Food Combo 屯門

Food Combo 評價 相片

兩個午餐，再 叫咗兩個外賣。

午餐葡國雞飯 葡汁好味 如果啲雞可以係有骨就更好， 佢係用雞髀肉 一個餐都有1.5塊雞髀肉， 雞肉量好足夠， 可惜 薯仔少啲只得兩件。

另外叫咗個蕃茄豬扒飯， 本來好好味食到最尾原來塊豬扒係唔熟的， 原先諗住溫馨提示下，等佢哋注意，最後竟然成個餐免費。

初頭仲以為佢 免費 換個塊豬扒畀我， 傻下傻下 係咁等， 最後原來 免費嘅呢個餐唔係塊豬扒。

自己都唔好意思，唯有比多小小貼士就走。

外賣係咩味道就唔知喇返屋企先享受。

現在外賣仲有八折

今次入咗屯門睇下有乜好食，見到好多人都介紹依呢間Food Combo😌 佢開左係新落成嘅大廈到，睇落好新，環境亦唔錯☺️叫做food combo佢嘅menu係一款款定食，包咗薯仔或紅菜頭沙律，湯同水果😝 前菜/配菜嘅質素的確唔差，沙律同雞翼更加令人眼前一亮，幾高質🤩 旁邊亦有水吧，有3款嘢飲斟，有茶呀杞子水個啲，唔錯架好過就咁飲水😋去到正餐部分，我地點左最多人講嘅西班牙海鮮飯同好耐冇食嘅香煎鱸魚🤪 鱸魚係配類似用豆煮成嘅咖哩汁同薯蓉，肉質幾滑，唔係好腥，唔會食到雪味👌🏽 薯蓉就正常，滑身棉滑，但就唔夠牛油香🤣西班牙海鮮飯就較為強差人意，似係KFC雞皇飯質素，好失望呀😭 急凍海鮮嘅質素算唔錯，但成個飯就唔值得呢個價錢😟 如果係$100內，我會食得開心啲😂 唔係難食，只係未去到$200嘅質素，性價比較低🙈總括而言，主食質素一般，其他野食係唔錯，份量足夠食到飽飽😬 可能我地手氣差揀錯餐，可能其他肉類會好啲🤔▫西班牙海鮮飯配焦糖青檸雞翼 $176▪香煎鱸魚配特式炸雞粒 $168

今日經過呢間舖門口，見到餐牌食物都幾吸引，見好耐冇食西餐於是走入去試下。

入到店內環境好企理，衛生做得不錯，由於今天公眾假期只有套餐，我叫咗個西班牙海鮮飯餐一上菜就俾佢吸引住，相機食先睇落去好普通，但咪道好正！一點都不覺得咸，南瓜蕃茄湯仲有D南爪蓉，味道清新不太甜，個沙律係薯仔做底上面有羅馬生菜同羽衣甘藍，加咗少許胡麻醬食落下不會太寡輪到主菜個飯，飯粒不硬又不會太軟口感適中，廚師功架一流味道不錯海鮮類有帶子，蝦，青口仲有墨魚，要讚下D帶子，廚師好細心將帶子兩面都煎香，口感又提升不少同時間帶出海鮮嘅鮮味仲有個雞翼小食，外脆內軟，而且雞翼下面有腌好咗嘅蘿蔔，食完雞翼覺得有油膩感可以食D腌蘿蔔中和番！最後嘅飯後果都好新鮮另外仲有兩款冷飲同一款熱飲任君選擇，我就選擇兩款冷飲一款係水果水，另一款檸檬，由其🍋🍋直得推介，裡面有少少蜂蜜飲落去喉嚨好舒服總指：服務態度好好，食物質素不錯，我會再去的！

自從搬返屯門區 foodcombo就成為我心目中食嘢嘅頭幾位 無論係拼盤定焗飯都好出色（焗飯可以咸多些少）作為lunch係一個性價比高嘅選擇 可惜近日再次去嘅時候 俾位女店員西面 我地係嗌小食拼盤 佢覆單要雞翼薯條我地本身都無為意 因為拼盤的確有雞翼同薯條上菜嘅時候先知原來唔一樣 跟手就向你地位女店員確認一下 你地嘅員工竟然串我地係覆單嘅時候話岩 所以先落 。

我想講客人唔係你地嘅員工 唔知你兩樣野有分別 你話雞翼薯條 咁個拼盤都有 我地先話岩 唉 點都好啦 你地d野咁好食 就算你服務西都會照幫襯嘅sor for 無圖

Food Combo 都開左一段時間了, 每次經過都有諗下好唔好去試下. 今次下定決心去幫襯下啦! 所以就去試下個午餐先. 先講個門面就好清新下, 乾乾淨淨, 舖面就唔係大, 不過地方四四正正. 都尚算可以! 不過餐廳本身就細, 座個位亦都窄, 所以食完你唔想走都唔得. 大家當快餐店咁食就得! 如果想坐下傾下偈, 呢間舖就未必係個好選擇了.我今次同個同事一齊去試左二個午餐,  芝士白汁海鮮焗飯 / 芝士茄汁牛肉焗飯. 老實講, 二個既味道都好一般. 先講白個海鮮焗飯, 佢係用珍珠米, 本來都好地地, 但係佢個焗飯的米又濕, 即係唔夠乾身, 食落去好似糊仔咁! 失敗....  咁煮咪就係浪費左個米囉! 然後個海鮮, 好似平時去超巿買一包雜錦海鮮果啲料咁, 唔都方係好野! 個白汁自己煮又調得唔好味, 再去焗放啲芝士响面! 成件事真係好錯... 個份量亦都唔大. $68 一個飯, 連杯餐飲都唔跟, 叫你自己响出面攞已經預備好既飲料. 即係連服務都慳番, 水吧都唔使安排. 如果佢個飯會炒下底, 個米唔好咁濕, 啲用料比番好少少, 就算細碟啲我都可以接受. 但係食水咁深, 同埋唔知係咪個廚本身都唔係好掂. 所以.... 都係算吧啦!個蕃茄牛肉焗飯就, 個汁都係用蕃茄煮出來, 整體都係果句, 牛肉又唔係咩靚部位, 收你$68 我真心覺得貴, 同唔值. 呢個價我不如去返 VCity 啲餐廳食, 可能都仲有水準. 無下次..... 

Food Combo餐單提供多國菜等推介美食位於屯門區，餐廳座位數26人均消費約$101-200，結賬可以用Visa,Master,AlipayHK,現金，Booking訂位可以電話致電 25111255 查詢。

您對於屯門餐廳「Food Combo」有何 comment？

Food Combo餐廳詳細資料：

• Food Combo地址:
  屯門鄉事會路88號TheParkville地下6號鋪
  Food Combo, Shop6, G/ F, The Parkville,88 Tuen Mun Heung Sze Wui Road, Tuen Mun
• Food Combo電話: 25111255
• Food Combo價錢: $101-200
• 分類: 多國菜
• 座位: 26
• 付款: Visa,Master,AlipayHK,現金
• FB專頁: Food Combo Facebook

更多Food Combo相關資料:

• Food Combo分店
• Youtube
• Facebook
• Twitter
• Google