鮨真 尖沙咀
地址: 尖沙咀亞士厘道17-19號20樓
最後更新:
鮨真推介
重視食材新鮮度及烹調手法的日本料理，精心調製不同醬汁以搭配不同魚種，並提供多款日本酒。
尖沙咀鮨真
| 餐廳分店 | 鮨真 |
|---|---|
| 地區 | 尖沙咀 |
| 電話訂位 | 23147088 |
| 餐單 Menu | 日本菜, 壽司, 刺身 |
| 人氣指數 | 1732 |
| 價錢幾錢 | $801以上 |
鮨真訂位位於尖沙咀區，詳細地址是尖沙咀亞士厘道17-19號20樓，餐廳寬敞座位數目共有25個。鮨真幾錢？價錢優惠後人均消費大約$801以上埋單，早餐午餐晚餐鮨真餐單包括有日本菜, 壽司, 刺身等美食，付款方式有Visa,Master,現金,AE,銀聯,微信支付付款，Booking網上訂位可以電話致電 23147088 查詢訂座。
鮨真優惠
鮨真 評價 相片
臨近月尾，係應該要食一餐好嘅，慰藉下忙碌的自己。
我食過嘅OMAKASE唔多，今次亦係一個非常滿意嘅用餐經驗。
主要係因為食材新鮮高質，師傅同店員嘅親切招待，而且CP值可以話好高，推薦一試。
餐廳裝修係簡約日式風格，內裏好明亮，如果係夜晚嚟，可以盡覽尖沙咀夜景，而一邊係有海景，應該氣氛仲好添。
先上前菜左邊係茶碗蒸，好鮮甜，因為碗底係有好大件蟹肉🤤右邊係沖繩水雲，我係第一次見。
店員細心介紹，質地類似髮菜，係一種藻類，仲係好有營養。
食落好有驚喜，爽口又酸咪咪咁，非常開胃。
上刺身！只睇造型已經食指大動😍🐟中間嘅係 鱸魚，淋上酸汁啫喱，係好特別嘅食法右邊嘅赤貝，非常新鮮同清甜！😝最左邊嘅——太刀魚，輕微燒下表面，有少少焦香味，配上柚子胡椒，3種味道都好突出，又好夾，好特別嘅味道😛大拖羅！要留到最後食！入口即溶，滿口油香，正！🤤配兩粒旁邊嘅紫蘇花一齊食，會更清爽。
我最愛嘅牡丹蝦，上面點綴嘅係蝦膏，成舊放入口一嚼，真係滿滿嘅幸福感☺️右口魚壽司，飯底輕微燒焦，魚嘅甘香同飯嘅焦香混合，味道好濃三文魚子軍艦，係一啲都唔腥，味道鮮甜海膽軍艦——呢個唔使講，是日最佳！口感奶滑濃郁，鮮甜甘香🤤甜品嘅造型非常精緻、可愛呢個甜品師傅命名為——琥珀係用cream做嘅甜品，而表面配上紅豆蓉，再點綴金箔。
口感Q彈，又有矜貴感覺。
為呢餐飯畫上完美句號。
☺️
基於半年前十分美好嘅體驗，所以當想食高質素omakase 嘅時候，就已經即時諗起以食材新鮮、質素一流見稱既「鮨真」。
我地今次點左二人餐，食材比上次更豐富。
今次前菜係非常之有心思既三款口味配搭。
先係清新既車厘茄啫喱，再吃白瓜煙三文魚，最後才品嚐口感爽滑既醋浸赤海參。
咁樣嘅配搭都係第一次，冇諗過海參都可以用刺身嘅方式食，醬汁配搭得宜，非常開胃。
連前菜都如此創新同花心思，不愧是鮨真。
今次新鮮刺身部份比上次更豐富，共有八款：🐟 鮪口魚刺身加裙邊，配上酸汁啫喱及岩鹽，非常清新鮮甜，口感一流。
