮芒果粒及蜂巢脆糖，好有口感。

 朱古力心太軟流心的朱古力蛋糕帶有清新的香橙味，上面加有香蕉意大利雪糕，綿滑細緻的口感讓人回味無窮！

前幾日係旺角整完甲，就去左朗豪坊想搵餐廳食野坐下，但一個人行左成個商場都唔知食咩好，大部分餐廳都好多人而已坐位感覺唔係太好坐最後入左呢間餐廳，感覺安靜舒適。

脆椰絲羅望子炒虎蝦 配白飯$118送上枱時賣相吸引，兩大塊脆蝦片，紅綠紅綠青椒炒虎蝦，好色彩繽紛🧡食落口酸酸甜甜偏酸，虎蝦都大隻。

單食有小小重口味，但配飯食就無問題，好惹味。

得閒又將D蝦餅沾汁，2大塊好快就食完。

而飲品我點了菠蘿冰，本身以為用普通杯，點知餐廳用長身既杯，即時賣相又吸引。

Bamboo Thai餐單提供越南菜, 泰國菜等推介美食位於旺角區，餐廳座位數未知人均消費約$101-200，結賬可以用Visa,Master,AlipayHK,支付寶,現金,AE,銀聯,微信支付，Booking訂位可以電話致電 21119948 查詢。

您對於旺角餐廳「Bamboo Thai」有何 comment？

Bamboo Thai餐廳詳細資料：

• Bamboo Thai地址:
  旺角亞皆老街8號朗豪坊8樓02-03號舖
  Bamboo Thai, Shop02-03,8/ F, Langham Place,8 Argyle Street, Mong Kok
• Bamboo Thai電話: 21119948
• Bamboo Thai價錢: $101-200
• 分類: 越南菜, 泰國菜
• 座位: 未知
• 付款: Visa,Master,AlipayHK,支付寶,現金,AE,銀聯,微信支付
• FB專頁: Bamboo Thai Facebook

更多Bamboo Thai相關資料:

• Bamboo Thai分店
• Youtube
• Facebook
• Twitter
• Google