誠拉麵 屯門

誠拉麵 評價 相片

又係小編搵好嘢食既時間喇，今次去到屯門同朋友尋找美食熱點👀，而今次小編同朋友都一致想食拉麵，去到屯門市廣場AEON既時候發現咗一間新既鋪頭，亦都係食拉麵😋。

雖然餐廳既位置比較角落，不過都靠近落電梯位置😌，細心留意其實有個小巷入到去拉麵店⛩，就可以見到呢一間名叫「誠拉麵」日本拉麵店。

✦✦✦✦✦✦✦✦✦✦✦✦✦✦🎈黑‧豚骨拉麵 $89小編叫咗黑豚骨拉麵，黑豚骨拉麵係用黑蒜做湯底而製成🥘，黑蒜既味道同樣香噴撲鼻，呢種蒜香係好開胃又啲甜裡面麵身既粗幼度同硬度都係固定，但呢種口感係小編最鍾意😳，因為係幼而帶點硬，呢到質感拉麵係最好食😋。

每一款拉麵都有分「特」同「正」，「特」既分量係多啲，配菜同豚肉都多啲🤩。

另外，仲可以跟套餐，入面就包左三件日式餃子、沙律同一罐汽水💦，價錢都只係加多$15，相當抵食👍，大家嚟到記得一定要加個套餐，豐富啲嘛。

每款「特」麵入面係有一隻溏心蛋🥚，出面既拉麵店都只係得半隻，呢度竟然有一隻，好有驚喜。

入面仲有黑木耳同洋蔥碎，主要增加食拉麵既口感👅，更加爽口彈牙，唔少得仲有紫菜，夾埋一齊食又香亦好滋味✨。

✦✦✦✦✦✦✦✦✦✦✦✦✦✦🎈赤‧豚骨拉麵 $89赤豚骨拉麵既配菜同小編黑豚骨拉麵係一樣既，拉麵既辣度好適合唔太食到辣既朋友嘗試👏。

呢一種辣係帶香不刺鼻，淡淡辣味刺激味蕾，加埋拉麵同配菜食，食慾大增🤤。

另外，就要講講豚豚肉，「特」餐最大既賣點就係份量多🤙，餐廳竟然有足足三塊喺入面👍，未食都好開心，小編咁鍾意拉麵🍜，份量又多，而豚肉帶少煙韌，唔油膩💦。

✦✦✦✦✦✦✦✦✦✦✦✦✦✦🎈日式餃子 套餐既日式餃子一共有三件，餃子入面都係椰菜、薑茸、豬肉✨。

日式餃子經常都會係拉麵店見得到，大家記得要趁熱食🤧，如果唔係凍咗既話皮就會開始變淋所以記得要趁熱食喇👄。

✦✦✦✦✦✦✦✦✦✦✦✦✦✦🎈日式沙律粟米既份量超級多🌽，比沙律菜仲要多，入面用既酸醋醬味道唔會太過強烈👃，醋酸既酸味之外亦都有用糖分去平衡佢既味道🧂，所以食落去既時候，再加上粟米本身有既甜度🍬，作為前菜好開胃😚。

✦✦✦✦✦✦✦✦✦✦✦✦✦✦🎈明太子手羽(2隻) $22餃子雞翼裡面包住既係明太子🐟，用雞肉再包住明太子，口感唔會咁單一😮，除咗食到雞肉既味道同口感外🐥，明太子既鮮味都食得到，味道層次唔同😽。

餃子雞翼另一樣野就係無骨，一大啖咬好正👄。

✦✦✦✦✦✦✦✦✦✦✦✦✦✦其實小編食過咁多間拉麵店嚟講🏘，呢一間性價比係非常之高。

普通一碗正常份量既拉麵只係七十至八十幾蚊💰，小編同朋友嗌既「特」餐亦未過一百蚊，而另加套餐十五蚊，就更豐富🤤。

份量同配菜亦比出面既拉麵店都多🤩，加上餐廳既拉麵粗幼度同硬度亦係小編至鍾意食，更加鍾意去呢間拉麵店🏃‍♀️。

✦✦✦✦✦✦✦✦✦✦✦✦✦✦

今日同朋友一齊行Aeon超級市場，行左冇耐肚餓就入咗嚟呢間拉麵店，一嘗日本風味呢間拉麵店最有趣嘅地方係拉麵分咗”特”同”正”兩款，其實”特”就係比”正”食得再豐富啲，會多咗一塊紫菜、半隻玉子同埋一塊叉燒，其實加多$10就多咁多嘢，咁就梗係加啦揀完拉麵之後再想食得豐富啲，其實可以將個餐升級為套餐，加$15就可以有日式沙律、餃子三隻同埋罐裝汽水，如果真係驚唔夠飽嘅話，其實可以加$25要埋個叉燒飯，豐儉由人如果唔想食餃子，咁可以試吓嗌呢款套餐，咁就可以將餃子轉咗做雞塊或者雞翼，仲有埋雞軟骨添最後搞咗一輪我哋終於決定好要咩拉麵，佢嘅日本沙律就係粟米加生菜，而每一碗拉麵都有木耳絲、蔥、蘿蔔蓉煎到金黃食嘅餃子入邊實卜卜，有唔少菜同埋肉黑蒜同奶白色嘅團骨湯底混為一體，拉麵就可以吸收晒湯底嘅精華呢度嘅蛋果然夠晒蛋味，水汪汪橙色嘅蛋黃，入口即溶，非常嫩滑唔好睇呢碗野好似唔係太深色，其實食落都幾辣最欣賞就係呢度嘅叉燒，因為肥瘦分明，食落去係有唔同嘅質感

