桃源麵館 屯門

桃源麵館 評價 相片

桃源結業了!我等了多年才見"開飯喇!"有佢,其實佢開了很多年,但不知何解無佢份,到加了佢無耐,佢又做唔住!很傷心呀!8109(Thu)那晚得自己一個人食,收工原本食舊餸,但擔心唔夠餸,去了桃園買飯盒,冷不逢竟是它的last day!幫襯過桃源多年,由初期開張時叫仙桃源便同老公拍住拖去幫襯,之後結婚,大肚,帶埋bb時既大女,到陀住細仔,到細仔出世帶埋細仔去食,我仲記得初初佢都有攪火鍋架!2隻野由搗蛋焗住要揀面壁位以免騷擾到其他食客,到後期開始定性,真係前後都有67年!仔女都極之鍾意幫襯佢!我們幾乎個個星期日都去幫襯,成日坐定一個死角位,叫的都是素飯,醬汁豬扒飯,醬汁雞扒飯,凍珍珠奶茶,凍柑桔綠茶,大家均滿意它的味道,要嫌的只是老公不喜歡他的芡汁多,但佢地都肯同我地汁同飯分開上呀。

早餐例必人頭湧湧,全因抵食!有2片多士+火腿/香腸/蛋/餐肉(任選2)+米線(份量不少,等於大家樂正價粉麵餐的份量)仲有一杯台式飲品,冷或熱都得,飲品包括品珍珠奶茶!初期只需$16後尾一路加至最近的$21,早餐做至11:30,人龍至約十二點才散。

其實桃源一切都很好,只是到後來,人手不足(可能小本經營,因見老板同事頭婆都要坐鎮店裡),d食物要等好耐,攪到我唔係當日好空閒都唔敢去幫襯。

食飯一定要連飲品$30,有時只想叫多個飯吃,但都要連飲品!太不方便!今次結業可能同早幾年經濟好時加租加得太勁做唔住啩!

２００８／１０／１早餐想吃’特別’些少的早餐，就去了從未幫襯過的桃源吃。

上午十點鐘，已經很難找位子了(屯門人較為早晨 XD)。

因為趕時間，見餘下門口邊邊那倨面壁位都照坐吧，其實都不錯，自成一角。

在早餐牌之中，銀針粉可以佔一個系列(興奮興奮)﹗所以我要了鮮茄銀針粉配炸餃子，飲品是西柚紅茶少甜($20)；朋友就要肉燥奄列多士，迷你魚皮餃玫瑰腸公仔麵，飲品是珍珠奶茶少甜($21)。

二十分鐘過後，沒有一樣食物能上檯﹗再等一陣終於有些著落，只有朋友點的全部食物以及我點的炸餃子，奄列出了很多油，肉燥夠味道不過很乾(柴皮的)，蛋皮都幾乾下，麵包烘了幾秒鐘就當多士，面頭的牛油又溶不開，炸餃子多油到不得了，但最好吃就應該只有它。

吃掉以上食物，飲品仲未來﹗因熱飲要用時間攤涼，所以就追呀追呀追，十分鐘後才被施施然上檯，而我飲的那杯味道都OK，西柚味就沒有，只是酸酸甜甜囉。

飲到一大半，朋友也吃完碗麵了，我的銀針粉還未有消息…又再追追追等等等，萬分期待的鮮茄銀針粉終於出場，但勢估不到用長長時間等待出來的只是一個茄汁銀針粉﹖﹗劈汁是平常吃碟頭飯，人家畢一劈給你撈飯吃那種…又傑又凍又成jelly狀，看到就心寒，唯有與那清水似的湯狂撈，才能稀釋些，裡頭的洋蔥片和’鮮茄’件，黏黏的，好得人驚…將我心愛的銀針粉做得那個樣子，很傷心呀。

桃源麵館餐單提供台灣菜等推介美食位於屯門區，餐廳座位數未知人均消費約$0，結賬可以用現金。

您對於屯門餐廳「桃源麵館」有何 comment？

桃源麵館餐廳詳細資料：

• 桃源麵館地址:
  屯門屯隆街2號屯門時代廣場北翼地下
  桃源麵館, G/ F, North Wing, The Trend Plaza,2 Tuen Fung Street, Tuen Mun, Tuen Mun
• 桃源麵館電話:  
• 桃源麵館價錢: $0
• 分類: 台灣菜
• 座位: 未知
• 付款: 現金
• FB專頁: 桃源麵館 Facebook

更多桃源麵館相關資料:

• 桃源麵館分店
• Youtube
• Facebook
• Twitter
• Google