Express Barby Lassana 新蒲崗

Express Barby Lassana 評價 相片

我和Honey常在新蒲崗覓食，自從Mikiki開張後，除茶餐廳外，新蒲崗就多了選擇，但Mikiki人好多。

今天，我們行遠少少，來到新的商業大廈Port 33，看到有一間小店，好多人買外賣。

我和Honey就去試一試，原來是健康的菜色，很好喎！Honey叫了咖哩雞/紅米飯/兩款沙律：咖哩雞的椰香，椰汁很香，很滑。

鷄肉也嫩。

紅米飯很煙韌，有咬口。

兩款沙律都好味，其中綠色一絲絲的，我還以為是青瓜絲，原來是青蘋果和石榴絲，新鮮又有趣。

加14元配Cappuccino，都幾好飲。

而我就叫檸檬汁雞肉意粉：可能是即叫即煮，等了一段時間。

意粉應該是即叫即煮吧，因為口感煙韌，不似預先煮好。

配檸檬汁和黑椒，感覺清新。

不過，稍嫌雞肉太硬了。

配Latte，也很好飲。

在新蒲崗，除了茶餐廳，有了一個健康新選擇了！

下午到一間比較隱閉既商場內找下午茶吃，突然看到一間cafe，叫lassana，個名幾特別既小店cafe,餐廳餐牌款式種類繁多，有很多款三文治套餐，蛋糕，麵包，輕食同意粉餐等等，多款選擇，第一次黎到呢間cafe雖然cafe座位不多又位於商場一樓角落位，都幾隱閉下，哈哈，見到有意粉就叫了卡邦尼意粉套餐$72，意粉都唔錯嫁，即叫即整，份量幾大碟下，個餐仲包一杯餐飲或者湯，鐘意飲咖啡既我，當然就點左一杯latte試下。

餐廳內還播放了宮崎峻既純音樂，一邊食一邊聽住甘舒服既音樂感覺都不錯啊～latte既拉花心心好靚，而且飲到底都仲見到個拉花😁唔知拉花咖啡師仲識拉d咩圖案既呢～🤣店員話俾我知咖啡豆係用左幾款唔同國家既咖啡豆組成，latte好香，鮮奶味濃郁，味道也不錯。

之後買左個佢地店自家制既焦糖芝士蛋糕，會員仲平左$30，入會仲送coupon可以即時用或下次用。

入左會既咖啡飲品星期五仲有買一送一優惠。

買其他正價蛋糕都有85折。

有興趣既朋友都可以join下或向店員查詢，佢地會積極地詳細解答。

店員服務態度亦非常親切，友善。

仲詳細甘解釋左個芝士蛋糕可以放幾耐同埋唔食住要放冰格令個焦糖脆d甘。

另外，仲講左咖啡味既芝士蛋糕同其他蛋糕需要預早兩日預訂先有。

如果想試其他味記得預訂啦。

兩年嚟，已經喺第4次行小夏威夷徑，今次喺專登就老婆而同佢一齊行，但有別以往由井瀾樹起步，而喺由寶琳行番上去，估唔到都唔喺咁吃力咋喎。

跟住坐番巴士出新蒲崗，主要喺想去mikiki嘅一田入吓貨。

之後，順道搵地方食晏，結果就過到嚟「Lassana」！餐廳所佔嘅地方細細，一眼就睇得晒，睇嚟主要都喺針對樓上嘅寫字樓，格局喺咖啡店茶座，等打工仔有個抖下氣嘅地方。

亦如多數咖啡店咁，都喺採取自助形式，刀叉、餐巾、調味料……等等就放晌一角。

平日就提供比較快捷、健康、輕怡嘅午餐，例如「新鮮沙律套餐」，有唔同份量嘅選擇，食多食少，隨個人喜好，並配送是日自家製餐湯或中杯裝美式咖啡 / 紅茶。

想飽肚啲嘅朋友，就可以考慮「午餐三文治套餐」，同樣有唔價位嘅三文治供選擇，並配送細沙律盒或是日自家製餐湯或中杯裝美式咖啡 / 紅茶。

平時開工日，就梗喺要快架啦，但到周六、日，就提供到精緻少少嘅早午餐，所以，「周末餐牌」嘅菜式都好唔同，包括「經典全日早餐」、「萊山早午餐」、「意大利粉餐」、「三文治餐」、「輕食套餐」，一樣配送中杯裝美式咖啡 / 紅茶，可額外加錢轉其他嘢飲，但意大利粉餐就只喺跟餐配送30元以下飲品。

飲品嘅選項就要睇睇收銀上嘅飲品餐牌，有多款特色咖啡、花茶、特飲，定價都唔貴，具競爭力。

我哋最後試咗「萊山早午餐」，因為覺得幾精緻，而兩款選擇都好啱老婆食。

雜菌黑松露炒蛋多士 $88以雜菌、黑松露炒蛋、沙律菜及香焗穀麥麵包為組合，食得出用料不賴，好似啲雜菌咁，確喺有陣陣菌香，而黑松露炒蛋既炒得啲蛋幾嫩滑，又充滿松露香，至於件多士未必人人接受，喺歐陸式嘅榖麥硬多士，我哋就鍾意喇，因為健康、營養、夠咬囗。

