紫荊大酒樓 屯門

紫荊大酒樓 評價 相片

本來想去快餐店玩烚下烚下的,不過見今天中秋翌日紫荊都照常有全包任飲任食邊爐餐,所以我們又轉呔去~六點半去到,估不到場內只有幾枱客而已,可能很多人在昨晚已出街食飯做節吧.例牌坐在電視機前的位,這是身為電視迷的’僻好’,哈哈哈.湯底是最清的皮蛋香茜湯,實際份量只有鍋的一半.第一轉的送菜時間相當快,落單十分鐘就有得食,期後就等得耐點.所有食材是用一大碟上,仲放到靚靚添,我覺得比一盤盤更好,起碼不用全枱放滿碟呀盤呀.趁個湯未被油’沾污’時,我先淥一大堆唐生菜食左先,今期的菜絕對洗得十分乾淨,而且勁新鮮!!食完後就立立雜雜放野下去.第一轉主要點需時間煲才出味的食材,好似白蘿蔔,粟米,當然不少得竹串海生蝦,鮮蝦雲吞,粟米,魚皮餃,手打蝦丸,手打墨魚丸,潮州魚蛋,脆鯇片,炸魚皮,還有第一次在打邊爐食到的雞批菇.生蝦很新鮮,鮮味十足,如果任食打邊爐的酒樓無生蝦提供不如不去好了!雲吞餡有水餃的影子,除了豬肉和蝦,又多了木耳,紅蘿蔔絲,不過都好食.手打丸足料,彈牙十足.雞批菇吸盡湯汁口感爽爽的,原來咁正架.第二轉就多返少少肉食,試了鮮草羊肉,雞肉和豬紅,竹串海生蝦當然再order!翠肉瓜,芋頭,豆腐和花枝片都不錯過.羊肉好重騷味,肉質好乾並不好吃呢.豬紅有好重血腥味,和平時在粥店吃的豬紅粥內的豬紅是兩回事咁樣,腥到吃一粒必放棄!芋頭煲到最後轉化成粉雷雷,wow,我最鐘意食此質感芋頭呢!途中試下八蚊一隻活鮑魚,但明顯它已經魂飛魄散,個殼很污穢,本來想拆鮑魚肉出來滾,點知原來好難的~所以整隻掉下湯中算了,眼不見為乾淨!哈哈哈.原來熟皈肉和殼就自動解體,鮑魚真身只有五蚊餅咁'大',味又不鮮,可以說得個'玩'字...吃到此飽了九成,最後一轉只少少點了餸加碟粉絲和原個烏冬.肚滿腸肥.(呼)飲品方面有汽水,啤酒,酸梅湯以及我主攻的竹庶茅根水,甜了少少,混返少少水落去就剛好,夠凍又夠潤喉,我們飲了兩jar~爽哂!臨走前買了個蒜蓉印度烤餅來作明天午餐,嘻~因為呀...來紫荊不吃此味就枉為...自己呀.XD服務我枱位阿姐一開始時樣子串串地,不過傾多幾句又幾好傾,她又勤加水到茶壺和湯煲中,又提我幾次趁熱食埋烤餅先,熱辣辣才最好味云云...雖然我講明留返明天食,有心了.飯後店方送上食滿一百蚊平五十蚊的現金劵希望在十月中前會再來一次吃晚飯吧~半價食飯確實抵抵抵丫標題寫這裡是次選,因為我的首選始終是在美樂花園的天悅海鮮酒家,蕃茄薯仔湯底萬歲

媽媽話晚上去屯門同外婆食飯由於外婆住呢間野附近,所以就近近地黎試下一入到去,無咩人,所以好快有位我地一坐低就睇下有咩野食嘩!炒個菜都要$4x不過一場黎到無理由唔食就走架於是都叫左幾樣野試下半隻炸子雞,皮脆,不過無咩雞味,其實都預左係雪雞啦斑球兩味,先講西蘭花炒斑球,份量少得可憐,西蘭花都唔俾多舊,d魚又硬又"鞋"另外一味我唔記得叫咩名,係蒸的,不過d魚又係又硬又"鞋",我食左一舊就唔食了京都肉排真係唔明點解收我成$5x,都係用肉排...仲要唔好味烤餅普通過普通,是但一個地方都整得好過佢就係叫左咁多野,收左我地$5xx...最慘係我完全唔夠飽,返到屋企仲要煮野食下次真係寧願行遠d,呢間野真係一次就夠了