🐟 火炙銀鱈魚刺身配烏魚子粉，被燒香的銀鱈魚配上帶鮮味的調味，別具一番風味。
🐟 赤座蝦，肉質爽滑有嚼勁，味道清甜，即使不加任何調味，已是一絕。
🦪兵庫縣生蠔，口感滑溜豐㳛，配上酸洋蔥及帶點辛味的汁料，非常有層次，絕對有驚喜。
🐟海膽一直是我的最愛之一，原隻上碟，超級滿足。
🐟赤鯥魚，這款刺身加入特別醬汁及配以芽蔥，有驚喜啊！醬汁惹味卻又不會蓋過魚的鮮味，吃過十分難忘！🐟靚級別的中拖羅，入口溶化，完全唔會有筋。
🐟清酒蒸黑鮑魚，鮮甜有咬口卻不會過韌，單單點山葵醬油，已經好好味。
🐠然後便是是日重頭戲：被稱之為魚中紅寶石的喜知次。
今次最期待的便是這條原條上的喜知次（Kinki)因為食咁多次omakase都係第一次試這款矜貴既魚。
外皮經過鹽炸，鬆脆香口，肉質卻保持滑溜非常，加上因為深海魚，油脂會比一般魚重，味道非常香，齒頰留香。
聞說這款魚價格高昂，如果以除開每位盛惠二千多的omakase 來說，除了可以享受到質素如此高的體驗之餘，還可以吃到原條上的kinki，絕對超值。
之後便到壽司部分，是次共有六款：🍣針魚配上紫蘇花，作為第一道壽司十分合適，皆因要由淡味慢慢吃到濃味。
這道壽司味道清新，完全吃到魚的鮮味。
🍣金目鯛配上吞拿魚蓉及三文魚子，味道豐富，三文魚子釋出的淡淡魚油香，更是精妙。
🍣富山灣白蝦，調味謹以竹炭鹽配搭，鮮甜清雅，口感細膩。
🍣吞拿魚面頰，是其中一款矜貴的吞拿魚食材，肉質充滿彈性。
🍣薑汁燒北寄貝，本來擔心會有少許韌，但這件肉質嫩滑爽口，卻一點也不韌，有驚喜。
🍣大拖羅，一如既往般肥美，用火炙形式逼出油脂，味道濃郁，口感豐腴，口入即溶，正！吃到這裏，也到了當天的尾聲了。
當天吸物是鮮甜魚湯，以時令魚去熬煮，有濃香魚味卻一點也不腥。
🍈再來便是甜品部分，橙肉的富良野哈密瓜，肉質軟滑，甜蜜多汁，是我最愛的飯後甜品！🍨雪糕則有兩個味道，分別是開心果和士多啤梨味。
兩款都清新軟滑，為是日盛宴畫上完美句號。
由於這次早早book位，坐到bar枱，可以邊吃邊欣賞師傅手藝。
健談的師傅還會邊講解最佳食法，與客人不斷有互動。
另外，環境方面亦十分優美，座落尖沙咀商業大廈二十樓，可以遠眺維港景色享用眼前美食，絕對能令整個美食體驗更上升一個層次。
服務方面一如既往般好，服務員對食材十分了解，每次上菜時也會講解一番，我最欣賞的是甚至不用說出口，服務員每次上菜前後都會主動為客人添茶，態度十分殷勤。
總括來說，我和友人都十分滿意是次體驗，覺得每次來到鰭真都充滿驚喜和滿足，一定不會令人失望。
期待下次再有新的體驗！
