路邊小炒 屯門

路邊小炒 評價 相片

好受氣，食物質素差。

大年初一，我都知道人多會等得耐，未正式坐既時候佢建議我地去對面德國啤坐，可以叫佢地既菜去食，德國啤另外再要最低消費，我地都無問題，因為新年都預左要洗多少少。

坐低無耐就落菜，佢地都事先聲名要等半個鐘，ok都無問題 咁就落左三個小菜一個雞煲，等左一個鐘有多，一碟菜都未上過，我地眼睇住佢地小炒啲客食完又走又入客再上埋菜，我地都係一碟菜都無，連雞煲個gas 擺出黎扮下樣都無，完全被無視，結果忍唔住決定吹一吹佢地，然後當然係官方對答「ok,幫你地吹吹」再半個鐘過去 都係一碟菜都無，再吹！「ok, 幫你地吹吹」終於有碟菜炒出黎，結果又再等... 我地等無可等決定埋單走人，收錢竟然仲要串番我地轉頭。

無言。

垃圾食店，請都唔食。

相隔幾年再開返再可以食返個雞煲，真係開心，不過坐就唔同以前，以前開喺出面，但係而家食環唔俾開，所以食煙只有門口嗰兩張枱，水準仲keep到，不過而家未有酒牌，所以要去7仔買酒，

讀私校那一年,逢周末多數都來這邊某漫畫店打躉(因為同學響度做兼職).不過每次都是傍晚前就回家,這邊差不多到晚上就好幽靜,咪話不驚.前排上開飯又翻看下屯門區餐廳的食評(無聊人XD),查查下先知原來這邊都有幾間大排檔記錄,勢估不到這裡到晚上則化成大排檔區呢.天氣雖然炎熱但今晚餐飯很有興致到大排檔食.四點多我們就已在附近徘徊,圍曉一個大圈都是大排檔地頭,粗略估計店子都有成十間八間,但分不清邊堆檯是屬於邊間店了.到六點再回來,每間店都開始營業了,亦非常旺場,諗著先看每間店放出來的餐牌才決定去邊間食,每經過一間店,該店的’PR’阿姐都立即上前問幾多位又介紹有什麼好食等等.記得路邊小炒叫做在這邊地段有最多好評,最後都決定試這間!阿姐叫我們坐室內,有冷氣咁話,樓上都有一層但我們沒上去坐,選擇下層,只有四張小檯子,坐在最近門口那張關係吧?還是冷氣不夠凍?越坐越焗熱既!想了很久(中途阿姐追問兩次食咩野?)就決定先叫三個餸,不夠吃才加吧.第一個是我要的粉絲雜菜煲,見到隔離檯食緊好吸引嘛~來到的時候湯汁仍在起波波的,勁滾熱辣!未食看到都開心.材料什麼都有一些,生菜,白菜,菜心,莧菜,西蘭花,蘑菇,草菇,雲耳,粉絲外,還有蝦乾和魷魚.(?!)如果吃素的人真是要問清楚先好點了.上湯味道清清甜甜,我好鐘意飲,最重要油份是少到看不到有似的!所有材料都經上湯烚過,令蔬菜鮮上加甜,粉絲連上湯一齊啜入口,簡單但好食.特別是…遇著有人(咪又係講自己)在每天一餐是在吃一盤烚菜加水撈麥皮的時候,就容易明白像這些簡簡單單的上湯烚菜已令人和味無窮了.食到這裡還以為是好的開始…到吃到第二味才發現原來不是…豉汁炒聖子份量確實夠大,每隻殼都有件肉,沒有濫充數的.豉汁初初食都覺得幾惹味和香,就是質地極傑他他.但食多陣就發覺味道很濃,應是豆豉太多了吧.而聖子是非.常.不新鮮!每隻肉都淋劈劈,咬多幾啖有漿糊感添(嘔).雖然豉汁味咁強但都入不到聖子肉中,所以聖子是淡喵喵.第三樣是路邊小炒皇,材料有大量韭菜花,超多肥豬膏條,少少芋頭絲和紅蘿蔔絲,點點菜普,蝦乾,魷魚和腰果.未吃已經心驚驚,因為全碟菜都油光滿面的,食一陣先知道裡面有肥豬膏條,仲係超多的!相信油光是由豬油所顯生.轉戰吃菜類,韭菜花爽口無渣,但芋頭絲連我有牙力的人都覺得很硬.食到大半發現未夠飽,所以追加多一味西檸排骨.顏色兩極化,極鮮艷的黃配啡黑的排骨,檸汁好鮮亦好酸,對我來說美味非常.原因是我勁鐘意食酸野!排骨是泡過油,不過過火少少,弄到肉質又乾又硬,還有微微苦燶味.我將肉和骨不斷點檸汁陪著吃,勉強都吃到幾條,無計,另一原因是我又鐘意啜骨呢!不過檸汁食到後期開始出苦瀝味,所以要快手食食食啊.點了一碗白飯,好似係八蚊,比元朗大排檔貴成五蚊呢!大排檔都是不計茶水和無加一,連老友一支飲品,每人都要付上一百元.今餐其實覺得不抵食呀,始終比想像中差很多...埋完單出到街外反而覺得涼爽通風,唉!果然裡面的冷氣太弱雞了.

