常嚐素 屯門

常嚐素 評價 相片

呢間素食薄餅由天水圍已經幫襯開，轉址屯門依然經常幫襯。

佢哋嘅素肉款式非常多，可選套餐或者單點，不論送貨定堂食，服務都好好👍🏻 (素食Pizza已經少見，黃店更是難得，絕對要支持💪)Pizza有15款選擇，蛋奶素都有清楚列明 (🍳 🧄 🌶 )，比較推介以下3款：(迷你批$52 / 普通批$102 / 大批$138)日式芥辣風 🍳🌶🌶(素三文魚/蟹柳/粟米/芝麻)用wasabi做醬料base好似好大膽，但絕對好夾好好食，而且後製調味後並不會太攻鼻，多食幾件都唔覺漏，係我每次必點pizza款式。

素食墨西哥 🌶🌶🌶(墨西哥辣椒/素腸/蕃茄/紅椒/黃椒/青椒)墨西哥辣椒夠晒辣，食中啲辣椒籽真係舌頭著火咁。

咖喱薯仔 🍳🌶🌶 🧄 (青椒/菠蘿/粟米/薯仔/素雞)咖喱味道香濃，配上Pizza味道獨特，有啲似食緊印度naan，又係一款會食上癮嘅口味。

紅湯酸甜味濃，白湯都好出色，十分creamy，食得出蘑菇香。

主食有十幾款，素肉同醬汁配搭十分惹味😋(可配焗飯/意粉/闊條麵/鑼絲粉/長通粉)💁🏻‍♀️ 特別推薦： 🍳小朋友們特別鍾意食呢個闊條麵，醬汁香甜，麵身裹滿醬汁，而且好有咬口。

🌶🌶🌶大人就鍾意呢個墨西哥辣椒口味，辣度十足，配上香濃肉醬，香口又刺激，食得好過癮。

包括薯角、素麥樂雞、粟米、咖喱角、春卷等。

素麥樂雞值得一提，非食素嘅朋友都好驚訝點解可以咁似真肉😂 Party必點🥳

兩點半左右到 無咩人唔洗排隊店舖位置很方便易搵，近巴士同輕鐵站店員有禮，服務態度佳店內乾淨整潔，有檯供堂食，可以坐到45個人嗌咗套餐💁白汁素雞焗飯+一件披薩+餐湯外賣加$2一共$45最好食嘅係個夏威夷披薩中間夾咗層千島醬整體黎講ok個白汁素雞焗飯味道偏淡雞肉幾好食，有咬口，似真雞肉但係汁同飯比較淡成個飯最好味係素雞肉最後個餐跟咗羅宋湯，味道ok份量好足夠，食完好飽整體性價比高值得再幫襯試下其他嘢

素雞焗飯啲芝士🧀望到都覺得正，啲粟米又多，汁又好夠，而且個飯應該炒過，唔係白飯黎，素雞雖然唔係雞味，不過幾好味，質感都有幾分相似👍🏼👍🏼🍕Pizza幾足料，唔會去到邊邊就冇料羅宋湯飲落啲味同平時一樣，而且入面除左蔬菜，仲有啲素肉碎一個套餐$43(外賣再加$2)有哂咁多野好抵食！仲可以揀要春卷薯角唔要pizza，或者唔要羅宋湯要汽水(仲有粟米湯揀，不過望落麻麻地🙈)。

不過可能因為疫情所以冇得堂食，最後決定外賣自取。

$48套餐意粉/焗飯五選一，選擇頗多，配薄餅/薯角/春卷，加湯/汽水，份量十足🍕🍝👍薄餅店主打外賣，亦有兩張4人枱堂食👯👯⏳外賣店速度快，點了芝士汁雜菌長通粉和粟米汁鱈魚螺絲粉，薄餅、薯角各一，陸續上枱素食店當然無鱈魚，用上豆纖維，外表似茄子塊，味道不俗😬湯、汁均罐頭味，醬汁份量多、濃稠，芝士汁似白汁，粟米汁就金寶湯🌽意粉用三色螺絲粉算有誠意，少油，明顯齋烚淋醬汁就上碟🏄夏威夷薄餅是厚批，批底鬆軟，屬麵包店水準👍推薯角，原隻薯仔切開，一碟十幾塊，新鮮滾熱辣🌱齋評後記: 整體是速食水準，性價比算高，素食與否反而是其次

常嚐素喺呢度都開咗好幾年啦，佢有幾個好抵食嘅套餐，基本上都係40蚊左右：有一片pizza，有一個飯或意粉，再加一個湯。

以呢個價錢嚟計，算係幾好。

佢個羅宋湯係比白湯好飲嘅，唔要湯都可以揀汽水 佢最好食嘅pizza係露筍素pizza，不過呢個通常冇得跟套餐，要自己散叫，值得一試

常嚐素餐單提供意大利菜, 素食, 薄餅等推介美食位於屯門區，餐廳座位數未知人均消費約$50以下，結賬可以用現金，Booking訂位可以電話致電 34880072 查詢。

您對於屯門餐廳「常嚐素」有何 comment？

常嚐素餐廳詳細資料：

• 常嚐素地址:
  屯門井財街青棉徑5號金寶大廈地下7D號舖
  Pizza Veg, Shop7 D, G/ F, Kim Po Building,5 Tsing Min Path, Tseng Choi Street, Tuen Mun
• 常嚐素電話: 34880072
• 常嚐素價錢: $50以下
• 分類: 意大利菜, 素食, 薄餅
• 座位: 未知
• 付款: 現金
• FB專頁: 常嚐素 Facebook

更多常嚐素相關資料:

• 常嚐素分店
• Youtube
• Facebook
• Twitter
• Google