祭 新蒲崗

祭 評價 相片

之前路過見到滿座，無緣試食。

係外送app 見到呢間日式小店，即刻落order 點左個吉列豬排拉麵同韓式炸雞～見到呢隻小企鵝係碗拉麵度真係笑左，很得意！由於外送關係，我remark request 湯同noodles 分開裝，也有跟足。

吉列豬排不油，幾鬆脆，size 也不大不小，個noodles 軟硬適中。

韓式炸雞呢！我又remark 左 （我呢個客人都幾煩！）有什麼醬可跟埋？ 我對呢d 野都幾執著架，例如食魚蛋粉要有潮州spicy 醬咁啦！店方只有沙律醬，通常說放入袋內就算。

估唔到呢間小店咁窩心，寫左張memo 比我，如下圖好暖啊！雖然加埋外送費，有點貴，但呢d 服務上既細位都照顧到，真係好抵讚！

好耐以前已經黎呢到食過，返轉頭原因除左食物對得起價錢之餘，仲因為老闆既笑容，雖然我唔係呢到熟客，但黎左2次都見佢對其他客人同我既態度好好2年後再返黎，見到餐牌同店裡面既野都唔同左，最初仲擔心已經轉手，但食食下就見到老闆出現講返野食，我地叫左壽喜燒鍋，拉麵，串燒韮菜，燒油甘魚鮫同芥末8爪魚壽喜燒鍋跟一個白飯，平平穩穩因為都係肥牛，金菇，湯底唔太咸，大約$70拉麵，大約$38，你唔好以為淨麵，佢有隻鴨形魚旦，荀，粟米既豬骨湯底麵，講真湯底似公仔麵，但呢個價錢，真係算係咁啦串燒韮菜，正，唔會好老芥末8爪魚:呢樣就差少少，因為唔夠味，食唔出芥末味最後油甘魚鮫，時間要等耐少少，但真係燒得好靚，個人覺得唔夠咸，啖味左啲，但真係成餐咁多樣野都只係$220，唔洗加一

《食玩焗煮遊世界》打完拳梗要醫番個肚，發現新蒲崗采頤花園有間唔錯既日本餐廳Matsuri祭。

店仔細細，但都坐得好舒服。

食物方面主打熟食同串燒，價位好貼地。

牛肉丼$55，醬汁唔會太甜，牛肉唔係平價急凍肉；鰻魚飯$70，size細咗d，但都好好味，連朋友一向唔鍾意食鰻魚都話ok；雞腎$15就燒得過火喇。

三個人連飲品都係$210，good deal! 下次一定要試埋蛋黃飯同壽喜燒，仲有油甘魚鮫都係$70。

等咗兩個月，終於大修完畢！餐牌嘅嘢都有好多唔同，就睇吓食物質素有冇進步先！拉麵冇晒其他款，只得呢一款（或烏冬），我估係想客人食多D其他嘢。

有四隻炸蝦嘅咖喱飯，水準保持到～呢個以前好似冇，不過略嫌多咗少少粉...老板娘話依家嘅薯餅比以前改良咗，我覺得真係好味D喎～諗諗吓都係想食返個串燒，咁就梗係食牛舌啦！雖然唔係厚切，但係都燒得好好味～街坊生意，價錢非常相宜，食物種類多、質素又ok，真係可以嚟密D～是晚消費：$160

跟朋友相約逛逛荷里活商場後找食，朋友建議走遠一點有家不錯的日式食肆，平靚正之選。

我們都是日本菜的  friends，於是一起走到采頤花園去。

走到門口，好有日本 feel。

坐在食肆內，彷彿置身日本鄉間小食堂，感覺良好。

我們叫了一客海鮮炒烏冬。

用料十足，有大大隻的帆立貝、大蝦、蜆、魷魚、蟹柳……等配料，再用日式醬汁來炒的烏冬，味道調配得相當好，鹹淡得宜，但又能帶出烏冬的彈牙感覺。

朋友說每次到這裡都愛吃壽喜燒這個定食套餐，因為這個定食既抵食又好味，熱乎乎的牛肉豆腐鍋，加入溫泉蛋的甜麪豉湯底，帶出牛肉的鮮甜，軟滑的豆腐浸在雜菜湯中，麪豉的味道滲入豆腐中，份外香滑，配上白飯，既好味又飽肚。

本身愛吃脆口的食物，鹽燒墨魚咀外面脆脆的、內裡有咬口，不錯的小食。

怕 order 得太多食唔晒，所以只叫了愛吃的雞軟骨串燒，享受雞軟骨又軟又硬的感覺，十分正。

相比之下，這2 個飯團就較普通了，雖然味道也不錯。

最後要了一客芝士年糕，煙煙靭靭，芝士味又突出，雖然已經很飽，但我也吃了一塊再一塊。

祭餐單提供日本菜, 拉麵, 串燒等推介美食位於新蒲崗區，餐廳座位數25人均消費約$51-100，結賬可以用現金。

您對於新蒲崗餐廳「祭」有何 comment？

祭餐廳詳細資料：

• 祭地址:
  新蒲崗彩虹道242號采頤花園商塲地下G435-G436號舖
  MATSURI, G435- G436, G/ F, Rhythm Garden,242 Choi Hung Road, San Po Kong
• 祭電話:  
• 祭價錢: $51-100
• 分類: 日本菜, 拉麵, 串燒
• 座位: 25
• 付款: 現金
• FB專頁: 祭 Facebook

更多祭相關資料:

• 祭分店
• Youtube
• Facebook
• Twitter
• Google