雜大大 屯門

雜大大 評價 相片

鍾意支持小店，因為每間都有佢嘅特色呢間雜大大，見到個名已經好搞笑成間都專賣牛雜豬雜得一個光頭哥哥主理見我哋係餐廳外望黎望去，就招呼咗我哋入去位置唔多，下晝4,5點呢d時間仲有位坐價錢唔貴，出面食串牛雜最平都要10蚊啦先叫個炒牛雜，十款，咩都有！有d位真係未試過，好得意落完單，光頭哥哥即席鐵板燒個feel有d似去咗台灣咁熱辣辣炒起上枱，好香！每款都起碼有2舊以上，唔同口感，好得意味道都幾正佢仲同附近一間叫土炮嘅飲品店合作係度叫完，就會有專人快遞黎，再直接收錢試完牛雜，當然試埋豬雜叫咗胡椒豬肚湯，揀5款豬雜試豬腰好好食！好嫩！一d都唔鞋口！豬肺洗得勁乾淨胡椒味濃！正合我口味！未夠喉，叫多2串燒豬肝食，個汁好夾燒得好香，雖然未到外脆內軟但都唔錯呢次食評係舊年暑假嘅事，應該新開張冇耐始終好少行黎呢頭，有時都諗起想飲個胡椒豬雜湯希望有心嘅小店加油，繼續做落去！

華都商場不漏多野食...但第一次見到有鋪頭 以牛雜同豬雜做主打 。

試左覺得有驚喜。

牛雜新鮮，同藥膳湯底竟然幾夾，而且個湯底無味精，食完之後完全唔覺得口渴同眼訓，反而精神左？最開心係牛雜有唔同部位可以揀，有牛沙瓜，牛小腸等等，可以嘗嘗鮮～我點左5款牛雜+ 烏冬價錢都只係40幾。

可惜小店只由店主一人打理，琴日去到無鐵板牛雜。

不過有誠意小店值得支持！一定會再番尼幫襯。

位置其實幾近新開既英皇戲院，除左去小食店掃街外，又多左個醫肚的落腳點了。

先幾日，去完心思思買完雪糕夾餅，拎住夾餅一路行一路食，沿著華都條走廊行，又聞到好香嘅炒嘢食味...😺行前兩步，就見到呢間新開嘅雜大大喇... 當時飽到頂上心口，但係仲係好想食... 心掛掛、掛咗幾日...👉🏻👈🏻今日，終於有時間再嚟喇... 黃昏時候，行入鋪頭，只見一個大大嘅餐牌響牆上... 鋪裏面一人都冇... 店主唔見咗？！🤔先坐定定，睇清楚餐牌上邊，有啲乜嘢...有... 牛十寶啦、同埋豬十寶咯... 可以醬油炒，可以放湯，胡椒湯豬雜、藥材湯牛雜... 淨係睇個餐牌，已經知道店主好有心機... 😍原來店主，除咗好心機之外... 仲係一個人、一腳踢...😨～頭先唔見咗嘅店主，突然間走咗出嚟，原來佢頭先喺預備緊食材...我哋落咗單，佢就即刻煮俾我哋食...胡椒豬雜湯米粉🐷... 對上一次食到咁好食嘅豬雜湯，已經係幾年前，喺星加坡玩嘅時候食咯...🤔最重要係佢無味精，食完碗咁辣嘅胡椒湯，都唔會覺口渴～牛膀食得多，豬磅真係第一次食～醬油炒牛雜烏冬，就係我前幾日聞到嘅炒烏冬味喇，香噴噴，終於食到咯～🤤因為十寶裏面，有其中一樣嘢冇貨，店主好細心，問我想加番啲乜嘢... 我鍾意食爽嘢，所以叫咗心...已經食盡刁鑽好食嘢嘅我，原來仲有好多嘢，我都未試過㗎... (當然係我會想食落肚嘅嘢計啦)... 豬大腸頭、豬膀，牛心掟，牛沙瓜... 今日試剩牛沙瓜，下次嚟，一定要食～🤤更期待你嘅豬天梯～仲有佢哋聯乘同層電梯口嗰間"土炮"做嘅特色飲品，睇餐牌都覺得好得意，下次一定要試... 尤其是跟梳打嗰個"童年回憶啫喱仔"～竟然今時今日，香港地，有後生仔唔嫌辛苦，做啲咁好味，但係又咁多功夫嘅餸菜去招呼客人～👍🏻值得支持... 💪🏻店主加油！！！

行過見到新開，有豬雜牛雜食 　、就試下啦，呢度老闆寫明一支公要俾啲耐性。

但其實上菜都好快，同埋見到老細成身都係汗，都無客人催。

間鋪係開放式，位置就唔多，得兩張檯，全鋪都以橙色同白色為主，好光猛，同一般粉麵店唔同。

上餐速度都好快，加上老闆一炒野果陣，陣香味飄晒出黎豬雜炒丁可以揀5款豬雜，我就揀左豬腰，豬生腸，豬肚，豬潤同粉腸，豬腰無臭味，洗得好乾淨！豬潤炒完都好嫩，其他都唔錯，公仔麵炒得好乾身，個汁好惹味！下次要試佢既十寶，仲有標榜無味精既湯先得！

雜大大餐單提供港式, 小食店等推介美食位於屯門區，餐廳座位數未知人均消費約$50以下，結賬可以用現金，Booking訂位可以電話致電 95477269 查詢。

您對於屯門餐廳「雜大大」有何 comment？

雜大大餐廳詳細資料：

• 雜大大地址:
  屯門屯利街1號華都商場一樓56號鋪
  雜大大, Shop56,1/ F, Waldorf Shopping Arcade,1 Tuen Lee Street, Tuen Mun
• 雜大大電話: 95477269
• 雜大大價錢: $50以下
• 分類: 港式, 小食店
• 座位: 未知
• 付款: 現金
• FB專頁: 雜大大 Facebook

更多雜大大相關資料:

• 雜大大分店
• Youtube
• Facebook
• Twitter
• Google