東城茶餐廳 屯門

東城茶餐廳 評價 相片

酥皮蛋撻 $2走過見到有蛋撻$2個 咁平更係要試下雖然真係細細粒試試味道入口唔係太夠熱 不過天氣凍就情有可餘 酥皮都有少少一層層感覺 但蛋漿偏淡 如果甜d就可以出味d整體味道都主要係酥皮烘焙味加上大細上偏細就真係唔夠喉可能要食3個先夠...

沒什麼事做的假日來到vcity行街，行完又去下舊區逛逛，揀左東城呢度食下午茶。

門口賣著新鮮出爐麵包，好香！又好多人買，應該都唔差，試下先。

舖內十分多人，有情侶，有一家四口，感覺一啲都唔麻甩喎。

裝修好傳統，實而不華，應該開左好耐。

下午茶餐牌都好多野揀下，廿幾至三十幾蚊，價錢抵食，食過味道再講。

豬扒包，自家制漢堡包新鮮軟熟，豬扒煎得香口但一啲都唔乾身，加埋沙律醬同蕃茄，仲有最驚喜嘅酸青瓜，真係唔錯。

連餐飲好似廿二蚊。

吉列豬扒沙律，吉列就較為乾身，但未至於乾柴，炸過更為香口。

配上港式什果薯仔沙律，一甜一咸剛剛好。

豉油皇炒麵，這個味道正正是街市早上賣一袋袋炒麵嘅味，我個人較喜歡這種軟身炒麵，但同行之人似乎麻麻。

餐飲熱奶茶，香滑，茶奶比例剛好，好好飲。

3月22日同屋企人返大陸玩,我們係屯門撘車,出發前係附近攞間餐廳食左一個豐富早餐先. 去左東城,其實我第一次嚟的,早餐選擇都有幾款的, 我食餐肉煎蛋餐包,炸菜麵配熱好立克.本來是想食沙嗲牛肉麵的,不過因為太多選擇,後尾變左炸采,個餐肉,蛋,餐包都正常的味道,幾好,個麵就麻麻地,唔太入味,好似所有嘢都係分開味,唔撈到一齊,他們說退步了,因牛肉也冇以前咁滑咁好味啦.

這篇食評是我第三次寫, 我偏唔信邪再寫多次, 只希望篇食評編輯可以俾我出到；第一次用手機的OpenRice apps 寫, 到做完送出時遇上網路問題, 出極都出唔到, 全篇文章成泡影... 隨後第二次在laptop上寫, 剛剛準備送出時, OpenRice 畫面卻 freeze, 數分鐘後回復正常但文章卻又消失了在天與地 ......現在, 我已無心機再去詳細的寫這篇食評了, 心力交瘁 ... 明嗎?煎蛋菠蘿包下午茶餐 $21原裝正版是配煎熟蛋, 不過我比較like半生熟荷包蛋, 特別向侍應生表明, 她說:「你唔怕麵包濕腍腍就叫啦!」 數分鐘後, 菠蘿包送到 ... 天氣這麼冷, 麵包卻是室溫溫度!  菠蘿包拿上手好輕, 外層表面的脆皮未夠脆, 麵包本身帶點濕, 配合蛋漿來吃口感卻是微妙, 煎蛋雖然不是脆邊, 但幸好不是用扒爐來煎, 口感越見滑溜。

奶茶未夠絲滑, 茶味亦未夠濃, not my cup of tea!

屯門區購買靚魚,除了著名青山灣外,區內的新墟街市或置樂那邊的仁愛街市皆有新鮮靚魚,是日就買到又平又靚的新鮮太陽魚了!順道閒逛一下好久沒逛的新墟,看到這家街市對面的東城茶餐廳那一盤盤新鮮出爐麵包又停下來選購。

不過今天的麵包總是烘得深色,就像烘得過了時間般,正打算離開時又發現另一邊竟有很多砵仔糕,這些砵仔糕平時很搶手,而且出現時間不定,不一定會遇得到,今天卻有大量在此,有豆的無豆的任君選擇! 阿姐們忙著處理出爐麵包,我們自己挑多豆的也沒問題。

以膠紙個別包裝的砵仔糕,很香黃糖味(不是蔗糖香)卻不太甜,是什麼品牌的黃糖有此奇功,可以有糖香卻不會過甜? 糕身軟糯中又有點實在,最重要是沒有糊糊像未熟的狀態,粒粒紅豆全數軟身有紅豆香,加起來的水準的確不錯,只是好多年前居住屋邨有位伯伯的自製砵仔糕更出色,是印象中最好吃的砵仔糕水準,這裡的已比坊間的好吃了。

粽子體積較為迷你, 糯米、綠豆、肥肉及蛋黃相對地份量不多,尤其週前吃過明利出品的大大顆的多料粽子後,這顆就變得小兒科了。

糯米薄薄一層的包著同是薄薄一層的去殼綠豆,煮熱後的糯米黏糯地跟綠豆融成一體,只有丁點的全肥肉流出的油脂也不足令糯米飯變得更油潤,帶有鹹香的肥肉也不太甘腴,小試無妨。

當遇上水吧煲奶茶時, 濃香紅茶味會飄到店外, 只是這裡全天候的客似雲來, 多年來也沒有試過這杯奶茶唷。

東城茶餐廳餐單提供港式, 麵包店, 茶餐廳, 冰室等推介美食位於屯門區，餐廳座位數未知人均消費約$50以下，結賬可以用現金。

您對於屯門餐廳「東城茶餐廳」有何 comment？

東城茶餐廳餐廳詳細資料：

• 東城茶餐廳地址:
  屯門啟民徑49號興發大廈地下1號舖
  東城茶餐廳, Shop1, G/ F, Hing Fat Building,49 Kai Man Path, Tuen Mun
• 東城茶餐廳電話:  
• 東城茶餐廳價錢: $50以下
• 分類: 港式, 麵包店, 茶餐廳, 冰室
• 座位: 未知
• 付款: 現金
• FB專頁: 東城茶餐廳 Facebook

更多東城茶餐廳相關資料:

• 東城茶餐廳分店
• Youtube
• Facebook
• Twitter
• Google