豐盈小食 屯門

豐盈小食 評價 相片

尋日經過小食店，記得之前係分開兩邊，一邊淥面一邊有枱堂食。

但而家得返一邊只做外賣。

之前冇幫襯過，所以試一次。

試吓佢啲食物，牛腩好鹹，落咗好多味精，個湯又係鹹。

仲有淥麵嘅姐姐服務態度又差，幫襯一次之後就冇下次。

喺屯門巿廣場附近返工，唔想日日食連鎖店食物，見今日幾好天，所以行出商場睇下食咩好呢。

行經依間豐盈小食，見有人龍排隊，咁多街坊，應該有筍嘢喎，睇咗陣餐牌，就決定食碗車仔麵叫咗魚蛋，豬腸，雞翼，油麵，任君選擇！魚蛋彈牙，唔會食到一口粉豬腸鹵得夠入味，有咬口，而且唔會大多肥油，正啊雞翼夠大隻，有鹵水味，唔會煮得太鞋口油麵煮得彈牙，唔會太淋，但湯底就味精多d，食完有口渴嘅感覺Btw，店員可能因為人多，態度比較差

一定要抵得住呢度嘅伙計姐姐會好惡咁呼喝你，因為佢地實在太忙，人手唔夠。

店舖分兩邊，一邊係車仔麵檔+廚房，只有2張細枱。

而另一邊就全部都是枱，所以識食嘅客人一定係先order俾錢，再過另一邊坐底等姐姐攞過嚟。

我今次叫了車仔麵剩餸，同埋腸粉燒賣，唔好睇腸粉燒賣冇汁，因為擺哂喺枱面自己任落，咁至係最正。

車仔麵就推介鳳爪，非常入味。

嚟呢度食野通常都係街坊，所以大家講野可能都比較粗聲粗氣，只要自己開懷對待 其實都冇乜野。

有車仔麵有小食魚蛋腸粉，可以叫一份份叫，一碟攞走又得， 坐低喺隔離冷氣房食又得只要唔係繁忙時間你食10蚊腸粉都有冷氣嘆。

一早一晚放工時間其實都幾多人食嘢， 有機會有陌生人會搭枱。

間舖有一間只做外賣做到有堂食就可以知道佢質素唔差。

地點位於屯門市中心附相當堂方便。

腸粉魚蛋燒賣如果你堂食嘅話嗌咗一碟， 醬汁芝麻可以坐低慢慢自己加。

腸粉野標準備冇乜好平價魚蛋都係古早味 陳皮魚蛋 冇乜特別出色特別驚喜但係就係由細到大食嗰種感覺。

牛腩味道唔錯， 但係應該唔係坑腩嗰啲位置， 口感雖然正常不過冇坑腩嗰種感覺。

味道未必會有好大驚喜但係一定冇唔會失望。

門面裝修簡單可以喺度叫可以坐低先至叫不過都係要即時畀錢10蚊腸粉另外加個魚蛋同牛腩總共28蚊。

分量算係標準唔算多唔算少。

屯門呢十年發展得好快, 當大型商場落成, 連鎖店橫行既時候, 想搵間鋪仔食下魚蛋腸粉真係難過乜咁。

去開飯網搵下腸粉既小食, 全部都係粥鋪個隻膠粉彈出黎。

唯有去返屯市同新墟之間橋底個間開左好耐既腸粉。

好耐無幫襯, 裝修左, 比以前大左, 仲可以坐係入面食, 比起以前坐係街邊食舒服dd。

係外面檔口排隊買腸粉, $10有5條, $12有6條, 我地要左8條$16。

 腸粉雖然熱, 但係硬硬地唔夠軟滑, 又唔夠彈, 無乜米漿味都算, 口感好似食緊舊粉咁, 加埋甜醬麻醬叫做好食d, 但係比以前真係渣左好多。

魚蛋係成品來貨, 唔辣魚蛋無後期加工過, 好似就咁用滾水煮熱咁, 都幾失望。

入面可以坐既位置唔多, 我地坐個張檯係正亞姐包裝外賣隔離。

間期見亞姐包緊碗碗仔翅, 就講左句: 呢度都有碗仔翅食喎! 亞姐答我:係呀! 點知轉頭遞左碗比我地, 我地就話: 無叫到喎! 亞姐:你地頭先唔係話要咩? 我地費事晒野照要左: 咁加埋魚肉呀唔該! 不過亞姐呢下真係好屈機囉! 嬲豬!! 亞姐唔知係咪聽到我地話佢, 我地食完碟腸粉都未黎碗加魚肉既碗仔翅......碗仔翅睇落好似都幾多料咁, 有冬菇絲, 雲耳絲同粉絲, 不過味道好淡, 麻油唔香, 要自行加多d醋調味, 最失望係口感好茨汁, 仲要係攪唔勻既茨汁, 一舊舊咁好稠。

魚肉又係成舊粉, 一d鯪魚味都無, 又唔彈牙, $18一細碗, 真係唔多值。

豐盈小食餐單提供港式, 車仔麵等推介美食位於屯門區，餐廳座位數未知人均消費約$50以下，結賬可以用現金。

您對於屯門餐廳「豐盈小食」有何 comment？

豐盈小食餐廳詳細資料：

• 豐盈小食地址:
  屯門啟發徑1號萬成樓地下A2號舖
  豐盈小食, Shop A2, G/ F, Man Shing Building,1 Kai Fat Path, Tuen Mun
• 豐盈小食電話:  
• 豐盈小食價錢: $50以下
• 分類: 港式, 車仔麵
• 座位: 未知
• 付款: 現金
• FB專頁: 豐盈小食 Facebook

更多豐盈小食相關資料:

• 豐盈小食分店
• Youtube
• Facebook
• Twitter
• Google