金井 屯門

金井 評價 相片

中午和太太食飯點了半磅三文魚。

一份午餐。

一個日式餐先談食物。

1：半磅三文魚$65，好明顯地唔夠秤。

我覺得起碼少了三份一，味道一般，唔凍的2：日式餐。

烏冬，冇味的。

一個卷物，一般。

仲有蝶唔知咩來。

冇食。

3：午餐。

一個白湯，三份一碗份量約檸茶三份一。

但湯是可以的，好飲一個豬軟骨飯，一般，似羅白牛腩飯，食左半送小強一隻。

呀姐話換過蝶來，我說不要。

邊有胃口***完事後沒有扣起午餐錢。

埋單$147，我都沒出聲由佢。

坐車返工時。

發現自已身好臭。

完來成身油煙味。

當日 9月11日星期日，與朋友到旺角睇戲，之後食咗個所謂嘅 High tea！以為會好飽！ 所以，叫媽咪唔使煮我飯！點知，搭巴士入到屯門已經有些少肚餓！趁返屋企之前，都係要醫肚！ 記得搭巴士經過紅橋，必定望到新開大約兩個月嘅 <金井>， 隔離正是 <棒棒糖>，附近仲有 <金銘粉麵>。

<金井> 門面都幾大，亦好茶餐廳 feel ！ 由早上 6:00 開到晚上 11:00。

營業時間頗長！ 主打日式美食，例如：定食、拉麵、壽司、刺身、炸物...等。

早上則供應港式及西式早餐！口味多元化！ 價錢相當合理！以茶餐廳格局，簡約裝修，配合牆上的特色掛畫，突出風格！靠牆位置有卡位，坐得總算舒服！ 店外有好幾張枱，方便吸煙食客！尚未決定食邊樣，店員先遞上一杯溫暖又清清地嘅日本綠茶，可清一清喉嚨之餘，又可解渴！真係來得正好！ 我坐喺最埋邊嘅卡位，店員見我枱面食物尚未送到，都幫手跟單，服務算係咁！ 我看見餐牌，定食餐 $38 ~ $50，包括飯 / 拉麵 / 烏冬 + 沙律 / 小食，幾划算！ 不妨一試！鍋燒烏冬 ~ 豬骨湯底 ( 可選拉麵 ) 配加州卷 $40 大約10 分鐘拉麵送上，我其實打算食烏冬，所以直接叫鍋燒烏冬，點知，最終俾錯拉麵！ 都照要啦！因為當時幾肚餓！湯底可選豬骨湯底或醬油湯底，相信醬油湯底會較咸，揀咗豬骨湯底。

湯底味道好似某款公仔麵口味，加埋麻油，散發麻油香，特別令人開胃！ 飲一啖湯底，咸味恰到好處！ 配料：一隻蝦、一些粟米、半隻雞蛋、一塊日式魚蛋、一塊日式叉燒及海苔，真是豐富！完全 cover 主角拉麵，令我食指大動！ 黃色嘅拉麵份量剛好，長而直！好像美味嘅 Look ！ 恨不得即刻夾起拉麵食過痛快！拉麵軟硬適中夠入味！並非入口彈牙！有點令我失望！ 當我一夾起蝦頭之際，竟然一夾即斷！ 變成斷頭蝦！哈哈！ 代表隻蝦肉質較霉！ 日式叉燒肉質鬆軟，半肥瘦，味帶甜！半隻雞蛋咸咗啲！ 日式魚蛋當然係軟腍腍！好睇唔好食！加州卷單看賣相，就知做得馬虎！蟹籽求求其其舖壽司表面！ 材料：蟹籽、蟹柳及甜蛋，簡簡單單！壽司用上珍珠米，混入醋粉；軟硬適中！加上些少沙律更添風味！熱杏仁霜：跟餐 +$5以金屬杯盛住，可保溫！如果冬天更加好！我飲熱杏仁霜通常落一茶匙糖，攪勻一飲，先係聞唔到杏仁味，跟住飲唔出杏仁味，飲到底才有些少杏仁味，怕且只係落得一茶匙，難怪好似飲緊奶水！ 如果落夠兩殼，杏仁味更香更濃又夠滑！早知係咁，淨飲杯日本綠茶好過！食物質素普普通通！勝在夠抵食！ 屯門街坊可以多個地方食平嘢！

金井餐單提供日本菜, 壽司, 刺身等推介美食位於屯門區，餐廳座位數未知人均消費約$50以下，結賬可以用現金。

您對於屯門餐廳「金井」有何 comment？

金井餐廳詳細資料：

• 金井地址:
  屯門井財街15號金銘大廈地下E-G舖
  金井, Shop E- G, Kam Man Mansion,15 Tseng Choi Street, Tuen Mun
• 金井電話:  
• 金井價錢: $50以下
• 分類: 日本菜, 壽司, 刺身
• 座位: 未知
• 付款: 現金
• FB專頁: 金井 Facebook

更多金井相關資料:

• 金井分店
• Youtube
• Facebook
• Twitter
• Google