一路住屯門都冇乜點去何福堂度食野原來自己一直忽略左呢個咁多選擇嘅大排檔集中地先唔好講好唔好食大排檔自己就已經有好感同朋友聚會一係就舒舒服服涼住冷氣 坐得闊落 一係就熱熱鬧鬧喧嘩大笑 旁若無人嚟得大排檔就預左服務唔可以太講究除非係熟客否則侍應或老闆好少話會好好禮貌但呢間路邊小炒或者係個例外野食可以話幾好鑊氣個鵝腸夠爽但可惜味唔算好濃反而係個小炒王就幾得意竟然有油炸鬼喺裡面又脆又入味路邊雞煲食過但係印象唔深總括嚟講係可以再去嘅加上老闆同伙計都幾好招呼相信會長做長有嘅加油呀

之前都黎呢度食飯幾次..但一直都無寫什麼食評..嘻8點多去到..都幾多人..呢度有好多張檯..地下室內地方細小.但都可以放一大檯.一小檯吧.有閣樓.分2邊.如果一大班朋友.去閣樓..唔錯的^^ 室內..大約有20張檯以上吧..大排檔黎講..呢度既服務態度真係好好..好有禮貌..價錢唔算貴入正題0.0因為大家都好肚餓..所以今日叫左好多食物椒鹽九肚魚 辣辣地.去好多地方食.都好似食粉糰咁..但呢度真係無..而且都唔細碟架0.0..小炒王 呢個真係送酒而設 有油炸鬼,九菜花,腿果,帶子,蝦,尤魚.味道唔錯的,海鮮沙律卷 有蝦,帶子,生果,外脆內熱,正正正!!乳鴿 卜.咬啖.就見到d汁.正爆瑤柱肉碎蒸旦白 清清淡淡,記得加d豉油..送飯一流 (我都食左2碗xdd)雜燴湯米 好足料的尤魚,叉燒,蝦,肉片,豬內藏,菜心,,好大窩..都有810碗架0.0當然仲有招牌菜啦 雞煲 入面當然有雞^^..跟住配料有.青椒,雞腎,有d辣..d汁送飯一流..

路邊小炒餐單提供港式, 海鮮等推介美食位於屯門區，餐廳座位數未知人均消費約$50以下，結賬可以用現金。

您對於屯門餐廳「路邊小炒」有何 comment？

路邊小炒餐廳詳細資料：

• 路邊小炒地址:
  屯門麒麟徑仁愛堂街20-21號蘭苑地下
  Roadside Cuisine, G/ F, Orchid Court,20-21 Yan Oi Tong Circuit, Tuen Mun
• 路邊小炒電話:  
• 路邊小炒價錢: $50以下
• 分類: 港式, 海鮮
• 座位: 未知
• 付款: 現金
• FB專頁: 路邊小炒 Facebook

更多路邊小炒相關資料:

• 路邊小炒分店
• Youtube
• Facebook
• Twitter
• Google