本身係朋友介紹先知道原來尖沙嘴有間Omakase係咁正！！！同男朋友一齊慶祝三週年 所以就黎左食啲正野估唔到一入到去已經有驚喜，光線充足，又可以望海😍環境好好👍🏻雖然地方唔係太大 但食Omakase都唔需要太大 同隔離檯有足夠嘅距離 唔會逼，跟住講下野食蒸蛋無得頂！滑雪雪，入面又有好多蟹肉，蛋入面一個凹凸洞都無💯右口魚手卷🥰第一次食，同左口魚一樣都係入口即溶，油脂感飽滿，食完好滿足全部食材都好鮮甜！！又新鮮！！我之前好驚食海膽，次次食都唔滿足😢😢一係腥臭，一係就無味😵💫哩間海膽做得好好，食落口好滑好新鮮，完全無腥臭味，完全對海膽改觀！甜品係紅豆牛奶布丁，一如既往都係唔會令人失望，擺盤精美，味道又非常重奶味💯成餐飯總結：400蚊有找可以食到咁多野又高質，仲想點😍😍😍最重要師傅好Nice，一路食一路傾計，之前係日本食Omakase啲師傅都係偏嚴肅，依家無得去旅行，留係香港食日本野都係另一種體驗😍😍無原因唔黎！！男朋友都食得好滿足！
🐟鮨真 Sushi Ma Japanese Restaurant⭐前菜 。
車海老、煙鴨胸、溫室蕃茄車海老底部有白瓜，加上蛋黃醋醬，爽脆惹味。
煙鴨胸配上青瓜芥末籽，清新鮮甜。
溫室蕃茄帶有淡淡鹽味🐟季節刺身10款 北海道八爪魚。
師傅分別安排吸盤跟肉身口感爽彈🐟深海池魚薄切。
金泊、紫蘇花裝飾，配酸汁、辣蘿蔔蓉、博多萬能蔥🍣沙甸魚卷。
用上千本漬、芽蔥、芝麻、wasabi混合用紫菜包住，口感層次豐富🐟鰹魚。
厚切肉身依然晶瑩剔透，塗上醬油漬蒜頭、芽蔥，肉質紮實魚脂味十足🔥火炙金目鯛。
師傅利用霜燙技術，魚肉就做到最有彈性的效果🦪響螺。
口感彈牙，岩鹽、青檸汁，帶出大海裡面最原始的鮮味🦪宮城縣赤貝。
吃過以來最爽滑潤甜🦪赤貝裙邊卷物。
用赤貝裙邊都來做卷物，口感煙韌層次感豐富🦪海膽。
白海膽跟馬糞齊排海膽，前者比較creamy，後者較甜較濃味，反正都一樣愛😂🐟大拖羅。
脂肪分佈平均，油脂甘香入口即化🍣壽司真鯛上面擺放海膽，鮮甜肥美；來自函館的墨魚頭配上薑蓉，口感細膩；池魚則配薑蔥，帶點惹味感；間八配搭柚子胡椒，肉質香甜爽彈；石垣貝被師傅用刀一下拍還會反彈，配上青檸汁超級鮮甜；大霜海膽入口即溶，香甜無比。
🐟鯛魚湯。
大廚每天以大量新鮮魚骨熬製超過12小時，味道濃厚，還有本菇跟鯛魚片🍈富良野蜜瓜。
入口很甜還濃烈冰凍感💲おまかせ鮨 $1800/位🏡尖沙咀亞士厘道1719號20樓#hkiger #hongkong #hkgirl #hkinfluencer #hkkol #kolhk#foodie #foodiehk #hkfoodie #foodies #japanesefood#香港女生 #香港美食 #美食日記 #美食推薦 #美食地圖 #尖沙咀美食 #美食攝影 #美食分享 #美食推薦 #美食部落客 #日式 #刺身 #日本菜 #omakase #廚師發辦 #無菜單調理 #日式無菜單調理 #鮨真 #poyeefoodie
今日朋友請食生日飯，一行四個人去咗食 omakase. 竟然咁好待遇，真係好朋友！好好彩可以坐喺見到師傅嘅地方，師傅仲可以好細心咁介紹每一道菜嘅特色首先上台嘅前菜，非常特別，我都係第一次食，師傅話呢杯係沖繩水雲。
