日和茶舍 尖沙咀
最後更新:
日和茶舍推介
餐廳環境走日式簡約、寧靜風格。主打人手製作、即叫即製餃子配豆乳腐皮白雞湯。追求健康天然的配搭，用上多款菌類及無激素走地雞作餡；用料刁鑽，選用日本大蔥配黑豚肉。另外亦有供應各款特色造型點心。
尖沙咀日和茶舍
| 餐廳分店 | 日和茶舍 |
|---|---|
| 地區 | 尖沙咀 |
| 電話訂位 | 24136333 |
| 餐單 Menu | 日本菜, 火鍋, 點心, 雲吞, 餃子 |
| 人氣指數 | 957 |
| 價錢幾錢 | $101-200 |
日和茶舍訂位位於尖沙咀區，詳細地址是尖沙咀堪富利士道6-6A號爵寓1樓，餐廳寬敞座位數目共有未知幾多個。日和茶舍幾錢？價錢優惠後人均消費大約$101-200埋單，早餐午餐晚餐日和茶舍餐單包括有日本菜, 火鍋, 點心, 雲吞, 餃子等美食，付款方式有Visa,Master,現金付款，Booking網上訂位可以電話致電 24136333 查詢訂座。
日和茶舍優惠
日和茶舍 評價 相片
睇個名以為呢度係食日式野嘅，發現原來係有少少fusion左既點心，店舖既報置都好日式，但係食啲嘢就好中式，但又幾夾喎。
失傳黑毛豚腩叉燒$128肥瘦分布係一半一半，好齊整嘅排列，外層燒到有少少燶，醬油味好突出，叉燒既油份令到成個造型都好有光澤，睇落好吸引。
食落口叉燒炆到好林，好入味，而且用嘅醬油唔會得個咸字，甜甜地好入口。
日和醬油慢煮黑毛牛脷厚切$108一份有4塊，雖然係厚切，但係睇落好似唔係好夠食，而且個買相好似有啲乾，睇落唔係咁討好，但係食落先知道原來每一層都已經入晒味，完全唔需要加隔離既醬油，雖然係好厚切，但係唔會話食到個心一啲味都冇，仲係非常入味，唔知佢點樣做到。
野生牛肝菌健康走地雞肉餃$68呢度得水餃嘅選擇，名副其實係非常健康，雞肉比想像中更加彈牙，而且成個餃一咬落去就已經衝上一陣牛肝菌既香味，一層雞肉一層牛肝菌嘅分布令到成個口感好均勻。
日和點心拼盤$68一盒有五件，一次過食晒不同種類嘅點心，呢一個性價比好高，裏面有熊貓造型嘅奶皇包，豬仔造型嘅叉燒包，黑松露燒賣，金魚造型嘅蝦餃，同埋平時見到比較正常既蝦餃。
唔想有造型嘅都唔會做得好好食，喺呢度既造型點心比想像中出色。
個奶皇包都做到有流沙既效果，叉燒包裏面嘅叉燒又肥瘦適中。
兩個人食咗$400 ，平時飲茶都唔止呢個數，絕對唔算貴嘅一餐。
今晚跟朋友睇完聖誕節燈飾就黎左呢間充滿日式feel餐廳食晚飯🥣失傳黑毛豚腩叉燒 $128: 擺盤很精緻，有8件黑毛豚腩叉燒，有芝麻青瓜同脆薄片做伴碟，叉燒纖維細緻，脂肪勻稱，油脂有獨特甘香，口感鬆化無渣，點埋秘製醬汁更滋味！白湯雞麵$38: 極濃滑的白色湯底，每一口都食到白雞湯味，再配上爽滑彈牙的拉麵🍜，簡直是perfect match! 日和點心拼盤 5件 $68:點心造型好kawaii，影相打卡岩晒： 有傻豬叉燒包、奇趣金魚蝦餃、海中明蝦餃、黑松露冬菇燒賣、金沙熊貓包。
每款點心都即叫即蒸，造型用心地設計，最突出就係金沙熊貓包，包身熱辣辣相當鬆軟，一咬就係芝麻果仁流沙，又有咬感兼食得健康！上湯浸野菜 $68: 有娃娃菜、福花、雜菇加埋白雞湯做湯底，新鮮蔬菜爽脆，吸晒白雞湯汁更甜美！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊
好耐都冇飲過茶，今日嚟咗間有日式味道嘅點心店，佢嘅點心會糅合左日式，所以都幾特別。
日式芝士年糕配曲奇雪糕$58年糕超多芝士，好好味！而啲曲奇雪糕就有粒粒曲奇🍪good！炸翡翠黃金蝦球三件 $48好香脆，食得出真材實料😃牛油果野菜米紙卷四件$48勁開胃，好中意食牛油果🥑牛油果配米紙卷係第一次試，好有新鮮感，美味！脆脆叉燒饅頭兩個$58造型夠晒可愛，裏面原來夾住嘅係叉燒，配沙律醬、新鮮蔬菜食，夠juicy，個包都好鬆軟😋百香果益力多估唔到啲兩隻口味加埋一齊都幾夾，而且味道都唔錯，個人來講都幾鍾意飲。
