樂廚 新蒲崗

樂廚 評價 相片

今日一個人嚟到新蒲崗，唔熟呢頭，隨意揾餐廳食。

見呢間喺Mikiki對面，門面又有啲休閒feel，就你啦！入面有木紋枱，都係休閒feel嘅，不過午飯時間無可避免係多人，喺香港，"多人=嘈"是常識吧。

叫咗個芝士漢堡飯，菌汁，熱柚子蜜。

跟餐湯，今日餐湯係洋蔥湯，好味，仲有個香草包，勁香及鬆軟。

至於個飯就一般，菌汁唔夠濃，塊漢堡比較乾，飯就正常偏腍。

嘢飲無咩特別，特別在個貓貓杯，好似浸緊浴咁，夠萌！服務態度就好好嘅！抵讚👍

放假想揾個地方慢慢嘆早餐，11點來到仲有就叫左個set加杯咖啡，野食好食，配撘得好好，我同友人都好鍾意杯咖啡，唔太苦又有奶香，食完心情都好好，地方雖然唔大但環境都幾舒服，室外都有小小位置，狗狗friendly既cafe,支持

今天同女朋友去新蒲崗，去左一間叫「Happy Kitchen樂㕑」，見到個店舖名已經好開心，入面有一幅得意貓貓畫，還有一幅狗狗畫，非常有特色，見到都令人好開心。

我叫左「豬骨濃湯雞扒日式拉麵」，拉麵真的非常彈牙，超正，配一杯熱檸蜜。

另外叫左「樂廚公司三文治」，配一杯特色橙汁，三文治好香脆，又多料，真的好好味。

這裡上載相上facebook like & share ，便可以獲得一球雪糕，真的好開心。

而且這間食店的侍應真的非常有禮貌，食完真係令人好開心，果然係「Happy Kitchen」。

我地係住喺新蒲崗, 餐廳實在好多, 有一日LUNCH唻樂廚試左一次, 發覺係家庭式小店, 鋪入面環境比想像中大, 都好光猛舒服。

我同老公分別叫左ALL DAY BREAKFAST同一個牛肉漢堡芝士汁飯, 因為一週年仲有沙律或者湯送。

兩份主菜的分量都唔細, 同埋有心機。

好似份早餐的炒蛋, 係好滑唔求其。

個飯的芝士汁亦同漢堡好夾, 幾特別, 自己落左D黑椒感覺更正~果日食完先見到有心太軟, 但太飽食唔落。

於是早幾日再去試, 主菜叫左一飯一海鮮意粉, 個海鮮意粉有幾隻蟶子肉~~好驚喜!!同埋蝦都唔係雪, 有鮮味。

心太軟連埋雪糕，好濃好好食, 老公都讚不絕口。

而服務係親切但唔會令你煩果隻。

加油呀, 有心的小店!

我非常鐘意新蒲崗呢個區分，看似好難去，但其實識得去係好易去的很多食店價錢便宜，不論是食店還是買日用品，都比其他地區平，真的很好！其實現在的新蒲崗已經跟10年前不同，因為多咗大型屋苑及商場之後，亦多咗好多食店，今次這間也是第一次試，想找一間坐得舒適的舖，這間價錢也不貴，仲要有一週年優惠，一於試下！叫咗一份丹麥豬扒配芝士汁飯，豬扒超好味，有汁入味！芝士汁就淡咗少少。

另一個係墨魚汁意粉，墨魚汁係 lim 住晒d意粉，出面食過都係好「希」的！真係真才實料！之前也有湯及飽，也不錯！只是那杯餐飲，真是有點遜色！咖啡及朱古力好淡，其實可以唔洗沖咁大杯會好點，但那隻貓貓杯好靚呢！這些小店一定要多多支持！

樂廚餐單提供日本菜, 西式, 甜品, 糖水, 三文治, All, Day, Breakfast, 咖啡店等推介美食位於新蒲崗區，餐廳座位數未知人均消費約$51-100，結賬可以用現金，Booking訂位可以電話致電 27150525 查詢。

您對於新蒲崗餐廳「樂廚」有何 comment？

樂廚餐廳詳細資料：

• 樂廚地址:
  新蒲崗景福街61號地舖
  Happy Kitchen, G/ F,61 King Fuk Street, San Po Kong, San Po Kong
• 樂廚電話: 27150525
• 樂廚價錢: $51-100
• 分類: 日本菜, 西式, 甜品, 糖水, 三文治, All, Day, Breakfast, 咖啡店
• 座位: 未知
• 付款: 現金
• FB專頁: 樂廚 Facebook

更多樂廚相關資料:

• 樂廚分店
• Youtube
• Facebook
• Twitter
• Google