澳門冰室 尖沙咀

澳門冰室 評價 相片

great service, good food, good price... value for moneytry the pork liver and ginger... the steak is really good too...

朋友帶先識點行上去，如果唔係去左對面果間😅 叫左三份早餐4個人食，成檯都係野食。

份量多，款式都夠，奶油豬仔好味，三文治都幾好算軟熟，麥片一大兜😅 總括樣樣都幾好。

環境坐位痴得埋左點，但好在冇乜人，都算舒服。

尖沙咀有條街，偏偏就有3間叫澳門XXX嘅餐廳😳重點係佢地唔同老細之餘食物質素好大分別，揀錯就中哂伏。

今日悲傷小姐就建議大家去食大廈旁邊上樓個間，的確係好食d🤫💗鮮茄牛腩湯通粉+奶油豬仔包配忌廉炒蛋+涷檸茶($53）羅宋湯有香濃同自然嘅蕃茄味，酸酸地幾開胃，因為有大量蔬菜粒令湯底更鮮甜，湯底煮得夠味又唔會太咸，甜嘅比例會比酸甜多少少🍅配料包括蕃茄、牛腩、蘿蔔🥕、洋蔥🧅同埋薯仔🥔，全部切成細細粒熬得夠淋。

豪不吝嗇咁有好多粒牛腩，肥瘦平均，食落有咬口肉質亦唔會太鞋🐮通心粉夠大粒，通粉煮得啱啱好，唔會太淋有口感。

用上坑紋通粉更加吸味。

滑蛋炒得唔太油，蛋味濃但冇咩調味，而且份量較少🥚💗皇牌蜜汁叉燒通粉+奶油豬仔包配火腿煎蛋+涷奶茶($53)湯底係經典嘅味精清湯，不過唔算太咸🤣叉燒份量十足，叉燒算瘦但食落唔鞋，肉質有咬口都幾腍，但色澤較淺，遜色位就係冇燒焦位同蜜汁甜味，不過以唔係燒味舖嘅質素都算中上水準🐷豬仔包即烘即食，外皮非常香脆，不過包心就韌咗d，中間夾住大大塊未溶嘅牛油🧈練奶份量多到漏哂出嚟，咸咸甜甜咁非常夾，雖然好邪惡，但係系悲傷小姐嘅”飛彿”🥰火腿就薄薄地得一片有d唔夠喉，不過勝在煎得香口冇豬羶味。

煎熟蛋就正常發揮，有少少燶邊，有自己加鹽同胡椒粉🍳

香港嘅疫情令不少食店都被迫暫時閂門，而今早因為需要到尖沙咀搞D野而到澳門冰室碰碰運氣😂早餐餐牌上有好多選擇，而我揀咗一個3餸面嘅出前一丁餐🍜，公仔麵煮得剛剛好，而豬扒夠晒淋，紅腸就普通，咖啡☕️是即磨而夠濃（好飮)，收費hk$34也值得！

今時今日lunch time 係尖沙咀揾平野食，實在越來越難，最近比我發現尖沙咀嘅澳門冰室既港式早餐時段竟然係去到中午12:00點!!~~ 甘就可以用平價早餐價格食反個full set 常餐啦!!~~早餐A (hk$34)沙嗲牛肉米粉: 沙嗲醬汁味濃，醬汁帶點惹味，米粉份量非常足夠，牛肉肉質比較軟身，牛肉份量尚算多，大約6件左右。

炒滑蛋: 炒蛋份量不少，蛋味濃，不太油，炒得香口好味。

牛油多士: 可能係外賣既關係，焗係個發普膠盒入面，多士已經吾脆，有點濕濕淋淋既感覺，如果分開用外賣紙袋放可能會好好多。

港式熱奶茶: 茶味非常濃厚，奶味細滑，奶茶好飲，值得一讚!!~~以茶餐廳來講，送外賣既服務尚算不錯，打完電話叫外賣，都係大約等15分鐘左右便送到，買三十多塊錢都可以送外賣，服務真係吾錯!!~

澳門冰室餐單提供港式, 茶餐廳, 冰室等推介美食位於尖沙咀區，餐廳座位數未知人均消費約$50以下，結賬可以用現金，Booking訂位可以電話致電 23011999 查詢。

您對於尖沙咀餐廳「澳門冰室」有何 comment？

澳門冰室餐廳詳細資料：

• 澳門冰室地址:
  尖沙咀彌敦道83-97號華源大廈閣樓6B、7B及12B號舖
  Macau Cafe, Shop6 B,7 B,12 B, Tsim Sha Tsui Mansion,83-97 Nathan Road, Tsim Sha Tsui
• 澳門冰室電話: 23011999
• 澳門冰室價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 澳門冰室 Facebook

更多澳門冰室相關資料:

• 澳門冰室分店
• Youtube
• Facebook
• Twitter
• Google