呢晚經過紫荊~見到出面個牌寫住..8:30後$78任食(已包醬料、茶芥、加一服務費)最緊要係汽水啤酒任飲!!!仲要食兩個半鐘..好耐無飲過啤酒lu..所以即刻決定上去試下..到門口~見到入面人不多...正猶豫中....就有個疑似知客既阿姐走出黎招呼..示意帶位...咁我同老公兩個都被帶了入去啦..揀咗個近電視既位...要了醉雞湯底....如之前的openrice朋友所講...d湯真係好耐唔滾起..鬼咩..個蓋都蓋唔晒個煲...等咗都十分鐘, 先算有少少起息...先黎啤酒..有藍冰同獅威揀..本來諗住每樣一罐飲住先..但阿姐拎個冰筒裝住六罐咁拎黎...算啦...盡飲...d材料都到啦~全部材料擺晒一個大盤度, 怪怪地..第一round:點了豬紅、豆腐、魚雲、肥牛x2、金菇、手打四寶丸、貢丸...最出色的是四寶丸...牛肉球真的同飲茶的山竹牛肉一樣蝦丸、墨魚丸都幾好味...魚雲無味的, 皆因湯底都無味..肥牛就算係咁啦...有牛味..不過都幾滯..第二round:點了冬瓜、粉絲、雲吞、魚肉+羊肉..粉絲好鞋啊...難食..雲吞太多了..得兩個人, 有成十粒魚肉都好大舊...感覺好似酒樓俾多d同款, 等你食得滯咁...最後都只係清咗四罐啤酒...都有d wing wing地了..好渣到埋單..果然勻真...total:$156咁既價錢, 咁既質素, 算過得去了!!

兩個人吃 8:30 後的火鍋經理叫侍應沖茶給我們，侍應竟然說叫我們不要喝茶了沖壺茶有多難呢　豬骨湯底等了大半個鐘才滾，侍應還不時走來說：仲未滾呀！？而不是打算幫我們換爐以往的火鍋料都是小小的一碟碟的，但今次就以一大碟推滿了所有我們點的火鍋料，碟底疊滿了沒有叫的菜和粉絲，營造滿載效果當然也有不少執漏火鍋料的情況，向侍應說，她不是說因為冇而執漏，而是理所當然地道出：咁佢係唔一定執齊俾你o架喇那是甚麼意思！？那不如把廚房有甚麼火鍋料推滿一碟來招呼客人，不用我們來浪費火鍋點菜紙吧～食物方面，沒有特色也沒有特別值得推薦的食物，唯一想提出說的是它們的食物有很重很重的雪味　不會再光臨的火鍋

今日(2632010 Fri)無無聊聊搵住o係屯門o既女友人L同佢兩個女玩,問佢幾點方便,佢話一齊去飲茶.啊,好吖,入到去,佢話去屯門新墟飲茶,o黎到就係呢一間.到lunch time喇,但好似唔多人,睇吓點心紙,L話想食印度烤餅,咁我剔o左唔記得咩烤餅喇.我見到有炒麵,飯類加點心o既套餐,問L要唔要呢個,佢話好,揀$48.00一個炒麵,飯類加一個點心,咁我o地揀o左日式海鮮烏冬煲同鮮蝦菜苗餃.然後再加一個山竹牛肉同棉花雞.等o左一陣,日式海鮮烏冬煲到o黎,都幾大個,多料同好香,睇到有西蘭花,鳴門卷,蟹柳,獅子狗魚卷,唔知咩魚o既魚塊,魷魚同類次貝類o既海鮮.唔客氣喇.烏冬好滑,西蘭花,好腍,其他正常,但原來獅子狗魚卷係切開一半o既,感覺唔係幾抵.而湯呢,係有海鮮味,但落o左好多味精.本來可以畀好高分,但叼因為咁要扣分喇.味道: 2.5分山竹牛肉同棉花雞都屬於正常,但後者只有一件魚肚,畀L食o左,重有一粒肉丸,兩件雞同好多芋頭.味道: 3分鮮蝦菜苗餃又好普通,而我食o個件竟然係冇蝦o既.味道: 3分最後,L話食甜品,睇完後我o地都係食芒果布甸,我o地叫o左三個,等o左好耐好耐至到,顏色好淺,,我o地食喇.芒果味好濃,只有好少o既芒果肉冇乜味,布甸實o左啲.L同佢五歲大o既女都覺得唔好食(因為佢o地最鍾意食,如果好食佢o地一定食得好快,但佢o地食得好慢)),我問佢o地畀幾多分?佢o地分別畀1分同2分,我畀2分啦.味道: 1.7分服務:兩次打開壺蓋好耐都冇人斟水,要叫至斟,呢o度茶錢$5.50一位o架.環境:坐得幾舒服o既,但冷氣唔夠.呢餐埋單$137.00,都幾貴喎.

紫荊大酒樓餐單提供粵菜, 廣東, 火鍋, 點心, 酒樓等推介美食位於屯門區，餐廳座位數未知人均消費約$101-200，結賬可以用Visa,Master,現金。

您對於屯門餐廳「紫荊大酒樓」有何 comment？

紫荊大酒樓餐廳詳細資料：

• 紫荊大酒樓地址:
  屯門鄉事會路126號地下雅都商場2樓
  紫荊大酒樓, 2/ F Acme Shopping Arcade,126 Tuen Mun Heung Sze Wui Road, Tuen Mun
• 紫荊大酒樓電話:  
• 紫荊大酒樓價錢: $101-200
• 分類: 粵菜, 廣東, 火鍋, 點心, 酒樓
• 座位: 未知
• 付款: Visa,Master,現金
• FB專頁: 紫荊大酒樓 Facebook

更多紫荊大酒樓相關資料:

• 紫荊大酒樓分店
• Youtube
• Facebook
• Twitter
• Google