麵饍 新蒲崗

麵饍 評價 相片

好耐沒有食串燒, 唔估到仲要食放題.有4種汁, 海鮮汁就最好味, 仲有茄蒜汁都係可以加係任何既串燒上面.當晚包場, 食左好多精選, 有雞軟骨,一口吉列豬, 牛肉串.多春魚,鴨舌, 牛油炒雜菌,毛豆,粟米,車厘茄, 茄子, 南瓜天婦羅.等等 因為太飽, 試唔到豬頸肉仲有要加818蚊既廣島蠔, 帆立貝, 一口牛, 秋刀魚等等另外點左杯凍北海道牛奶焦糖奶茶好好味呀!係冇TOILET, 要去旁邊明星, 不過都好方便, 坐小巴好快去到旺角.

一直都好少出來食 lunch, 一來怕有味精, 二來喺新蒲崗都無嘢好食. 但今天因為要 farewell 同事, 便出來食餐 lunch.有同事話 “麵饍”呢間嘢好食, 於是就嚟咗食lunch. 我哋七個人, 每人叫個 set lunch, 再叫咗幾個小食 share.呢間嘢啲餐的確幾特別, 有中, 日, 西嘅麵同小食, 價錢仲好抵, 三十幾蚊就有一個餐, 小食由幾蚊到十幾蚊, 種類都幾多吓.無幾耐, 啲嘢食就到, 咁高效率, 絕對啱我哋啲得一個鐘食飯嘅打工仔. 食物放到枱上, 賣相已很不錯, 份量亦不少, 食咗幾啖已經覺得呢間嘢好得同埋無味精. 勁鍾意食雞嘅我勁滿意佢哋個香煎雞扒意粉, 同事們亦好滿意佢哋嘅海鮮炒米粉, 豬頸肉湯麵, 南瓜肉碎炒烏冬, 鮑汁冬菇雞湯麵, 同煙肉菠菜蜆意粉. 佢哋嘅小食都好掂呀, 我哋叫咗拍黃瓜, 炸雞翼, 一口牛柳粒, 同埋德國腸, 樣樣都好好食呀!一個坐得舒服嘅地方, 三十幾蚊一個餐, 既好食, 份量亦不少, 有多款特價小食, 而且不必加一, 仲有12:30pm 前埋單離坐會有九折, 咁抵食, 日後我相信我定會多啲出嚟呢間嘢食lunch了!走之前問店員攞咗張外賣紙, 發現佢哋仲有串燒賣, 外賣串燒都有, 仲買滿 $30外賣就有九折, 最平 $8 串就有交易, 咁抵嘅價錢, 過幾日放工都要去買幾串嚟試吓咯!

本來上個星期已經喺 Openrice 寫咗篇食評, 但係唔知會否啲相嘅 size 太大, 故此等咗幾日, 啲 friend 都見唔到我篇食評, 所以喺 班 friend 嘅 "要求" 之下, 唯有試吓縮細啲相嘅 size , 希望 Openrice 會出我篇食評, 等啲無嚟到食飯嘅 friend恨吓, 等啲嚟咗飯嘅 friend回味吓, 同上Openrice 搵好嘢食嘅朋友分享吓 在家工作 (Work from home) 的朋友常抱怨附近的食店質素 below average. 不愛入廚的她天天要在新蒲崗搵嘢食, 常常叫愛吃的她苦不堪言.某日中午, 她看見爵祿街有家新開的食店在午飯時坐無虛席, 而他們的午餐選擇既多且特別, 故雖然要等位, 友人亦要一試.對食物一向很有要求的她在吃罷午飯後便立即打電話給我, 說要約埋班 friend 一齊去食晚飯, 且說我們一定會滿意云云.因此, 我們一行八人便抱住期待的心情去一試 (因友人說這間食店專賣中, 西, 日麵食和小食, 和多種冷熱特飲… (真係? 新蒲崗噃??...) 走進這間食店後, 店員立即前來招呼, 一坐下來, 友人便極力推薦我們吃豬頸肉拉麵和誓言要我們一起試試所有小食! 亦就在此時, 店員向我們推介他們新出的各款串燒和炸物. 嘩! 這叫我們驚喜不已, 因從未想過如此一家位於新蒲崗的小店會有這麼多的選擇, 勁!! 看看他們的串燒和炸物menu, 不但食物種類吸引, 最重要是價錢相宜 (串燒價錢為 $8, $10 & $15一串!) 他們亦有秋刀魚, 不是隨處都有的餃子雞翼, 仲有我嘅至愛日本帆立貝!!! 美食當前, 已顧不得逐一為食物拍照, 因他們的串燒不但香口, 且富有肉汁, 因此, 我們亦吃完一串再一串, 差不多把餐牌上有的都點了來吃! 除了串燒, 我們亦點了他們的天然果汁沙冰和梳打 (邊吃串燒, 邊嘆特飲, 突然有種居酒屋 feel!!), 味道亦不俗喎! 在飽餐一頓後, 已有人提出下個月的生日飯局要再來“麵饍”, 而家住新蒲崗的友人已忙著向店員索取外賣單張 (原來他們在晚上亦有串燒外賣, 店員說是方便附近一些下班後想搵D嘢食醫吓肚餓嘅人士喎, 果然細心!) 結賬時, 店員說他們會陸續推出更多款串燒和小食, 還送了一些 coupon給我們, 且說他們會不定期推出各款優惠, 相信日後的飯局將會移師到“麵饍”了.

