地道館車仔麵 新蒲崗

地道館車仔麵 評價 相片

黃店 💛 #地道館 #車仔麵🟡地道館曾經多次出post表態🟡15/11起請學生食車仔麵🟡店內外有文宣又係一個喺新蒲崗揾食嘅日子，我同同事今日黎咗呢間超受歡迎嘅地道館車仔麵。

雖然呢度主打車仔麵，但連撈麵同飯餐都非常多人推薦。

🦑咖喱魷魚、🐮柱候牛腩、🍄冬菇、🍜米粉、💧 腩汁 （$41）呢度嘅車仔麵三餸一麵係$38，咖喱魷魚+$2，柱候牛腩+$1。

我每次黎都係叫呢幾款餸，埋單$41，超抵食。

咖喱都幾辣，會整到成碗麵都辣咗，超過癮！牛腩好淋身，甜甜哋，好味～冬菇都係好甜好好味🤤呢個係我覺得最好食嘅車仔麵店，沒有之一！下次試埋撈麵、蝦條、飯，再同大家報告👻

今日去新蒲崗拎d嘢，就周圍去睇下有咩好食。

經過呢間車仔麵，入去食左個下午茶，搵到一間有香港地道味道嘅小食，叫左香炸豬扒同埋韭菜豬紅豬扒即叫即整，1人份量，咬落去非常juice, 完全冇雪味，又食唔到酒味，唔老，肉質彈牙，見到好多枱都有叫到豬扒，就知道一定要叫韭菜豬紅，韭菜多但放在面就索唔到下面d 汁，但撈撈佢就非常好食，豬紅新鮮，唔會一夾就散，有豬紅味，但建議比多小小汁蓋過菜面另外叫左凍檸茶，茶味夠，唔澀，香港味道

平時食餐飯都$50，呢間3餸車仔麵麵都只係$38湯底同車仔餸都OK，加多啲餸埋單兩人都唔使$1003餸車仔麵$38蚊，2餸車仔麵$34，下午茶奉送餐飲小店價錢都好相宜，唔貴，部份車仔餸只係加$1至$2雖然係黃色店，但店內啲客人好似有啲似偏藍湯底+腩汁味道好濃郁會見到湯底有牛腩肉粒，唔係咩味精湯加辣汁會更濃香，每碗都送條生菜豬紅同蘿蔔係我必點嘅車仔餸今次蘿蔔幾嫩幾清甜，豬紅每粒都堅挺，唔會一夾就散鹵水雞翼好入味，如果點鹵水雞翼尖應該更入味本身想試蝦卷，但賣晒，改為試八爪魚卷魚卷幾彈牙同有咬口，有顆粒感但豬大腸就較遜色，唔太入味同乾淨而陳皮魚蛋更加係推介，好少街頭小食有得食今次車仔麵有少有嘅陳皮魚蛋，幾彈牙都有啖啖鮮甜魚香味同陳皮香味，有懷舊味道

呢間車仔麵已經食過好幾次，不過每次都吾記得點評，黃店愛心車仔麵值得支持地道館除左車仔麵之外，精選飯餐都好抵食，$43~$45 已經包飲品，豬手飯好味咖哩魷魚，豬皮，牛 ~ 3餸車仔麵蘿蔔，牛腩，雞翼尖 ~ 3餸車仔麵 + 秘製辣汁系車仔麵嘅靈魂(必試），如果吾怕辣的話配埋個罐裝檸檬可樂，爽晒，如果系支裝可樂就更加perfect.每次必食嘅系咖哩魷魚，蘿蔔，豬紅(好滑），今日賣晒無得食，牛腩，牛，鹵水豬大腸好入味，加上至愛秘製辣汁，會繼續支持，加油

新蒲崗黃店💛地道館車仔麵由於太夜冇咩選擇大多close左呢間都係臨時臨急搵嘅點知畀我食到間好嘢👍38蚊 三餸一麵某啲餸要另外加一至兩蚊佢啲豬腸係我食過最好味嘅醃到好入味好濃真係食過返尋味🤤🤤另外叫咗個豬扒蛋飯我唔係度度嘅豬扒都食佢個豬扒厚度適中juicy又脆邊配埋佢地自己調嘅豉油 兩碗飯都食得曬啦🙈號外套內都貼滿文宣負責舖面個哥哥仔又好有禮貌一定會再幫襯😋😋😋平靚正#黃金戰士 #黃店#黃色經濟圈#五一黃金週

地道館車仔麵餐單提供港式, 車仔麵等推介美食位於新蒲崗區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 52177008 查詢。

您對於新蒲崗餐廳「地道館車仔麵」有何 comment？

地道館車仔麵餐廳詳細資料：

• 地道館車仔麵地址:
  新蒲崗崇齡街42號地舖
  地道館車仔麵, G/ F,42 Shung Ling Street, San Po Kong
• 地道館車仔麵電話: 52177008
• 地道館車仔麵價錢: $50以下
• 分類: 港式, 車仔麵
• 座位: 未知
• 付款: AlipayHK,支付寶,現金
• FB專頁: 地道館車仔麵 Facebook

更多地道館車仔麵相關資料:

• 地道館車仔麵分店
• Youtube
• Facebook
• Twitter
• Google