六隻野生牛肝菌健康走地雞肉餃$68加六隻七味辣子健康走地雞肉餃$68全人手包架！前者菇味十足，好多汁，養生又健康😃後者少許辣，但味道清新，正！好開心呀，只要讚好咗佢個Facebook page同打卡就可以免費多一樣嘢食，幾多個人打都得架，我哋揀咗脆脆香蕉豆沙餃子🥟佢又真係好香脆喎🤣🤣我覺得個樣都幾似炸雲吞，豆沙餡料都幾多。
之前有看過幾篇關於這間餐廳的報導， 對他嘅最有印象就為用心小館同埋愛心自家製作餃子。
是晚同家姐來吃， 本來想試幾樣菜式加餃子， 不過原來餐廳晚市主打火鍋， 有兩款推介湯底分別是白雞湯同埋麻辣蕃茄雜菌湯。
火鍋配料也豐富， 於是我地急急轉軑，改吃火鍋。
我同家姐都鍾意濃味野， 所以我地揀左麻辣蕃茄湯底。
火鍋配料方面， 店家推介牛肩肉， 肥瘦適中， 肉質軟熟。
另外點了一份花枝丸， 當然也不少得自家包製餃子拼盤啦。
蕃茄湯底很濃郁，加了雜菌，非常香。
此時店家奉上一碟封門柳， 是service, 每枱都有。
封門柳肉質就較結實，有咬勁。
牛肩肉登場， 一看就知新鮮， 紋理清晰半肥瘦，入口香軟。
花枝丸很大粒， 不過一份只有三粒， 食完要encore🤭。
花枝丸非常結實， 堅有大大粒花枝粒係入面。
餃子拼盤有三款餃子， 有牛肝菌餡啦、芝士豚肉啦，全部都係我鍾意食嘅餡料， 而且因為新鮮自己包所有特別實在好味。
原本諗住好似好少野咁一定要大encore, 但原來食落都幾飽喎。
於是我地就留番吃甜品咯。
日和茶舍嘅裝修好別緻，主要以木同大自然為主，牆身仲有好花同雀仔做裝飾，成個環境好舒服，坐位亦好寬敞👍午餐包咗一碗蟲草花粟米紅蘿蔔豬骨湯同前菜，前菜我同朋友都揀咗麻醬波菜，湯飲得出係完全無放味精，香得黎又唔會過咸，好飲。
麻醬菠菜個麻醬超香。
港式叉燒食得多，但呢款失傳黑毛豬叉燒係呢間店嘅推介，原來失傳同女王叉燒嘅分別係失傳叉燒係半肥瘦叉燒，而女王叉燒就係比較瘦嘅叉燒。
減肥為終身事業嘅我當然點女王啦，點知已經賣哂啦，果然係佢地嘅招牌菜式，所以下次想食就要早啲黎喇。
店員推介轉失傳叉燒，會比啲瘦少少嘅叉燒我，碟飯一黎到已經傳黎陣陣醬油香，雖然睇落有少少肥，但心低裏明知半肥瘦叉燒先係叉燒嘅最好食嘅，所以都係唔理喇，食咗先啦。
咬落去果然比聞落去嘅醬油味更香， 而且肥瘦適中絕對唔油膩，連最怕肥膏嘅朋友都忍唔住要食返一舊，可見佢係做得幾出色。
另外仲有 溫泉蛋，加埋落個飯真係一流！我仲想講個飯隔離嘅配菜，出面食到嘅多數都係白烚，但呢度嘅竟然係非常好味，係調過味嘅，應該係用咗啲雞湯煮過再調味， 果然承傳到日式餐廳嘅細心！朋友點咗日式餃子定食， 原來餃子都有好多款揀，朋友揀咗野生牛肝菌雞肉餃埋扁麵，我試咗一粒餃子，都係無落味精，充滿菇香，好食😋午餐仲包一杯野飲，我地都點咗羅漢果茶，本身都無乜大期望， 因為出面飲到嘅通常都係好甜，純粹喉嚨痛想飲啲舒緩下嘅飲品，諗住飲一兩啖就算，點知呢度嘅羅漢果茶又唔會太甜，本身我仲要好怕甜嘅都成杯飲哂😂好清新。
總括而言，好快又會再幫襯佢，因為佢嘅食物天然健康得黎又唔係淡口，係好味嗰隻，仲要環境非常舒服，不得不讚。
日和茶舍餐單提供日本菜, 火鍋, 點心, 雲吞, 餃子等推介美食位於尖沙咀區，餐廳座位數未知人均消費約$101-200，結賬可以用Visa,Master,現金，Booking訂位可以電話致電 24136333 查詢。
您對於尖沙咀餐廳「日和茶舍」有何 comment？
日和茶舍餐廳詳細資料：
- 日和茶舍地址: 尖沙咀堪富利士道6-6A號爵寓1樓 Serenity Tea Room, 1/ F, The Humphreys,6-6 A Humphreys's Ave, Tsim Sha Tsui
- 日和茶舍電話: 24136333
- 日和茶舍價錢: $101-200
- 分類: 日本菜, 火鍋, 點心, 雲吞, 餃子
- 座位: 未知
- 付款: Visa,Master,現金
- FB專頁: 日和茶舍 Facebook
更多日和茶舍相關資料:
香港餐廳2026推介8月