Yoppi 屯門

Yoppi 評價 相片

之前同個fd行街行行下想食yogurt就黎左呢到食我知佢中意hello kitty先介紹佢去食呢間試左原味yogurt加左勁少配料到磅重先知成杯要27蚊 所以都忍唔住當面講左句好鬼貴 雖然唔願意但都要俾錢走第1啖試勁酸 酸到唔想食晒成杯想掉左佢但杯野值27蚊就死都食埋佢啦唯有但唔會再有下次 題外話 d生果上面好多蚊滋仔飛黎飛去奉勸大家少食為妙

見有綠茶味乳酪, 當然要試一試..因我最愛是綠茶可是YOPPI做的乳酪. 一入口便充滿碎冰, 綠茶味並沒有原味那種滑的感覺!$4.5 1OZ, 細細杯的都已經要廿幾元.. 質量跟價錢不乎啊.

在白熊咖哩最後沒吃到奶凍作甜品，因為我們都想轉戰到這裡吃乳酪。

屯門吉之島翻新下引進Yoppi，找找記錄原來全港都有不少間分店。

是日八點幾鐘就來到了，人流未算多，但堂食坐位只得幾個，而且迫夾得很，最後攝在牆角處。

坐下後感到很熱，原來...冷氣因隔離工程中而需要關掉部份，熱辣辣的室溫吃乳酪我不打緊，只怕乳酪大人頂不到而已。

此店子位置前身是百佳咖啡的一部份，將來POKKA開返，未知是會帶起Yoppi多左生意還是會有所打擊﹖始終POKKA也有甜品供應嘛。

由於室溫不低的情況下，免得吱出來的乳酪要等加配料，加上本人的選擇困難症一定會發作，所以先巡巡有什麼心水配料才去選乳酪。

乾物區有多款早餐穀物﹑朱古力﹑糖碎呀什麼的，雖然那幾條機關好似幾好玩，不過我對此區食物完全零興趣。

隔離就是濕物區有奇異果﹑芒果﹑士多啤梨﹑及罐頭荔枝﹑菠蘿﹑桃等，也有一堆椰果﹑蘆薈及爆爆珠，可惜水果了無生氣，奇異果和芒果更是一劈劈爛蓉蓉的樣子，而椰果汁蘆薈汁發到周邊都係，所以這區域的匙羹全都黏痴痴的...收銀旁邊放有朱古力布朗尼﹑消化餅碎和幾款果漿/糖漿。

至於乳酪味道有六款，我選吃原味﹑荔枝味和朱古力味，味道是多酸少甜，見議吃不到酸的朋友不好選荔枝味，因為的確酸到飛起，另外朱古力味有點怪，不是變壞，而是我覺得朱古力還是做雪糕好吃得多啊。

乳酪溶得非常之快，一來室溫問題，二來乳酪本身較稀身，毫不結實，看到杯底留下不少乳酪水...我邊食邊想晚上會否肚子痛呢﹖...(幸好最後無事)收費是每安士$4.50，新張期間食滿$20以上有八折。

不過我這小小的一杯，折後都要$27，覺得有點貴。

年青的老闆很健談很好客，只不過幾位妹妹職員漫不經心，時常匿在廚房內(正確來說是無人睇場，如果唔係個配料區唔會攪到咁都無人執)，有事要做往往是老闆叫她們出來處理。

乳酪熱潮還在半紅不黑的階段，正如在屯門市廣場，自從Crumbs和Hey Yo!!開業後，Yogurt Town及Yoshi Yogurt就失驚無神就結束了。

如Yoppi不作改良的話，恐怕新店熱潮過後，這種出品會較難取悅到食客。

Yoppi餐單提供美國菜, 雪糕, 乳酪等推介美食位於屯門區，餐廳座位數未知人均消費約$50以下，結賬可以用現金。

您對於屯門餐廳「Yoppi」有何 comment？

Yoppi餐廳詳細資料：

• Yoppi地址:
  屯門屯隆街3號屯門市廣場1期AEON超級巿場
  Yoppi, Aeon, Tuen Mun Town Plaza Phase1,3 Tuen Lung Street, Tuen Mun
• Yoppi電話:  
• Yoppi價錢: $50以下
• 分類: 美國菜, 雪糕, 乳酪
• 座位: 未知
• 付款: 現金
• FB專頁: Yoppi Facebook

更多Yoppi相關資料:

• Yoppi分店
• Youtube
• Facebook
• Twitter
• Google