茶作 新蒲崗

茶作 評價 相片

Facebook呢排都幾多人講既小店，今日終於帶埋朋友黎試下，因為我朋友超級鍾意茶既製品。

但地方都幾難揾，我地揾左好一陣先揾到。

雪糕有好多款式，全部都係自家製作。

環境真心一流，非常有家既味道，非常適合靜靜地黎飲茶。

我嗌左大紅袍，茶味十足，超級香濃，而且唔似一般坊間既茶味雪糕咁甜膩，茶既苦澀味道較重，7分苦3分甜，口感幼滑，兩個人開心share岩岩好。

整體味道不錯，價錢適中，但又未去到好特別一定非食不可，如果有多啲輕食就最好啦～

食完個下午茶，周圍行吓就想食返個甜品!!本身都幾鍾意飲茶嘅，見到依間專係用茶去整唔同嘅雪糕，就諗住去試吓😎有超過14種味嘅手作雪糕全部都係香港製造，仲要低糖低脂😍我地叫左一個濃香鐵觀音味嘅雪糕同熱嘅桔普奶茶，兩個都有超級濃郁嘅茶味又唔太甜👍🏻👍🏻杯裝雪糕，外賣都勁方便桔普奶茶比起好多珍珠奶茶嘅鋪頭嘅奶茶仲好飲👍🏻👍🏻好想下次試晒唔同口味😋環境燈光好舒服，擺設又靚😌😌可以喺度靜靜地睇書，度過悠閒嘅一日

呢間茶館係新蒲崗嘅工業大廈中，上次去因為有人包場就無試到，今次係去得龍食晚飯之前再嚟。

以茶館嚟講，都好多嘢可以試，除咗有傳統茶葉之外，亦都有唔同口味嘅手工奶茶，最令人驚喜係有好多唔同茶味嘅雪糕。

不過我見到傳統茶葉，相對價錢比較貴， 平均都要七、八十蚊壺， 不過店主好細心， 係你揀之前佢會畀曬所有茶葉畀你聞， 你可以按住自己嘅口味去揀。

但係由於我屋企自己都有好多茶葉， 所以就冇揀到傳統茶， 不過我估佢嘅茶葉質素唔錯。

我最後揀咗鐵觀音手工奶茶（熱）$32， 我有同店主講，我比較鍾意茶濃啲， 所以我估店主沖嘅時候茶嘅比例相對多少少。

所以飲落口，係非常啱我自己個人嘅口味，奶味都好香。

我印像中點煮都用咗一段時間去炮製呢一杯嘢飲， 所以係感受到店主嘅用心除咗飲品之外，店舖亦都有好多茶葉嘅產品出售，有興趣嘅人不妨嚟睇下，真心覺得唔錯！

午後需要找個位置工作、思考，既然晚上要到新蒲崗，便於新蒲崗的工廈區中找了樓上茶室茶作。

想點這裡有名的雪糕，但不知哪一個口味更適合我，便問問老闆，老闆介紹了大紅袍($35)，因為茶味更澀，不會太甜，一試果真如此。

而雪糕的質地因為新鮮製作，不會雪得過硬，一邊工作，一邊吃，溶化的剛剛好。

同伴來到再點了一杯手作鐵觀音奶茶($38)，奶泡輕巧，不會太膩，鐵觀音茶香味厚重，帶甘，沒有糖份，更顯簡而美。

這裡作為一個靜一靜，鬆一鬆的環境，真不錯。

如果喜歡品茶，還可以於店家買茶葉，回家再試。

聽到茶作有本地手作既雪糕一直都想試下，平日返工早返遲收工既我可以話冇乜機會去到佢哋喺新蒲崗嘅茶室買，點知好好彩同朋友食完飯去行超市時見到佢地上左架，超市售賣4款，包括普洱茶、鐵觀音、老縱紅茶同桔普，價錢都幾貴要成$35，不過手工野係會貴啲呢個都明，所以我同朋友每人買一杯食當飯後甜品。

雪糕嘅包裝黑黑實實有一點復古feel, 初頭諗住手作雪糕，可能會冰啲，但係點知雪糕質地唔會太冰唔會太硬，要讚既係唔駛等解凍好耐都可以輕易刮出來，望落仲有啲茶打碎左喺入面，應該好香濃，不過至於味道呢......可能期望越大、失望就越大，呢個係我食過咁多間茶雪糕最冇茶味既一間，茶碎原來唔係茶香，係up味多啲，又冇乜奶味，似係食咗一舊似涼茶既冰糕，試埋朋友既紅茶雪糕，情況好少少，可能因為冇比較，未食過其他公司有出呢個味道......我諗我都唔會再叫朋友陪我買呢啲雪糕食，一個字，以$35來講係伏的........再送俾我都唔會食

茶作餐單提供港式, 雪糕, 乳酪, 樓上cafe, 茶館等推介美食位於新蒲崗區，餐廳座位數20人均消費約$51-100，結賬可以用現金。

您對於新蒲崗餐廳「茶作」有何 comment？

茶作餐廳詳細資料：

• 茶作地址:
  新蒲崗大有街32號泰力工業中心13樓14室
  tea-ed TEA, Flat14,13/ F, Laurels Industrial Centre,32 Tai Yau Street, San Po Kong
• 茶作電話:  
• 茶作價錢: $51-100
• 分類: 港式, 雪糕, 乳酪, 樓上cafe, 茶館
• 座位: 20
• 付款: 現金
• FB專頁: 茶作 Facebook

更多茶作相關資料:

• 茶作分店
• Youtube
• Facebook
• Twitter
• Google