海草浸左係啲特別嘅汁度，酸酸地，幾開胃另外仲有呢個魚仔蒸水蛋，除咗蒸水蛋非常滑之外，上面有一層魚仔汁，晶瑩剔透，好似喺度游緊水咁，蒸水蛋最底仲有一層厚厚嘅蟹肉，鮮味十足，口感有層次之後嘅壽司，師傅好認真咁，係我哋面前逐粒逐粒做，而且師傅都好樂意介紹每種魚嘅特色，好似呢條右口魚，佢來自北海道，同平時食開嘅左口魚唔同，魚油份較多，會特別滑仲有特色嘅係呢個沙甸魚卷，除咗好脆口嘅紫菜之外，入面包住芝麻、芽蔥。
點少少豉油，夏天好啱。
師傅話呢一種係較舊嘅做法，處理沙甸魚，近幾年多番人咁做，比起就咁放上飯度，沙甸魚卷口感豐富，清新嫩滑，會比較濃味。
新鮮凡立貝，肉質有一絲絲，師傅話原來經過冰鮮嘅帆立貝，神經會壞死，肉質就冇辦法做到一絲絲，可以好容易分辨到，新鮮嘅比起冰鮮，始終會比較鮮甜，冇腥澀味師傅用日本魷魚，一粒粒切，加埋新鮮海膽，兩樣嘢混埋一齊，海膽好似慕絲咁，溶係魷魚粒入面，會比較滑，加埋魷魚新鮮，兩者口感平衡，唔會有食擦膠嘅感覺另外呢條間八魚都幾特別，加埋壽司上面放咗一粒wasabi 漬物，係wasabi的植物莖部。
有wasabi香。
但唔辣。
反而鹹鹹哋，幾得意呢個赤貝見到師傅嘅心思，加少少檸汁吊味，貝類少魚油，要專登要落少啲wasabi以防搶味，另外師傅刀工有心思，粒壽司好似雀仔咁飛緊，唔知係咪我幻想多咗呢？另外呢粒拖羅，睇住師傅係三塊魚肉入面切出嚟，原來師傅想用三塊不同部位，取得肉質同味道嘅平衡，肥美多油呢個平時必食嘅三文魚波波，一定要夠新鮮，先可以完全冇魚腥味，而且波波入面嘅魚油非常甜，甘香仲有燒拖羅，上面嘅葱花唔單止有平時見開嘅京蔥同埋薑，仲有幾粒細細地嘅紫蘇花，味道比紫蘇葉較清淡，又帶出少少清香。
成餐最後仲有少少嘅甜品，非常珍貴嘅琥珀，香濃嘅牛奶果凍加紅豆，唔使大大份，卻因為非常精緻，剛好作為一個圓滿嘅結束。
食一餐好嘅日本嘢，廚師嘅心思真係好重要，喺呢一餐就充分體現得到啦！希望來年生日仲有機會再返嚟食啦！
鮨真餐單提供日本菜, 壽司, 刺身等推介美食位於尖沙咀區，餐廳座位數25人均消費約$801以上，結賬可以用Visa,Master,現金,AE,銀聯,微信支付，Booking訂位可以電話致電 23147088 查詢。
您對於尖沙咀餐廳「鮨真」有何 comment？
鮨真餐廳詳細資料：
- 鮨真地址: 尖沙咀亞士厘道17-19號20樓 Sushi Ma Japanese Restaurant, 20/ F.,17-19 Ashley Road, Tsim Sha Tsui
- 鮨真電話: 23147088
- 鮨真價錢: $801以上
- 分類: 日本菜, 壽司, 刺身
- 座位: 25
- 付款: Visa,Master,現金,AE,銀聯,微信支付
- FB專頁: 鮨真 Facebook
更多鮨真相關資料:
香港餐廳2026推介8月