東城酒家 屯門

東城酒家 評價 相片

星期日中午, 想去紅橋附近一間cafe吃lunch, 但不巧它正在裝修, 改為想飲茶, 因為好肚餓, 見到東誠就食呢間啦。

藥膳雞腳 個湯膠質重, 要趁熱飲, 否則凍了就會凝固成啫喱狀, 有d 藥材味, 幾滋補, 雞腳都算炆得淋。

蘿蔔糕 都幾多蘿蔔在內, 唔會話好粉, 本身已夠咸味, 亦可另外order海鮮醬點。

上湯浸生菜 上湯是淡淡的, 無咩味, 生菜都新鮮, 但有d 油。

煎薄罉 比平常的厚, 粉幾多, 料不多, 普普通通，整件都幾油。

山竹牛肉 蒸到好軟熟, 肉味香, 還有一粒粒馬蹄, 口感不錯, 一定要加喼汁先好食!燒賣 蝦已經切碎了, 同豬肉撈埋, 口感唔夠, 豬肉亦偏肥, 個人不喜歡。

蒸排滑 理所當然的用上較肥的豬肉來蒸, 脂香十足, 還有d 芋頭食。

雞扎 雞件幾滑, 有粉粉的芋頭, 冬菇, 綿綿像豬皮的東西。

二人食到好二百二十幾, 幾抵食, 不過整體比較油膩, 用料比較肥, 整體味道不是特別好。

今日父親節~當然要同父母飲個早茶喇!!  今次去到呢間新開冇耐既東城酒樓....一行四人! 食左好多野~今日係特別日子，點心比平日貴了些少! 但埋都係$300!! 認真抵食呀!  1/ 東城鮮蝦腸 呢度既腸粉真係整得好味! 腸粉皮做得好靚好薄! 蝦又大隻!2/ 滿意牛肉腸 牛肉腸都一樣咁好食! 牛肉好新鮮，沒有雪藏味!! 3/ 爽脆鮮蝦餃 蝦餃整得好~皮簿蝦靚!4/ 醬皇大鳳爪  我唔食的，但父母說好味道!!5/ 巧手小籠包 呢度小籠包都幾好喎! 通常酒樓的一定係唔好味~但呢個整得好合格!6/ 北菇燒賣皇  好味道! 燒賣好味! 一人一粒都唔夠食呀!7/ 鮮竹牛肉球  牛肉打得好靚! 小點之選!8/ 香滑奶皇飽 我個人至愛! 奶皇夠甜而湧出黎~包皮整得好! 9/ 圓盆馬拉糕 呢個大點好味! 又多又抵食! 馬拉糕味道真不錯!下次都一定要食!10/ 濃湯菜肉餃  菜肉餃包得好靚! 配上濃湯好鮮味! 11/ 潮州靚粉果  父母說好味而有懷舊的味道! 又一小點之選!12/ 皮蛋瘦肉粥 平時係$3.8特價的! 但今日特別日子就$11.8! 都ok架!! 粥底都做到好綿! 總的來說: 東城酒樓大集團飲茶有一定的食物水準! 要讚一讚就係呢間酒樓服務態度好好! 我之前飲茶都會選呢間!但係唯一一個不好的地方就係酒樓面積實在太細，座位同座位之間根本上就沒有空間! 好逼陝! 如果唔介紹座得逼的朋友真係可以一試呢間!   

東城酒家餐單提供港式, 火鍋, 酒樓等推介美食位於屯門區，餐廳座位數未知人均消費約$51-100，結賬可以用Visa,Master,現金。

您對於屯門餐廳「東城酒家」有何 comment？

東城酒家餐廳詳細資料：

• 東城酒家地址:
  屯門井財街15號金銘大廈1樓A舖
  Oriental Kingdom Restaurant, Shop A,1/ F, Kam Man Mansion,15 Tseng Choi Street, Tuen Mun
• 東城酒家電話:  
• 東城酒家價錢: $51-100
• 分類: 港式, 火鍋, 酒樓
• 座位: 未知
• 付款: Visa,Master,現金
• FB專頁: 東城酒家 Facebook

更多東城酒家相關資料:

• 東城酒家分店
• Youtube
• Facebook
• Twitter
• Google