水波蛋牛油果煙三文魚多士 $108另一款就以水波蛋、蕃茄、煙三文魚、牛油果、香焗穀麥麵包為組合。

由於只喺水波蛋，並唔喺班尼迪蛋，少咗淋上荷蘭汁，但灑咗少少七味粉之類作調味，加上隻蛋煮得恰到好處，好滑溜；而牛油果、煙三文魚、多士嘅配搭，亦都好好食。

薑花茶老婆就喜歡熱茶多啲，雖然只喺一杯薑花茶，但睇見個茶包都知唔喺普通嘢或平價價，喺嚟自品牌Mighty Leaf，我就唔班門弄斧講呢個品牌喇，但飲落薑味慢慢滲出，感覺淡雅清幽。

小弟都喜歡試吓新品，加上喺店長推介，所以，就試咗佢哋新出嘅「冰凍星塵茶系列」，以唔同嘅生果配唔同嘅茶，再打成碎冰營造星塵效果，定價$34$42，跟餐轉配又有些少優惠。

橙柚伯爵星塵冰果茶 +$28咪話幾十蚊一杯嘢貴，真喺好大杯，外觀橙橙紅紅色，果然又有啲星塵嘅感覺。

雖然話喺加冰打成，但又唔會好似沙冰咁咁冰，入口勁香橙及西柚味，配伯爵茶又幾夾喎，茶香夾雜果香。

雖然喺星期六，少咗樓上嘅寫字樓客，但仍見少少客嚟嘆吓咖啡，午市亦有唔少人嚟食三文治，食意大利粉，不過，每樣菜式都即叫即做，就要俾少少耐性等吓喇。

去左新蒲崗商廈內的一間cafe，簡潔裝修為主。

原來港島區都有分店。

店內有意粉，三文治，以及唔同種類飲品。

另外，仲有芝士蛋糕，有原味，榴槤味同咖啡味。

今次外賣左飲品同芝士蛋糕。

👨‍🍳👩‍🍳食物質素：🍹蘋梨星塵觀音，將冰打爛。

所以，飲落有少少沙冰感覺。

平時少飲用觀音來沖成既飲品，觀音味都出，仲食到少少蘋果蓉🍎，唔會話好甜。

🥧焦糖榴槤芝士蛋糕，買左回家食，有木盒裝起，幾靚。

一打開，榴槤味已經湧出黎。

焦糖面夠脆口😊。

店員建議我如果冰格拎出黎後，一個鐘後先食會更佳。

另外，如放多兩三個鐘又會有另一種口味，芝士味同榴槤味濃郁，都算滑😋。

如果鐘意食榴槤既朋友仔可以一試🥰。

🛋️🛋️環境：大概二十幾個位👦👧適合人數：26人🥰😍Souffle 舒服指數：4/5

新春繼續周圍拜年，是日就到了新蒲崗，唔講唔知呢度附近多左新屋苑新商場，同親戚去左Port33行下，哈哈，個商場實在太新，入面無咩開門，有茶樓同幾間食店等，見悶悶地不如去飲杯野啦。

商場內的人氣店，度度都無人食得Lanassa坐左幾枱客，一於黎呢度。

橙柚星塵伯爵（$36）天氣熱想飲杯凍飲，揀左要星塵茶系列，貪佢特別啲間邊少見呀。

入面係咁樣的，星塵係咩？其實係類似沙冰嘅野，但啲冰無咁碎，用粗飲管都啜到嘅。

揀左橙柚口味，原因一因為鍾意伯爵茶嘅茶香多過鐵觀音，原因二覺得橙柚會苦苦地，另一款芒蘿感覺好甜（?）又貴少少喎，哈哈，最後係無失望嘅，橙柚係好夾，有橙香又有西柚味，酸酸甜甜加埋茶味好正，三十幾蚊咁大杯，邊行邊飲幾好呀。

另一樣戰利品就係呢樣啦，估下係咩黎，呵呵。

噠噠噠～榴槤芝士蛋糕呀（$158），見有蛋糕賣，仲有幾款唔同口味嘅芝士蛋糕，咁就要左親戚至愛的榴槤芝士蛋糕，好少見㗎！一磅裝雖然係細細個，但份量都唔細㗎，因為係綿密的芝士蛋糕，唔係得空氣嘅海綿蛋糕，一磅裝都好飽肚。

分左六份（切行好差添…），芝士好香好滑，軟硬適中又唔膩，仲有濃郁嘅榴槤香，餅底唔厚，近乎全件都係芝士，夠濕潤總知就係正啦，榴槤控推介！同場加影～小朋友見到蛋糕就話要吹蠟燭，明明唔係生日，哈哈。

Express Barby Lassana餐單提供法國菜, 西式, 麵包店, 三文治, 咖啡店等推介美食位於新蒲崗區，餐廳座位數10人均消費約$50以下，結賬可以用現金,八達通，Booking訂位可以電話致電 98847851 查詢。

您對於新蒲崗餐廳「Express Barby Lassana」有何 comment？

Express Barby Lassana餐廳詳細資料：

• Express Barby Lassana地址:
  新蒲崗爵祿街33號Port33103號舖
  Express Barby Lassana, Shop103, Port33,33 Tseuk Luk Street, San Po Kong, San Po Kong
• Express Barby Lassana電話: 98847851
• Express Barby Lassana價錢: $50以下
• 分類: 法國菜, 西式, 麵包店, 三文治, 咖啡店
• 座位: 10
• 付款: 現金,八達通
• FB專頁: Express Barby Lassana Facebook

更多Express Barby Lassana相關資料:

• Express Barby Lassana分店
• Youtube
• Facebook
• Twitter
• Google