上個星期去左新蒲崗搵朋友,之後大家都肚餓又唔想煮,所以就落街食啦.行左陣,見到呢間麵饍有日本野食,價錢ok平,所以我地3個女仔就入左去食野啦.d裝潢幾好,比起其他新蒲崗區既食店好好多,起碼好乾淨 我地3個人都好肚餓,所以就叫左個豬軟骨拉麵,豬頸肉烏冬,仲有雞扒意粉!!!食物好快就好,賣相幾靚,熱辣辣,即刻開動xdxd(所以唔記得影相________")我地3人share食,呢3個都好好味!豬軟骨好入味!!!!!!!(勁推薦!!!!!!)好軟滑!!!!!!!!勁好食!!!!個豬頸肉好香,好脆,好香黑椒味,唔會難咬;)而雞扒都不錯,煎到岩岩好,好juicy!!!!!!!!我同朋友都覺得好正,又唔多夠喉!就再叫多個一口吉烈豬扒.呢個更加無得頂!估唔到炸豬扒都可以咁juicy!!!又脆仆仆!!!!最後我地飽到捧住個肚走xd今次我地3個人每人都系40幾蚊!!!!!而且d食物真系好得!!!見到個大廚煮野食既時候好專業咁款,食既時候都系一d都冇失望水準唔錯呀!!!!推薦大家去試下!!!!!!新蒲崗d食店一向都好一般!!不過呢間真系例外,大眾化又好味既日本麵食=]

每當有時間便會上 Openrice 看看有什麼好介紹, 但寫食評便是第一次 本人於新蒲崗工作, 每當食lunch 的時候就令我頭痛, 因附近大多數是茶餐廳, 有部份雖然價廉, 但食物質素可以用“難食” 來形容 上星期發現爵祿街開了一間專食麵的新店, 餐廳格局的裝修, 除了麵食之外, 他們還有多款小食和特色飲品選擇 (包括特色奶茶, 咖啡等); 貪吃的我當然不會錯過要一試啦! 再細看看他們的餐牌, 原來他們以主打中, 西, 日的麵食和小食為主. 經店員介紹, 我點了一份豬頸肉炒烏冬配南瓜天婦羅和一杯Movenpick 即磨咖啡. 同事就點了一份煙香菠菜蜆肉意粉配南瓜湯, 和一杯冰凍北海道焦糖奶茶. 意想不到, 他們的烏冬竟然如此軟滑, 豬頸肉亦煎得很香口, 而愛飲咖啡的我對這杯Movenpick 即磨咖啡亦十分滿意, 午餐加升級至即磨咖啡只是$44 (餐廳格局竟然全日免收加一!!讚!!!)同事對她的意粉亦十分滿意, 因不是所有餐廳都有如此真才實料的菠菜意粉, 配上煎香的煙肉粒, 不但香口多, 點紅點綠的顏色亦有助提升食慾 (同事亦不明白為什麼第一篇的食評會咁負面……); 而同事對她的冰凍北海道焦糖奶茶亦讚口不絕, 因奶茶本身很滑口, 加上焦糖後實在互相輝映呢!說真的, 如果單以價錢看, 他們不如一般茶餐廳便宜, 但以食物質素, 環境和服務, 他們所定的價錢可以用“物超所值” 來形容 (再加上他們的份量一點都不少的! )離開時向店員拿了一份外賣餐單, 發現他們的種類既特別且價錢便宜, 還有港人至愛的出前一丁(薑蔥炒丁和特色撈丁都有), 仲係全日供應!! 下次肚仔餓嘅時候, 終於有個好地方食好嘢咯!!

麵饍餐單提供多國菜, 拉麵, 日式西餐等推介美食位於新蒲崗區，餐廳座位數20人均消費約$51-100，結賬可以用現金。

您對於新蒲崗餐廳「麵饍」有何 comment？

麵饍餐廳詳細資料：

• 麵饍地址:
  新蒲崗爵祿街98爵祿居F舖
  Noodles Home, Shop F, Wealth Court,98 Tseuk Luk Street, San Po Kong
• 麵饍電話:  
• 麵饍價錢: $51-100
• 分類: 多國菜, 拉麵, 日式西餐
• 座位: 20
• 付款: 現金
• FB專頁: 麵饍 Facebook

更多麵饍相關資料:

• 麵饍分店
• Youtube
• Facebook
• Twitter
• Google