八道餐廳 慈雲山

八道餐廳 評價 相片

星期六朝早左醒，屋企又無野食，就去左屋企附近間黃店食早餐，想試呢間好耐，見佢價錢幾平又好多文宣，但一直唔得閒試。

平時行過見唔多人幫襯，以為唔太好食，但食完係會覺得好驚喜！今次叫左一個醒晨早餐同一個沙嗲牛通早餐！咸牛肉炒蛋三文治配蛋白麥皮 ($27)推介指數：9.5/10呢個醒晨早餐非常之抵，無論你點配搭，都可以用唔洗$30食到超飽！呢份咸牛肉炒蛋三文治非常之好味，唔會太咸，食多幾件都可以，最重要佢係超級足料，餡料係多到唔會係呢個價錢食得到！性價比極高！仲可以配多個份量都唔少既蛋白麥皮，超級抵食！沙嗲牛肉通粉早餐 ($32)推介指數：8.5/1032蚊呢個價錢雖然好普遍，但32蚊黎講佢個份量真係多得好誇張。

一上枱以為係得個碗大，但食極都食唔完，真係好大碗。

唔只通粉多，沙嗲牛都唔少的，仲要配埋多士同腸蛋，真係好抵！不過鐘情沙嗲牛既朋友可能會嫌佢唔夠重味，味道會淡小小，可能係就番一班年紀比較大既食客，因爲我見大部分食客都係上左年紀，較少年輕人。

總括嚟講，呢間野性價比真係非常之高！仲要係良心黃店，作為住係附近既手足一定要去懲罰下。

近排仲推出埋抗疫外賣餐，18蚊已經有個外賣飯餐，呢間真係非常推介！

上年尾食過一次得兩三枱客仔，昨日再經過竟然高朋滿座，上fb一睇發現原來係因為黃店，仲整埋咩加油站當連儂牆😂下？黃店？😂😂之前明明見佢門口有貼民建聯議員海報，等外賣又聽到同啲廢老講學生影響交通工搞到開唔到舖，仲話個女見到啲黑衫人驚，但又話自己係中立。

宜家可能真係轉左黃嘅，慈雲山多間黃店都好嘅不過我就會再考察下先PS:上次係阿媽嗌左外賣叫我等話哂都係食評都要講下食物，沙嗲牛肉麵嘅早餐，沙嗲牛肉係過期嘅罐頭，酸的🤮🤮食左一啖就冇食，另一個炸魚就OK，不過平就係真嘅。

依家生意好左，應該唔會再過期嘅，當我當時黑仔。

去到八道餐廳食Lunch，係一間富有人情味的小店，門外貼了文宣。

老板娘招呼入內，佢有一個由07002200的下午茶menu...價錢幾吸引wor!咁一於試下。

叫咗雞扒烏冬，送一杯柚子紅茶，再加個炸雲吞㖭。

雞扒幾好味，不過係下午茶分量。

烏冬太稔，個人就唔係咁偏好。

炸雲吞唔知係未自家製呢？個皮炸得好脆好浮，粒魚肉調味唔錯，配埋泰式辣醬食，有少少錦滷雲吞嘅神粹。

柚子紅茶好清新，有令人叮一聲嘅感覺。

埋單40蚊，幾抵borp.s.詳細食評請參看本人ig ,thx#慈雲山人，幸會#YellowOpenrice#是openrice教會我，食評只可以極hae地寫#原告變被告係未國策嚟㗎#唔要一萬要三萬thx #臨兵鬥者皆列陣前

成日經過呢間覺得個門面好暗一直都冇入來試。

近排聽聞又黃又抵食，所以來嘆個下午茶。

餐牌手寫有啲亂但幾有親切感，啲野食大大碟大大碗，確實抵食。

雪菜肉絲餐肉米 $29味道正常，大大碗包一杯野飲幾抵食。

瑞士雞髀+肉醬意粉$35雞髀滷得夠入味又夠林，唔錯肉醬意粉大大碟，味道可以，下午茶黎講份量確實算多，認真抵食。

店員態度欣勤有禮又親切，可能由於疫情的關係，見店員勤清毒勤抹枱，又主動俾2杯水食客洗餐具，盡顯街坊小店之情會繼續去懲罰佢

上星期去行山之前去咗呢間小店食 門面唔算好起眼 但入到餐廳個環境都幾大下 有個廁所方便食飯前清潔雙手 我叫咗個牛肝菌汁雞扒意粉（$45，學生$40）牛肝菌汁多到鋪滯成碟意粉，食落去都幾香蘑菇味，而且個汁仲有好多粟米同蘑菇，口感夠晒豐富😍而連皮雞扒係切開左四舊，份量剛剛好，雞扒略多脂肪，但肉質都算鮮嫩😍意粉份量稱得上係海量，好彩汁夠多，食到最尾意粉都有汁送入口，夠晒飽肚 😍而午市嘅餐飲仲可以升級到紅豆冰😍 紅豆份量豐富，粒粒分明有咬口，甜度較低，啱晒健康人士😂 另外，呢度嘅侍應姨姨服務應度好好，好親切，值得再嚟支持！

八道餐廳餐單提供多國菜等推介美食位於慈雲山區，餐廳座位數未知人均消費約$51-100，結賬可以用現金，Booking訂位可以電話致電 28081996 查詢。

您對於慈雲山餐廳「八道餐廳」有何 comment？

八道餐廳餐廳詳細資料：

• 八道餐廳地址:
  慈雲山毓華街74-80A號嘉華大厦地舖
  Paddo Restaurant, G/ F, Ka Wah Building,74-80 A Yuk Wah Street, Tsz Wan Shan
• 八道餐廳電話: 28081996
• 八道餐廳價錢: $51-100
• 分類: 多國菜
• 座位: 未知
• 付款: 現金
• FB專頁: 八道餐廳 Facebook

更多八道餐廳相關資料:

• 八道餐廳分店
• Youtube
• Facebook
• Twitter
• Google