喇沙皇 屯門

喇沙皇 評價 相片

首先我想講下喱間小店經營嘅老細對食物嘅質素有要求我去親叫嗰陣係即刻叫即刻做不會係其他地方準備好晒佢份人又親切個喇沙面嗰湯出面係好難搵選擇又多真係日日去食都唔會厭溫馨小提示如果叫外賣嘅話可以打定電話去叫佢整之後落去囉咁就唔使等 老闆娘真係超Nice真係每一次食都唔會覺得有啲咩唔好食同出面嗰啲舖頭比真係唔使比The foods are great and it is very delicious and you must try once if you go Leung King market

好好味既雞扒喇沙米線，住咁耐良景都係第一次幫襯。

冇味精，飲曬成碗湯都吾覺得漏。

即叫即做，外賣反到屋企食仲係熱辣辣，😍，讚。

值得一試。

下次會再去食👍👍👍👍👍👍

良景市集俾我感覺都係一般領匯街市 以為無咩特別野食 點知今日經過呢間喇沙皇見到一碗喇沙都唔洗$60，比出面平咁多，就一於堂食試下佢先全店係得老闆娘一個包辦落單、煮餸，我叫咗招牌雞扒喇沙摻摻（$40），可能肺炎無咩人堂食關係，坐低大約10分鐘就有得食喇😍老闆娘捧碗麵果時同我講碗湯可以飲晒，無落味精。

而湯底椰奶味幾香，唔算好辛辣，飲落都幾順口，我飲咗好大都完全唔覺口渴，應該真係無落味精，夠老實！而雞扒份量十足，差唔多鋪晒個面咁滯；而且皮脆肉嫩，好耐無食過咁正又咁大塊嘅雞扒😍而麵底我揀咗傳統嘅摻摻，即係米粉mix油麵，麵質同份量都正常，唔算好掛湯！另外，喇沙配有好索湯嘅豆卜，係好出色嘅配菜🥰總結嚟講，雖然街外人迫住要係街市堂食，環境唔係咁好，但用咁抵嘅價錢可以食到咁高質嘅喇沙湯底同雞扒，我覺得都值得！

相信大家對良景街市的美食都不陌生，喇沙皇係一間較後期新加入的店鋪（印象不是由良景車仔檔開始的。

尼一間店鋪的簡直顛覆我對喇沙湯底嘅印象。

今次我叫咗一個喇沙雞扒滲滲。

滲滲係最經典嘅配搭，即是油麵加米粉，唔多香港嘅鋪頭會有呢個經典麵底，值得一讚。

另外，雞扒是即叫即煎，雞皮煎到香脆，雞肉多汁不乾。

最令人驚喜的是，湯底有陣陣的椰香味，又不乏令人又愛又恨的香辣。

湯底野味之餘，又不會太重口味，而且飲完個湯唔覺得咸，完全冇味精，正正正！！

良景市集比人嘅感覺係一種小食多過正餐的地方，有好多人或者雜誌都有去做過試食，所以如果去良景市集食小食介紹就上網搵都大把。

但今次再想介紹依間餐廳係又有賣正餐，又有小食嘅——喇沙皇。

話明叫喇沙皇，佢地嘅喇沙係好好味，聽老闆娘講，佢地叫喇沙湯底係落足料去煮岀黎，絕對可以成碗麵連湯食晒。

仲有不同的麵類可以選擇，一般嘅米粉、油麵都有，但我就會介費你地叫「慘慘」，即係米粉同油麵各一半，正宗嘅喇沙都係咁食法。

除咗喇沙麵之外，佢地都有提供飯類同其他小食，價錢都好低。

我地叫咗雞扒喇沙慘慘同雞扒咖啡汁飯，雞扒煎到外脆內嫩，極力推介。

喇沙皇餐單提供馬來西亞菜等推介美食位於屯門區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 52744850 查詢。

您對於屯門餐廳「喇沙皇」有何 comment？

喇沙皇餐廳詳細資料：

• 喇沙皇地址:
  屯門田景路31號良景廣場地下良景市集119號鋪
  喇沙皇, Shop119, Leung King Market, G/ F, Leung King Plaza,31 Tin King Road, Tuen Mun
• 喇沙皇電話: 52744850
• 喇沙皇價錢: $50以下
• 分類: 馬來西亞菜
• 座位: 未知
• 付款: AlipayHK,支付寶,現金
• FB專頁: 喇沙皇 Facebook

更多喇沙皇相關資料:

• 喇沙皇分店
• Youtube
• Facebook
• Twitter
• Google