細味 新蒲崗

細味 評價 相片

今日同屋企人去新蒲崗開餐。

剛好經過此小店，正駐足觀看餐牌，店主就走出黎，強調小店菜色都不添加味精。

正合爸爸口味，所以就入左呢間食。

我地叫左2個套餐+1碟餃子套餐包白飯，油菜，湯及飲品咖哩麵包雞（$78）其實即係農夫包，雞件嫩滑，咖哩味道也不俗，唔似出面食咖哩一浸油係面。

面包表面亦焗得很脆。

唯獨是咖哩汁略嫌有點稀。

密椒薯仔牛柳粒（$78）👍🏼👍🏼👍🏼👍🏼呢個超好食。

牛柳粒一d都唔肥，而薯仔更是精華所在。

粒粒都煎到焦香，黑椒均勻地沾在薯仔表面。

食到停唔到口。

地道山東餃子（$58）像是手工包的，入面是韮菜瘦肉餡。

配浙醋，清清地。

此店價錢相宜，就算烚碟油菜都唔馬虎。

跟餐送的都是老火湯。

南瓜也被煲成蓉。

老闆也很好人，會問問客人意見。

店子小小，人情味卻很濃厚。

有機會會再去光顧的～希望水準可以保持下去。

PS.本來冇打算寫食評，所以餸菜都冇影相。

從來在openrice都很少寫食評，但真心覺得此小店不錯，很想推薦給大家，讓多d人去光顧，讓小店不至於折服於昂貴鋪租之下。

大家去開個頭就試下啦！

//掛住食唔記得影相，有機會再影過//本來都係四圍睇下無打算幫襯邊間，但係Mikiki又唔太多野食，景福街又多數係港式餐廳唔係太有興趣，見<細味>事頭親身走出來推介，標榜無味精，所以一試。

今次試左麵包咖哩牛腩Set同芝士蝦球伊麵Set，跟湯跟飲品。

麵包咖哩牛腩個麵包真係幾好食，食都最後都唔會話軟曬；咖哩見到辣椒但係唔辣，似咖哩魚蛋的咖哩，好香；牛腩有肉又有少少筋，煮得唔錯，夠入味，有肉食但唔會好硬，拍得住牛腩麵檔的牛腩。

唔通之前真係做牛腩麵檔？芝士蝦球伊麵個芝士較得適中，有芝士味但唔會太濃，唔會食到一半乾曬，D蝦亦幾爽。

係有驚喜的。

會再試，因為好似好多野食，同埋其他食物都好似幾抵，大約50蚊左右。

今早經過新蒲崗景福街取件，時間尚早去嘆個早餐，見到有間名為"細味"餐廳，一於入去細味早餐。

內有約28個座位，簡約的裝潢令人覺得舒服，有小盆栽做裝飾，幾清新。

粉麵A餐 太陽蛋+厚切午餐肉+厚多士($28) + 出前一丁黑蒜味 (+$3)出前一丁黑蒜味 碗麵一到就聞到好香黑蒜味，咬一咬麵條，未透，唯有自己在湯中浸一浸才吃吧！厚多士 多士不是很厚身，只是微烘一下便搽牛油，不是很脆，幸而牛油不是搽太多，不會太油。

大陽蛋 大陽蛋煎得幾靚，是我想要的那款，如果底部可以煎香少少會香口啲。

厚切午餐肉 午餐肉雖然真係厚，但唔覺有煎過，而且凍，肉質比較爛和梅，沒有口感。

熱咖啡 比較多奶冇咖啡味。

整體雖然不是好好味，但不會難吃，而且員工很有禮貌，全店廚師和侍應共三個人，見佢地忙得不可開交地服務每位食客，所以也不要太大要求吧！

細味餐單提供港式, 茶餐廳, 冰室等推介美食位於新蒲崗區，餐廳座位數未知人均消費約$50以下，結賬可以用現金。

您對於新蒲崗餐廳「細味」有何 comment？

細味餐廳詳細資料：

• 細味地址:
  新蒲崗景福街73號地下
  細味, G/ F,73 King Fuk St, San Po Kong
• 細味電話:  
• 細味價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 細味 Facebook

更多細味相關資料:

• 細味分店
• Youtube
• Facebook
• Twitter
• Google