目黑壽司 屯門

目黑壽司 評價 相片

呢間野真係差左好多原本都已經唔係好今日黎幫襯...完全係俾人搵老襯!!由於lunch已經食得飽飽下午茶只係出於口癢於是諗住食d小食算見呢到做緊promo...全日8折何況有張VIP card...諗住會好化算二話不說入左黎食要左一碟三文魚刺身$35一碟四件唔算係厚切...厚度中等可惜...唔新鮮一d三文魚的味道都冇乾乾的唔掂同元綠差好遠埋單諗住用張VIP card可以$28離場點知佢話8折左就唔可以用VIP card所以要$32有冇搞錯做乜先前唔講清楚話唔可以用VIP card?!!?昆完入黎先唔俾人用三文魚又唔新鮮好唔滿意!!!投訴無門!!唯有下次唔再黎食以作抗議!!!

成間鋪無一樣野似係人食, 日本菜???仲差過去荼餐廳~~~d員工又咩都唔識喎, 落一個order都要轉成三次人!!!d壽司飯又無未, 蟹柳有勁重既雪味, 蝦又硬到好似石頭, d螺仲難食到要吐出黎, 九州烏冬...d肉好似香口膠咁, 完全唔知想點, 結果...浪費晒d$, 因為真係難食到放唔入口!!!以後就算有人請都唔會去囉!!!

今晚我同女朋友去咗目黑食壽司，我哋一坐底就攞起 order 紙好雀躍咁點嘢食(因為我哋入坐時間係10:20 佢話10:30 last order )，同埋我哋又好肚餓。

好啦戲肉嚟啦，我哋點咗 : 珍寶帶子壽司 ~ 唯一放得入口嘅一碟 甘蝦壽司 ~ 乾憎憎 一口牛肉 ~ 又大嚿又有根，又俾鬆肉粉乸到唔知點咁碎蔥藍鰭吞拿魚壽司&藍鰭吞拿魚刺身 ~ 啲蔥好似合味道杯麵裏面啲蔥咁乾，而啲刺身多根又冇味食落全口都係渣燒牛舌串 ~ 唉！味道就可以，雖然佢都同其他舖一樣一碟兩串每串有兩塊，但係每串其中一塊就細到好似五毫子咁，呢啲就係正中嘅大細邊，我好欣賞個師父啲技術咁細塊究竟佢係點拮落去呢！吉列炸蝦手卷 ~ 一嚿有蝦尾而凍嘅炸粉插喺手卷入面，正！(番炸都慳返)三文魚壽司(一碟三件) ~ 好乾(即係唔新鮮)好似紙咁薄size細到冇人有，見到都唔想食佢...總結 全晚最驚嚇大奬得主~三文魚壽司~佢攞滿分最勁！相信大家唔會反對三文魚係最普遍嘅魚生，佢都可以咁唔新鮮，唔知點解佢仲可以生存到而家，當我女朋友見到嗰兩碟三文魚壽司就好嬲，同侍應講話唔新鮮叫佢換完又係一樣，嗰時得返我哋一枱客，可能趕收工所以樣樣都求求其其！最後我哋仲放棄咗一碟三文魚壽司唔食！啲嘢食已經令我哋好冇心情，當時員工已經開始打掃，壽司bar入面嗰四五個壽司仔(唔好怪我咁冇禮貌因為佢哋唔值得我尊重)好大聲講嘢而俾經理鬧叫佢哋細聲啲話因為仲有枱客，其中有一個就大大聲講：「乜仲有客咩，我唔知喎！」~~咁我都唔知我哋兩個係唔係鬼點解佢喺隔離都見唔到，吹脹！~~~超唔抵~又難食~個壽司仔態度又........開飯前真係要諗清楚！~

重開之後第一次在去.全部人都唔同咗.星期一嗰日夜晚ハ點幾去到.得幾枱客.食咗一口牛柳粒.一個加喱朱扒反.同幾碟壽司.野食好左.最重要夠熱呀d食物.不過壽司都係冇セ新款.服務好左..以前戍日都冇人加茶.宜家好咗唔冼叫都有人做.我同屋企人都会在去

今日大約8點多去到, 竟然唔洗等位!! 本身諗住去元氣, 但要等20幾個人!而x海道都要等!!因為我同老公帶住baby, 所以會選擇卡位!方便照顧BB!而目黑都係我地 經常去既店舖之一! 因為夠多卡位!可惜, 今時今日屯門既目黑, 已經唔同以前喇!D飯好散! 叫左既野食, 等左一段時間先到!!而豬軟骨烏Tong, 既豬軟骨好難食!! 一點都唔似係豬軟骨囉最離譜係, 芒果三文魚反卷, 好似冇咁芒果咁,塊芒果係超簿, 其他店都唔係咁好似冇芒果, 係粒果實批出黎咁!!我地叫個waiter cancel左佢, 個waiter都即刻做! 算係咁喇!!我諗唔會再試喇!!

目黑壽司餐單提供日本菜, 壽司, 刺身等推介美食位於屯門區，餐廳座位數140人均消費約$101-200，結賬可以用Visa,Master,現金。

您對於屯門餐廳「目黑壽司」有何 comment？

目黑壽司餐廳詳細資料：

• 目黑壽司地址:
  屯門屯隆街1號錦薈坊3樓301-308號舖
  Meguro Sushi, Shop301-308, Level3, K- Point,1 Tuen Lung Street, Tuen Mun
• 目黑壽司電話:  
• 目黑壽司價錢: $101-200
• 分類: 日本菜, 壽司, 刺身
• 座位: 140
• 付款: Visa,Master,現金
• FB專頁: 目黑壽司 Facebook

更多目黑壽司相關資料:

• 目黑壽司分店
• Youtube
• Facebook
• Twitter
• Google