東京築地拉麵 屯門

東京築地拉麵 評價 相片

見到連對面間大X樂都人山人海~而哩間拉麵店得小貓34隻咁既人流~原來真係有原因架入去叫左個黃金濃厚豚骨湯叉燒拉麵($66)order完要問先會比一杯熱辣辣既飲用水你可能我見識少~食拉麵真係好少係會提供熱水問佢有冇凍水佢竟然話冇~至於個拉麵呢.....湯底一d都唔濃之餘~仲要豚骨味都唔多覺拉麵....唔講仲以為煮左個超市買既即食拉麵添呀!!!!份量已經唔係大~都難食到食唔哂!!!!真係伏一次就算啦!!

之前經過見到呢間拉麵裝修唔錯，於是Lunch time就黎試下。

一黎到冇乜人，店員會問你掃qr code定填紙，不過店員態度麻麻，可能做野辛苦啦😂拎張紙比你都黑哂面.坐低嗌左碗招牌拉麵，但真係好普通，得兩塊薄薄的叉燒，粒蛋唔係流心既，麵底呢個價錢都講得上劣😂冇蛋味，同係超市買既急凍版拉麵差唔多，可能超市果款既拉麵既蛋香味更佳。

份量好少，男仔黎食一定唔飽，不過佢個餐可以揀送可樂，飲完應該飽既😇.唔怪得lunch time都咁少人，如果想揀冇咩人既餐廳，呢間就岩哂你😉.臨走有個學生妹入黎食，問店員可唔可以坐低填紙。

店員答：「得，你鐘意訓係到寫都得」厲害😂

以往曾光顧過兩次，每次都覺得很好吃，不過今次就有點分別，感嘆在疫情下做生意真是一點也不容易。

位置：在匯豐櫃員機後方。

環境：舖面面積小，呈L形，大約十張桌左右，全都是木桌椅，牆上貼上招牌拉麵的廣告，天花掛有日式燈籠，滿有懷舊日本氣氛。

午市：本來是想新湯品，可惜售罄了，唯有吃以往的辣拉麵。

赤神濃厚豚骨湯叉燒拉麵$68免費配一杯熱蜂蜜生薑茶湯色呈赤紅色，拉麵上有兩塊薄如紙的叉燒和半隻糖沁蛋，加少許的黑木耳絲和筍乾。

湯底味道濃郁帶辣勁，質素跟以往差不多，不過份量和配菜就明顯地減少，叉燒一夾起就散了，跟我以往吃的厚度薄了。

可能價錢便宜的關係，材料都因而減份！坦白說，雖然味道不變，但份量縮小，間接迫顧客叫多一份小食才能吃飽，感覺有點差！

📍🇭🇰 東京築地拉麵 (屯門)Tokyo Tsukiji .好耐好耐無出國去旅行啦！ 因疫情都少左出街吃飯，最近見疫情緩和點就出來吃下野，搵到間日本餐廳，感受下日本風味！.我們點了以下食物：🔖 黃金濃厚豚骨湯叉燒拉麵 ｛HK$68} 湯底淡淡帶著少少豬骨湯味.🔖 赤身濃厚豚骨湯叉燒拉麵 {HK$70} 湯底唔算太辣，較黃金豚骨湯較香味.P.S. 如果個麵底都可以自己選擇埋軟硬度就好啦!.🔖 蒜味牛柳粒 {HK$46} 呢個真心極力推薦👍🏻👍🏻👍🏻醃製得好入味，牛肉夠晒林.🍹 和歌山紀洲梅子梳打冰 {HK$22} 可惜當日食的時候，他們的冰機壞左。

但梅子梳打都幾好飲！篤爛粒梅子釋放出來嘅味道剛剛好配合梳打，有埋冰相信更好飲😋！P.S. 另收加一服務費

下午茶突然想食拉麵，就嚟東京築地拉麵試試🍜，分別叫左2個口味。

餐廳環境充滿日式風格，座位之間有分隔版，疫情人食得安心啲。

《豚骨湯叉燒拉麵》💰$66《赤神豚骨湯叉燒拉麵》💰$68 豚骨湯不會太油膩，赤神湯不會過辣 配料方面有紫菜、木耳、粟米 叉燒偏肥，拉麵份量適中，味道還可，性價比OK 有糖心蛋點綴下服務不過不失，另外好多人叫沾麵，下次再試試😋環境：⭐⭐⭐味道：⭐⭐⭐打卡：⭐⭐服務：⭐⭐⭐回頭率：⭐⭐⭐

東京築地拉麵餐單提供日本菜, 拉麵, 咪嘥嘢食店等推介美食位於屯門區，餐廳座位數未知人均消費約$51-100，結賬可以用AlipayHK,支付寶,現金。

您對於屯門餐廳「東京築地拉麵」有何 comment？

東京築地拉麵餐廳詳細資料：

• 東京築地拉麵地址:
  屯門屯隆街2號時代廣場屯門時代廣場南翼1樓22號舖
  Tokyo Tsukiji, Shop22,1/ F, Trend Plaza South Wing, The Trend Plaza,2 Tuen Lung Street, Tuen Mun
• 東京築地拉麵電話:  
• 東京築地拉麵價錢: $51-100
• 分類: 日本菜, 拉麵, 咪嘥嘢食店
• 座位: 未知
• 付款: AlipayHK,支付寶,現金
• FB專頁: 東京築地拉麵 Facebook

更多東京築地拉麵相關資料:

• 東京築地拉麵分店
• Youtube
• Facebook
• Twitter
• Google