保記車仔麵 屯門

保記車仔麵 評價 相片

開車經過附近想隨便食下肉同菜 前個街口有間大家x 有一人一煱 $68 諗住轉個圈過去食 就見到呢間雞煲超抵食！星期日食$138免加一 任食2小時 任食都係個d喇唔多講 野食不過不失但最驚喜係個凍奶茶 茶香奶濃 港式奶茶風味 再叫多杯鴛鴦 仲正！員工都好好 話如果要加辣 濃味淡味有要求隨時同佢地講 呢個時勢 本地良心小店一定要多多支持❤️

我從翠寧行過嚟置樂。

一直知道有呢間小店，但一直未食過。

本身諗住食車仔麵，又見到佢有素食車仔麵， 三心兩意情況下，見到台式肉燥飯餐。

於是點咗雞扒肉燥飯。

熱奶茶。

雞扒肉燥飯：塊雞扒有醃過嘅有少少喊味，然後香煎過。

肉燥下面有兩件白烚冬瓜， 無咩味既。

肉燥正常味道既。

一啖飯 一啖肉燥同冬瓜都ok。

飯就對女仔嚟講多咗啲。

很抱歉，我已很努力。

最後我食淨四分一。

成個飯，我有種中學生出黎食午飯既感覺。

熱奶茶：奶，茶，恰到好處。

茶味唔會好濃，有茶味。

奶味唔會好多，都滑口嘅。

利申：少飲奶茶

又是簡簡單單屯門置樂的小時間了。

這一次，真真正正的在置樂花園內尋找到心怡的食店。

當日一泊好車，八卦地看看停車位旁的一家細小食店。

咦...........我發現到好東西啊，連忙叫老婆來看看。

有什麼特別? 特別到令我大叫茹素的內子來看看的原因就是，這一間小食店有素食，而且是素食的車仔麵。

太太看了兩眼，就立即叫的鎖車，二人帶埋BB女，在《保記車仔麵餐廳》食車仔麵。

太太食的，是全素料加素湯底的車仔麵。

用上的，是素扒，素丸等等的素肉東西。

食慣素的人，就不會叫太多的素肉，所以另選了炸菜同海帶。

簡單的一碗港式車仔麵，仲要係素食版，縱使是普通，但是接受到的。

我點的是正宗，有肉食的車仔麵。

配料選了豬腸，五香肉丁，豬紅同魚皮餃。

湯底就選擇了腩汁湯底。

豬腸的味道夠濃，肉丁夠大粒。

豬紅同魚皮餃尚可，配合埋油麵，不算差。

看見小餐廳原來有金茶王獎牌，心想，他們的奶茶一定不錯，結果，杯奶茶沒有令人失望。

我因為要渣車，所以點了一杯咖啡。

港式的啡味，港式的奶味，夠晒濃香。

以一般茶餐廳的味道來說，這是不錯的一杯咖啡。

感覺，一般以上啦。

開心的，純粹是因為這是出現了大家久違了的素食車仔麵而已。

每次星期六日打電話叫外賣，明明餐牌寫住最低消費幾錢送。

打電話就次次話冇人手唔送。

雖然食物質素不錯，但係請返黎既人手同堆呀姐都唔得。

次次見老闆下晝唔係度就唔送外賣

考試時節，放學後打算到附近吃點東西就帶兒子去操卷班啦！去到置樂，原來pizza hit 已經執咗，經過見到保記⋯（好耐之前只試過晚上食佢個雞煲放題，當時覺得味道不錯，任飲的菊花茶更是涼透心，好好飲，好適合火鍋時飲，只是火鍋配料就感覺只有平日車仔麵的餸一樣，所以豬腸好入味，亦根本已煮熟）下午還是第一次食佢，一入去已經發覺冷氣唔夠，好彩地下有把大風扇，只要不是經常有人出入打開門的話，都還可以啦！今日阿仔話想食豬頸肉肉燥肉，一上枱，賣相唔錯，又夠大碟。

阿仔話好好食，竟然一啖都無留俾我我就叫咗個車仔麵食，一放低，只見佢個腩汁杰噠噠咁，心中扣分⋯但豬腸仍然好入味，而豬紅唔係死死實實的，但未算軟滑。

飲品我叫咗豆漿同荔枝乳酸，天氣咁熱，飲品要夠凍好重要，呢度好味又夠凍，一讚！而且午餐有九折，幾抵食！

保記車仔麵餐單提供港式, 車仔麵, 雞煲等推介美食位於屯門區，餐廳座位數未知人均消費約$50以下，結賬可以用現金，Booking訂位可以電話致電 24049938 查詢。

您對於屯門餐廳「保記車仔麵」有何 comment？

保記車仔麵餐廳詳細資料：

• 保記車仔麵地址:
  屯門置樂花園11-12號地下
  保記車仔麵, G/ F,11-12 Chi Lok Fa Yuen, Tuen Mun
• 保記車仔麵電話: 24049938
• 保記車仔麵價錢: $50以下
• 分類: 港式, 車仔麵, 雞煲
• 座位: 未知
• 付款: 現金
• FB專頁: 保記車仔麵 Facebook

更多保記車仔麵相關資料:

• 保記車仔麵分店
• Youtube
• Facebook
• Twitter
• Google