廚房佬餐廳 屯門

廚房佬餐廳 評價 相片

服務態度差，上一張台走左收左d杯碟，台都唔抹一下，之後我叫d丫姐一陣幫我抹下台，竟然話張台都冇野，之後叫丫姐落單，叫極冇人理，叫左個叉燒通早餐 加凍飲 $33 不過不失啦叉燒比較硬，通粉個湯味精味重，慶祝杯奶茶算好味，茶記就係最重要杯奶茶，餐肉夠厚身，$33 都算係咁，本人對食要求不高可能價錢比較平民，所以舖頭都算多人入嚟食，但d丫姐態度好有問題，疫情下都抹下張台先俾人坐啦，一啲衛生意識都冇，仲要話返人轉頭，所以冇下次

食過咁多間茶記既海南雞飯，呢間都真係算難食⋯首先個飯唔係油飯，呢個都算，最大獲係隻雞完全冇味，肉質散，唔加薑蓉真係擺唔落口⋯醬料仲好笑，佢跟薑蓉同泰式甜辣醬⋯大佬呀真係第一次見海南雞配泰式甜辣醬，我自己就認為一d都唔match，不如你唔好俾我好過係茶記食海南雞飯，呢間野價錢佢唔算貴，50蚊一份，凍飲再加3蚊，但平你又唔係平wo，真心整好少少先拎俾人食啦，冇心機整不如唔好再整海南雞飯啦。

呢間野個海南雞飯真係失敗之中既失敗

夜媽媽 肚仔餓 只係想快快揾野食 食完就算黎到香港人最愛 茶餐廳 我要求唔高唔要太貴 最好快 同要好食入到黎 基本上全部長枱 無乜雙人位 坐得鬆動隔離個果話要食多肉肉見到扒餐 $48 ?唔係好記得 總之唔過$50 平豬扒雞翼薯菜蒜蓉汁飯熱騰騰的 香 即刻覺得好餓我就叫左豬扒炒烏冬拿 雖然好明顯烏冬唔係靚野不過我個人覺得都已經算多料 味又夠最起碼啲兩個餐既鐵板真係有zizi聲係好熱騰騰既加凍飲 兩個人$121大約唔駛煮 又食飽飽 我覺得算係咁嫁喇

窮民一個無咩錢食好野，所以最鍾意推薦d平民野廚房佬係屯門好似有4間，青海圍依間最近我辦公既地方，午餐首選食餃子，如果果日想食飯，就會諗起《廚房佬》，一來快同方便，二來價錢唔貴，雖則服務態度真係一般，之前試過午餐焗飯真心覺得唔好食，不過仍然會想食廚房佬原因得一個，就係佢既口水雞/海南雞飯！今日想食辣辣地既野，所以揀左口水雞！計埋之前，夾埋可能都食左810次口水/海南雞，過半數機會都係雞脾位黎架，好開心今次都係佢上面既辣醬好惹味，係辣味唔夠既，不過有點麻香同少少少少辣味，加上花生粒，淨係醬都已經好送飯到隻雞，今次比以往更好食既原因係..係雞肉同雞皮之間有層啫喱！唔係肥膏而聽聞係膠原質凝固左，想知係咩自己上網搵下啦認真食咁多次係今次先有，平心而論過往係有食過失手至雞肉un哂，全碟都係骨咁制既狀況，不過多數機會都係好食的！加上50幾蚊有雞有菜有仲有野飲/糖水..去邊搵呀？！唔驚中伏，不妨一試平民化🐥🐥

首先一坐下來，桌子是這麼清潔，叫侍應都唔鬼理我，話始終會有人執，現在立即落單。

由於趕時間，所以就落單叫左XO醬干炒牛河，諗住普通野應該唔會中伏，點知就中伏了。

味道好淡，但是油超多，好似食豬油撈河咁！唯一好處是快，我食完都未有人執台。

廚房佬餐廳餐單提供港式, 茶餐廳, 冰室等推介美食位於屯門區，餐廳座位數82人均消費約$50以下，結賬可以用現金，Booking訂位可以電話致電 24618800 查詢。

您對於屯門餐廳「廚房佬餐廳」有何 comment？

廚房佬餐廳餐廳詳細資料：

• 廚房佬餐廳地址:
  屯門青海圍屯景大厦Ｂ1&Ｂ２舖地下
  Kitchen Man Restaurant, Shop B1& B2, G/ F, Tuen King Mansion,8 Tsing Hoi Circuit, Tuen Mun
• 廚房佬餐廳電話: 24618800
• 廚房佬餐廳價錢: $50以下
• 分類: 港式, 茶餐廳, 冰室
• 座位: 82
• 付款: 現金
• FB專頁: 廚房佬餐廳 Facebook

更多廚房佬餐廳相關資料:

• 廚房佬餐廳分店
• Youtube
• Facebook
• Twitter
• Google