行左咁多次Aeon都無發現入邊有間誠拉麵🍜雖然鋪位比較隱閉 但都好多人😯 目測衞生情況良好，有個勤力既姐姐一直抺枱🧤見到個套餐好抵食🦊 一人叫左個 結果飽到飛起🤰🏻🍜赤•豚骨拉麵（特）$110唐揚雞塊+雞軟骨+罐裝汽水 🍜白•豚骨拉麵（特）$110明太子手羽+雞軟骨+罐裝汽水 拉麵既湯底好濃厚😋呢兩個拉麵主要係湯底辣唔辣既分別😂白豚骨個湯底有少少似雞白湯 配上濃濃既豚肉味赤豚肉配上辣醬😍 陣味又唔會太搶豬肉片各有三塊😍 份量充足 肥瘦均勻溏心蛋係日本蛋🥚 超級流心 一咬開就流曬出黎 同羅拔臣啫喱一樣咁震🤪拉麵既軟硬度適中 而且超級大碗😵 食完已經好飽個前菜係粟米😍 又甜又飽滿～仲有雞軟骨、明太子手羽同唐揚雞塊🤔 明太子手羽塞到脹卜卜～有少少咸雞塊都唔錯～如果可以juicy 就更好

今日去了屯門市廣場幫個女買返學鞋，去到aeon地下原來入邊好多嘢食，行吓行吓去了一間拉麵，叫做誠拉麵。

入邊原來係foodcourt形色，地方非常乾淨，又闊落，枱同枱之間有一段距離，有專人執枱，好方便比完錢落單等五6分鐘已經有得食。

今日食咗一個套餐，赤豚骨拉麵（辣）：湯底非常濃厚，紫菜夠脆口，流心蛋一睇就知道好野，豚肉好大塊好入味，始終辣辣地嘅湯底好啱我。

明太子手羽：雞中翼入邊有明太子，外脆內軟，少少辣。

鹽燒雞軟骨：燒到時間好恰當，少少鹽已經足夠。

必食推介行到入好方便搵到，一個套餐$98真係好抵食，有拉麵有小食有嘢飲，出邊仲有超市可以行吓。

發現咗原來喺 aeon地下嘅食堂裏面除左刺身飯之外原來仲有拉麵食㗎 😬😬刺身飯食過就唔錯啦🤗今日就嚟試下拉麵啦 🤤🤤店內裝修簡約、日本風 ！仲有唔少嘅日本🇯🇵壁畫㖭拉麵即叫即做，自助形式 😝選擇唔算太多 ，但正正就是日本人嘅專注 原來誠拉麵喺日本好多地方都有㗎 😅😀 拉麵加小食 加沙律飲品便是一個餐 ，可隨意選擇👍👍揀咗白豚豬骨拉麵 🤩🤩湯底好濃郁，鮮甜唔會漏 ！而且咸淡剛剛好 拉麵算彈牙，份量亦都較多😁😁 叉燒薄切形式，比較喜歡 因為有時厚身會有啲肥膩 ，加上兩塊大紫菜 大量嘅木耳絲， 日本嘅風味出曬嚟 🥰🥰小食揀咗 煎餃子🥟有五隻肉質好juicy皮薄 ，唔錯😋另外黑豚豬骨拉麵 ，同樣出色！比較重口味少少，喜歡濃味嘅朋友呢個都係一個唔錯嘅選擇😍😍揀咗炸雞同埋雞軟骨 🤭🤭炸雞熱辣辣雞肉都好嫩滑 外皮香脆 雞軟骨同樣有誠意🤗🤗各樣都做得很好 ，算是我食個拉麵店當中嘅高質！！

誠拉麵餐單提供日本菜, 拉麵等推介美食位於屯門區，餐廳座位數未知人均消費約$51-100，結賬可以用現金。

您對於屯門餐廳「誠拉麵」有何 comment？

誠拉麵餐廳詳細資料：

• 誠拉麵地址:
  屯門屯順街1號屯門市廣場1期UG樓AEON屯門店20-05號舖
  Makoto Ramen, Shop20-05, A E O N Tuen Mun Store, U G/ F, Phase1, Tuen Mun Town Plaza,1 Tuen Shun Street, Tuen Mun
• 誠拉麵電話:  
• 誠拉麵價錢: $51-100
• 分類: 日本菜, 拉麵
• 座位: 未知
• 付款: 現金
• FB專頁: 誠拉麵 Facebook

更多誠拉麵相關資料:

• 誠拉麵分店
• Youtube
• Facebook
• Twitter
• Google