炑八韓烤 尖沙咀

炑八韓烤 評價 相片

我同幾個同學都係啲鍾意慳錢嘅人，唔係話好平不過真係好抵。

我地今次冇食燒烤真係有啲可惜，不過佢個啲飯都好好味，我地每人都叫左個雞扒蛋包飯，$42野食來之前，又有好多前菜，有泡菜、豆芽、同埋類似醃製過嘅菜，樣樣都好好味，唔會酸過頭，豆芽我地三個都爭住食。

佢地重送魚湯，湯好入味，魚嘅味道都好出，都有飲曬。

重點來啦，個雞扒蛋包飯真係好正！首先，佢有菜，對我呢啲每餐點都要菜嘅人來講係一件恩物，醬汁都唔會太多太少。

第二，佢啲雞扒好大塊，佢真係肉來嘅，冇欺騙我，唔會成舊都係皮，所以可以大大淡食，醬汁都幾夾。

最正嘅野就係佢嘅蛋包飯，外貌已經有100分，係個啲韓國好興嘅有扭紋嘅蛋，蛋唔會過熟，一割落去有蛋汁，好正！蛋下面嘅飯係茄汁配飯，裡面都有菇啊、菜啊個啲，唔係齋茄汁撈飯，懷疑佢係有炒過，因為佢個飯一啲都唔黏，係我鍾意嘅乾身，不過唔知點解覺得蛋同飯分開食好味啲😂。

最後當然有食曬，實在係又抵又大份，值得一試！蛋包飯：價錢：❤️❤️❤️❤️外貌：❤️❤️❤️❤️❤️味道：❤️❤️❤️❤️CP值：❤️❤️❤️❤️❤️佢地餐廳嘅服務態度都唔錯^o^

有日晏就行過尖沙咀想食下韓國菜，但韓國街個邊睇過好多間都好似幾貴⋯但經過間炑八　～見到下午茶好似幾抵食，有主菜有小食，送湯，就試下下午茶韓式定食先！下次可以再食過！！牛肉飯配溫泉蛋係熱門嘅選擇！有肉汁，香味則比上不足，比下有餘，可惜係份量有點細。

下午茶黎講尚算合理。

值得一試！粉絲同樣不過不失～調味好，炒得香，都算好味！但又係份量少左d，不過48蚊兩樣幾好食嘅野 ，作為下午茶算係咁。

至於成餐飯最好食嘅，就係韓式牛肉紫菜包飯！調味都係一如既往咁令人唔會失望，重點餡料非常之多，蛋同牛肉比菜多，超正！整體非常配搭，令到個紫菜包飯色香味美！唔怪得見人地食親炑八都叫！！湯都唔錯～唔會飲完好口渴，有芽菜同魚乾～

次次食生日飯都要霖食咩 平時平日哩度食LUNCH 食炑八就食得多了，到未食過晚餐平時lunch 都幾抵食，成日都有優惠，有時會有買一送一或者其他優惠不過有時個個星期都唔同，收工同朋友都係霖住附近食生日飯，第一時間霖到炑八真係要試下！哩排因為肺炎，就算係星期六日都少佐勁多人我地過去都係得幾台客，又唔吵，超舒服！佢個牛肋骨係限定，真係超正，泡菜無限叫我地燒烤牛肋骨，有靚仔哥哥幫手燒烤好正呀唔使自己燒另外再叫佐個薄餅 真係食到勁飽

今晚同老婆阿仔搵地方食飯，老婆話想食烤肉或韓燒(唔係放題)，最後決定韓燒，我從未食炑八，一上到餐廳好似韓國哈哈開嗰間咁，我哋叫左韓牛前胸肉(全)，霜降牛小排(全／原味)，角切上等鹽烤牛舌，炑八厚切五花腩，炑八紫菜包飯，菠蘿梳打。

所有配菜任食，沙律除外。

今日我和妹妹去尖沙咀辦事，想去咖啡店吃甜品🍮，間店竟然結業了，不知是否最近經濟環境差，不少食店都推出優惠，經過炑八派單張，午市套餐有八五折優惠，就去食啦！前菜：泡茶和芽菜任添，正！牛肋骨煲配紫菜飯$76有三大塊牛肋骨煮得勁軟稔，一咬就肉骨分開，而且醃得很入味，再加上熱辣辣的牛湯，冬天喝真是暖洋洋！蘿蔔和紅蘿蔔煮得軟化，但不夠入味，不過已經吃得很飽！妹妹就吃了大醬湯配紫菜飯，大醬湯送飯一流，湯內材料豐富，下次我一定再來吃，二個人的套餐再八五折，又不用收加一，總數$105，真是抵食！

炑八韓烤餐單提供韓國菜, 烤肉, 韓燒等推介美食位於尖沙咀區，餐廳座位數未知人均消費約$201-400，結賬可以用Visa,Master,現金,AE，Booking訂位可以電話致電 27237313 查詢。

您對於尖沙咀餐廳「炑八韓烤」有何 comment？

炑八韓烤餐廳詳細資料：

• 炑八韓烤地址:
  尖沙咀金馬倫道5號太興廣場2樓
  MeokBang Korean BBQ & BAR, 2/ F, Tern Plaza,5 Cameron Road, Tsim Sha Tsui
• 炑八韓烤電話: 27237313
• 炑八韓烤價錢: $201-400
• 分類: 韓國菜, 烤肉, 韓燒
• 座位: 未知
• 付款: Visa,Master,現金,AE
• FB專頁: 炑八韓烤 Facebook

更多炑八韓烤相關資料:

• 炑八韓烤分店
• Youtube
• Facebook
• Twitter
• Google