新加坡餐廳 屯門

新加坡餐廳 評價 相片

見樓下寫食評的朋友都係比喊臉,我去過幾次架啦不過一直都冇寫食評我次次都係食下午茶,因為平又算多卡位平時來食都係會叫炒麵/飯,又飽又唔算貴$23因為今次唔太餓所以叫$20餐(要+$1)我要雞翼薯條,男友要豬扒沙拉雞翼有四隻但唔算大隻,豬扒都好大塊佢初初比錯我比左個雞脾餐我 我見到隻雞脾都幾大隻下我諗次次都唔同啦時大時小啦!!!杯野飲都算大杯 要+$2但態度d人就真係麻麻...d人又惡又串...

諗黎諗去都唔知食乜....求其搵間....響"新加坡餐廳"同"西貢星"中選擇左"新加坡餐廳"...好想食辣野...叫左 地獄血池拉面,老公叫左豉召牛河.地獄血池拉面 ...唔係呀....湯底只係加左豆板醬就叫"地獄"??一個字 " 咸"仲要係勁咸.....料就有半隻蛋+4舊叉燒+紫菜+日式魚蛋...成碗野...一個字 " 差!!!!""仲要$30..豉召牛河...冇味+好油!!! 都抵既....$22 / tea....一句 >冇下次!!

行到攰就去左間"新加坡餐廳"食野,但我下一次一定唔去一去到門口諗住等人帶位,點知後面d人衝曬入去自己坐個經理視而不見!!!0算數,佢叫我地行入去坐,話裡面收拾好有位點知去到個卡位有3杯水,餐紙餐牌亂曬,重有隻bb鞋3"....個經理攞水放低就想走0..我叫住佢幫我清理下佢先汁...待應唔夠不得止,無咩禮貌同無笑容我同男朋友叫左2個扒餐個忌廉湯..無言// 味精超重.無料,成碗5粒粟米粒都唔夠,粟米粒重要係1/2粒上. 麵粉起曬粒講明係有牛油餐包,問佢攞牛油,佢話牛油無//吹脹個扒...過得去囉//伴碟的菜勁樣衰...真係大家樂重好食過佢...叫左杯凍0水...勁甜3"所以..一定無下次!!我唔會再幫襯佢!!!!!

星期日, 我同我老公入去食早餐我地叫左兩個一樣的早餐火腿煎雙蛋 + 牛油包 另配通粉我同個紅衫大約四十餘歲的女待應講唔該一份要熟蛋, 一定要熟點知黎到兩份都係有蛋黃流出黎既生蛋我就叫返果位女待應黎, 問下佢, 你幫我睇下邊份係熟蛋佢睇完就話, 我明明寫左兩份都係熟蛋架喎我話,下 我要一份熟蛋, 你黎兩份都係生佢就話, 咁樣我拎返入去同你再煎下囉我老公就好嬲, 我話算啦, 最多以後唔再黎我都唔明, 而家屯門市中心咁多食店, 佢仲要做到咁樣, 係唔係想快d關門大吉..總知就祝佢地好運

尋日星期日同男朋友入去諗住食返個下午茶點知..食得好無奈由一個貌似部長的人落單(多數侍應生都著紅色衫,幫我o地落單的就著恤衫打tie)我點了雞脾沙律配凍檸茶當一碟雞脾沙律送到我o地面前時,我同男朋友都呆o左雞脾又黑又細,細到..我都唔知點形容沙律真係得沙律,美心都有2片青瓜伴下碟,佢無,而沙律少得好可憐...隻碟係圓o既",小黑脾"o係碟o既一小角,沙律o係另一小角,個賣相...真係...絕絕~對~嚇~人!! 我叫個部長先生埋o黎睇下有無咁過份佢答我："下午茶,係咁o架喇,$20係食呢o的ga la"我指住餐牌上的雞脾沙律問："有無差咁遠?"佢都係o個句："係咁o架喇,係咁o架喇,..."佢係不斷repeat"係咁o架喇,係咁o架喇,$20下午茶係咁o架喇".....之後佢就一邊講,一邊自己走o左去,完全無理我o地咁o既customer services,仲可以收人加一服務費...$20+$2凍飲+10%=$24各位師主,踏隻腳入去呢間餐廳之前請三思而後行

新加坡餐廳餐單提供新加坡菜, 西餐廳等推介美食位於屯門區，餐廳座位數未知人均消費約$51-100，結賬可以用現金。

您對於屯門餐廳「新加坡餐廳」有何 comment？

新加坡餐廳餐廳詳細資料：

• 新加坡餐廳地址:
  屯門屯利街1號華都商場3樓9號舖
  Singapore Restaurant,  
• 新加坡餐廳電話:  
• 新加坡餐廳價錢: $51-100
• 分類: 新加坡菜, 西餐廳
• 座位: 未知
• 付款: 現金
• FB專頁: 新加坡餐廳 Facebook

更多新加坡餐廳相關資料:

• 新加坡餐廳分店
• Youtube
• Facebook
• Twitter
• Google