豬朋雞友 尖沙咀

豬朋雞友 評價 相片

This restaurant always ignored my request. Yesterday’s lunch was a mess! I’ve requested to collect lunch at 1:15pm but my lunch was cooked when I placed my order (about 11:40am)! Requested for no scallion oil but was ignored as well! This is not the first time! I’m fedup with this restaurant!

本身order 左10 人份量， 到最後比左15 人嘅份量比我地！ 多到食唔晒！😂😂😂我地total order 過兩次唔同嘅event, 大家都覺得好好食， 又抵， 又多野食！

外送既時候到了，仲熱辣辣 . 份量大 ，又多款唔同種類食品選擇， 個人推介鵝肝多士，魚餅 .好好味. 泰式豬手， 卡邦尼意粉. 沙律用上健康現時最受歡迎既蔬菜羽衣甘藍，今次用餐好愉快. 一班人聚會首選 ，推介推介 .

中午同同事行遠少少搵吓有乜好食，我哋行到去佐敦三角公廁嗰邊，見到有間外賣店「豬朋雞友🐷🐔」好多人幫襯，於是又八卦埋一份。

其實同一條街有好多外賣舖，但點解係得佢特別多人幫襯呢？我相信係因為佢賣嘅嘢比較特別☺️。

佢嘅食物款式涵蓋中式餸菜以及西餐，即係例如有椰菜花飯同意粉等。

我哋對佢嘅天使魔鬼套餐最感興趣😇😈，因為可以自由組合Mix and Match，價錢為$58。

佢另外仲有賣幾款特價餐，$3X有交易。

1️⃣慢煮百里香豬扒+星洲香辣咖喱+椰菜花飯，巧合地將豬扒同咖喱放埋一齊真係好夾，值得一提嘅係佢啲咖喱好惹味🥘，星洲風味辣度唔係話好勁，但都幾明顯！豬扒厚薄適中，肉質唔嚡。

我最估唔到小店有提供椰菜花飯🥦，係生酮人士嘅福音。

椰菜花粒爽脆，兼且掛汁，但由於易出水，建議盡早食用。

另外，仲有啲雜菜添。

2️⃣寸厚露絲瑪莉牛油檸檬雞扒+黑菌蘑菇醬+英式薯蓉，雞扒堅係有成吋厚😱，講真齋食佢都飽。

醬汁揀咗蘑菇汁，無論味道定造型都真材實料，味道濃郁🍄，但亦可能正正因為咁，就蓋過咗雞扒本身嘅牛油檸檬味。

呢盒配咗自家手打薯仔撞薯蓉🥔，薯仔控嘅我表示滿意，薯蓉口感綿密香滑，當中並混入薯粒以添質感。

雞友湯(+$2)，餐湯加兩蚊就有喇，絕對係誠意之作。

蕃茄雜菜湯用足料煲🍅，熱辣辣好暖胃，而且味道偏酸，刺激味蕾。

總括嚟講，呢間外賣店嘅出品富有特色🥡🍱，唔係一般意粉炒麵或兩餸飯，而味道亦相當唔錯。

不過外賣造型就有待改善，因為而家用圓碗裝，所有食材同醬汁冚嘭唥堆埋一齊，有欠美感。

相反上網見之前用四方便當盒一格格分開裝就好好多，但可能成本唔同？味道就無影響嘅😉。

強烈推薦羊腩飯好難想像外賣小店的羊腩飯可以咁高水準，肉又多，口感軟稔，真心抵食又好味。

減肥中既我都忍唔住添飯。

驚喜之選燉湯今日試咗北芪水鴨湯，足料靠火喉。

盛湯既盒竟然選有防漏個種，連細緻位都做到，值得一讚。

豬朋雞友餐單提供多國菜, 快餐店等推介美食位於尖沙咀區，餐廳座位數未知人均消費約$51-100，結賬可以用Visa,Master,AlipayHK,支付寶,現金,八達通,銀聯,微信支付。

您對於尖沙咀餐廳「豬朋雞友」有何 comment？

豬朋雞友餐廳詳細資料：

• 豬朋雞友地址:
  尖沙咀柯士甸路15A號柯士甸大廈地下B號舖
  Hen & Boar, Shop B, G/ F, Austin Mansion,15 A Austin Avenue, Tsim Sha Tsui
• 豬朋雞友電話:  
• 豬朋雞友價錢: $51-100
• 分類: 多國菜, 快餐店
• 座位: 未知
• 付款: Visa,Master,AlipayHK,支付寶,現金,八達通,銀聯,微信支付
• FB專頁: 豬朋雞友 Facebook

更多豬朋雞友相關資料:

• 豬朋雞友分店
• Youtube
• Facebook
• Twitter
• Google