海霸燒鵝魚翅海鮮酒家 屯門

海霸燒鵝魚翅海鮮酒家 評價 相片

真係好唔掂，d魚又唔熟，d位又窄，服務極差，價錢又貴，簡直係燒鵝級既價錢，垃圾級既質素~

昨日早上十一時我及我家姐就去海霸攞位飲茶,我地一共13人,當我家姐入去同知講話13位,個位門口知客就問"人齊未?",我家姐話"o黎緊!",個位超無禮貌o既知客就對住個咪話"小姐,我見你得一個人咋喎!",我當時見個位知客咁講野,我就即刻行埋去問"咩呀?",佢見唔係得我家姐一個人先無聲出話"你有六位就再通知我啦!",真係唔知佢呢o的係叫乜野態度囉?分明就係趕客o者!我地使唔使13個人一齊衝入去迫住晒係櫃位前先攞得飛呀??不嬲飲茶都係一個人去攞飛o架啦!唔通要成隊人一齊入去先攞得呀?呢間海霸真係奇怪呀!結果我地谷鬼氣去左明星飲!以後都唔會再幫趁海霸,費是貼錢買難受呀!

上次飲完茶, 今次去食個dinner先, 平日夜晚無咩人去喎, 大邊爐$9.8一碟好多人食, 不過我選左去食小菜叫左個海浙分蹄$18, 半隻特價炸子雞$38, 滑蛋蝦仁$68,鮑汁什菌38,椰皇雪蛤$28, $10三支的汽水.海浙好爽口又彈牙, 分啼硬左d, 好似雪左好耐都無人食過咁,唔得. 特價炸子雞無縮水, 好大隻喎,雖然係雪雞, 但肉又多又滑, 唔太肥, 好抵食~鮑汁什菌淡左d, 西蘭花唔夠腍, $38好以唔係好抵喎, 滑旦蝦仁係menu上的貴菜式喎, portion好多, 個蝦又新鮮又大隻, 個d滑旦都炒得好好, 唔錯唔錯, 好好味!甜品的椰皇雪蛤好熱好清甜, 有椰香味, 但$28的雪蛤當然係少得可憐啦....哈哈~~上菜快喎, service都ok, 不過d香片茶葉唔得, 好濁又唔好飲.

13/08/2005 19:30結婚在即，兄弟姊妹們都係時候互相認識一下，因為約的時間較急，兄弟們只得兩人出席，反觀姊妹們只有兩人缺席，姊妹們先勝一仗。

地點選在屯門市廣場的海霸，雖說是屯門，但交通還算方便，各路人馬都有巴士直達。

海霸聞名的是燒鵝，可惜今晚未能一嚐，因為這些場合叫套餐比較適合，一來唔駛諗，二來有預算。

一行十一人，叫了一個八至十二人的套餐（八至十二？個range咁闊？），記得的包括：白灼海蝦、燒味拼盤、西蘭花雞柳、炸龍皇卷、咕嚕魚塊、花膠湯、貴妃雞及瑤柱瓜脯，另因為是全包關係，包啤酒及汽水。

上菜的速度很快，落單後五分鐘便開始上菜，還差不多一碟連一碟咁上。

當中蝦不錯，新鮮有蝦味；炸龍皇卷外皮酥脆，不過餡料忘了是甚麼，不錯的；咕嚕魚塊個個讚好，可惜來不及一試已被掃清。

花膠湯湯料果真清一色花膠，配料有的話亦很少，所以湯味縱使濃郁但口感略寡，其他菜式只是普通質素。

餐後還奉送甜品，有紅豆沙同黑糯米可選，吃了一碗紅豆沙，味道不太甜而且起沙，幾好。

邊吃邊講，大家都很快熟落，總算有個好開始。

埋單$1,253，拉勻每人$110左右，好似貴左o的。

最鍾意只係呢度燒腩肉,夠脆皮,肥瘦比例適中.不過真係好少黎,因為d野食好多油,同埋整體上感覺地方有d 污糟,尤其是係地氈,好多跡. 轉盤都係,上手食完,d伙記都唔知有無認真抹過,肥淋淋,有d嘔心.

海霸燒鵝魚翅海鮮酒家餐單提供粵菜, 廣東, 海鮮, 山珍海味, 燒臘, 點心, 中菜館, 酒樓等推介美食位於屯門區，餐廳座位數未知人均消費約$51-100，結賬可以用現金。

您對於屯門餐廳「海霸燒鵝魚翅海鮮酒家」有何 comment？

海霸燒鵝魚翅海鮮酒家餐廳詳細資料：

• 海霸燒鵝魚翅海鮮酒家地址:
  屯門屯喜路3號屯門大會堂
  Viking Seafood Restaurant, Tuen Mun Town Hall,3 Tuen Hi Road,, Tuen Mun
• 海霸燒鵝魚翅海鮮酒家電話:  
• 海霸燒鵝魚翅海鮮酒家價錢: $51-100
• 分類: 粵菜, 廣東, 海鮮, 山珍海味, 燒臘, 點心, 中菜館, 酒樓
• 座位: 未知
• 付款: 現金
• FB專頁: 海霸燒鵝魚翅海鮮酒家 Facebook

更多海霸燒鵝魚翅海鮮酒家相關資料:

• 海霸燒鵝魚翅海鮮酒家分店
• Youtube
• Facebook
• Twitter
• Google