新同樂魚翅酒家 尖沙咀
地址: 尖沙咀彌敦道132號MiraPlace食四方4樓401號舖
粵菜, 廣東, 山珍海味, 中菜館, 少鹽少糖食店尖沙咀餐廳
最後更新:
新同樂魚翅酒家推介
餐廳裝潢具時代感，主打粵菜，燒汁乾煏牛肋骨及鮮蘑菇焗釀蟹蓋是必試菜式。
尖沙咀新同樂魚翅酒家
| 餐廳分店 | 新同樂魚翅酒家 |
|---|---|
| 地區 | 尖沙咀 |
| 電話訂位 | 21521417 |
| 餐單 Menu | 粵菜, 廣東, 山珍海味, 中菜館, 少鹽少糖食店 |
| 人氣指數 | 1077 |
| 價錢幾錢 | $401-800 |
新同樂魚翅酒家訂位位於尖沙咀區，詳細地址是尖沙咀彌敦道132號MiraPlace食四方4樓401號舖，餐廳寬敞座位數目共有120個。新同樂魚翅酒家幾錢？價錢優惠後人均消費大約$401-800埋單，早餐午餐晚餐新同樂魚翅酒家餐單包括有粵菜, 廣東, 山珍海味, 中菜館, 少鹽少糖食店等美食，付款方式有Visa,Master,現金,AE,銀聯,JCB付款，Booking網上訂位可以電話致電 21521417 查詢訂座。
新同樂魚翅酒家優惠
新同樂魚翅酒家 評價 相片
中秋將至，餐廳以自家品牌月餅迎賓。
泡一壺龍井茶，味道甘醇。
月餅味道良好。
點兩客只限午市供應嘅套餐，分別為$328及$468。
頭盤：牛油果芒果大蝦沙律，蝦肉質結實，略有蝦味，牛油果、芒果及沙律醬較為平凡，典型舊式酒家做法。
廣東點心：蝦餃、粉果、燒賣，用料十足，蝦餃粉果有大蝦，燒賣豬肉味濃，唯味精極重。
湯品：老火湯－椰子煲雞；燉湯－螺頭燉雞。
前者椰子味鮮甜，雞味濃郁。
後者主要以螺肉鮮甜味為主。
可惜味帶味精。
主菜：豬柳、牛肋骨。
前者豬肉味鮮甜，細嫩無渣，唯口感似梳打粉醃製過嘅肉類，不特別欣賞。
牛肋骨為全餐最出色菜式，牛味突出，肉嘅纖維非常軟熟，燒汁味似瑞士汁，甚為濃味。
主食：稻庭烏冬、鮑魚飯。
前者麵質拿捏準繩，湯頭略帶味精。
鮮蝦水餃過於重複。
鮑魚質感彈牙，份量足。
蔥油豬肉飯無蔥油味，豬肉質感似肉燥，芡汁味道單調。
唔識欣賞。
甜品：燕窩味似淡椰汁味嘅麥皮，食其矜貴用料。
咖啡糕味道香濃，奶皇酥外皮乾爽鬆化，好味。
大廚甜湯，味道唔會過甜，內有紅棗，桂圓等，感覺滋潤，唯味道不太突出。
總結：老牌米芝蓮傳統酒家，食物烹調手法以濃味、大魚大肉為主，感覺似以前上流社會嘅宴會。
招呼得體，環境舒適，冷氣恰當，背景音樂值得一讚地輕鬆。
全餐總數約$1050，份量非常足夠，用料大方。
但當你花$500食餐lunch，或者有其他新派粵菜／星級酒家可以提供更加驚喜嘅味道。
從主菜牛肋骨嘅質素嚟睇，亦都可能單點其他招牌菜式先可以真正體會新同樂嘅功架－畢竟，set lunch所提供嘅都係比較普通嘅菜式。
星期六飲茶最頭痛就係等位，呢到唔錯，約左幾點就準時入座，而且人流唔多，變相坐得舒唔同唔好嘈吵，可以清靜飲餐茶。
佢有精緻新派點心，亦有傳統做法點心。
灌湯餃伴左啲魚翅係則邊，賣相已經先贏。
叉燒腸皮薄，豉油唔咸，好味。
山竹牛肉有落馬蹄，咬落爽爽地好好味。
炸芋角入面啲芋泥好棉滑，外皮鬆脆。
煎薄罉有大量蝦子係面，香脆可口，真係好食到不得之了。
帶子蝦餃，面頭放左粒帶子，入面係蝦，兩種食物配埋一起非常鮮味，而且賣相都靚仔😉
一行五人分了兩枱到這裡食 Dining City 套餐。
百花乳豬併蜜餞金華火腿，乳豬脆百花彈牙，金華火腿甜甜地，吾錯。
白露筍海鮮羹，白露筍、帶子、斑粒頗多，但略鹹。
另外藥膳燉湯，足料，喜歡藥材湯的不可錯過。
花膠蝦子柚皮扣鵝掌，柚皮是工夫菜，鵝掌炆得好入味，入口即溶，花膠就正正常常。
煎焗梅肉柳配山渣醋汁，切開件肉柳充滿肉汁，一路食一路仲出緊煙，熱呼呼的，個汁甜甜酸酸，好醒胃。
鮮鮑乾逼伊面，鮮鮑個子不少，彈性十足，但個伊面好多汁，應該似系湯伊面多d，做不到乾逼的效果。
果仁麻薯，外皮系糯米，個餡系鳳梨蓉，有啲吾系好夾。
燕窩杏仁露，燕窩份量多，杏仁露吾太甜，幾好。
其實今晚每道菜份量都不少，至於食物質素，整體來說，都幾吾錯！
I love this tea set ,原本對中式嘅一座tea set冇興趣～但屋企人揀咗呢個食點知食咗之後覺得幾正！用❤❤❤之甜點藝術品嚟嘅咁都唔貴呀$268👌🏼TEA SET裡紅色嗰個係荔枝嚟㗎好正😍佢咬入去個餡都仲係熱辣辣嘅荔枝一粒加荔枝嘅蓉❤️好驚喜呀好香！❤️另外有個燕窩嗰個，嗰個煎堆餡係奶黃，估唔到人係好香好滑嘅！我覺得一定要食埋呢個！我之前已經喺度食過佢啲脆麻花～好香好正❤️呢個加咗啲柚子甜醬，香但我覺得都多咗少少可以小番啲醬～cover 咗佢個仲脆麻花～另外嗰個馬蹄糕酥餅都唔錯！,心型好靚～天鵝嗰個呢入邊係蓮蓉我鍾意食呀不過太飽食唔到咋～呢個有少少漏咗可能要四個人啦～如果鍾意甜品嘅甜品控我諗兩個都Ko左佢🐟翅！新同樂一向出名～今次亦一樣不負眾望～香！$8xx一個煲仔～煙煙銀銀好香口！佢個湯好好飲啊所以呢都飲晒～精華所在！叫咗個水餃麵呀好好食呀連個湯都飲晒呀所以呢影唔到相啊唔記得咗影😅第二次來，黎親呢度我真係唔記得影相因為佢色香味俱全！我真係想好快啲食咗佢！😂原本唔鍾意食中菜嘅我都超鍾意呢間囉！！！點心正魚翅有正原來甜品而家都正！❤️滿分啦！特別讚揚呢個甜品嘅師傅話冇得頂！同埋呢度服務都唔錯！個個都係幾好！又細心！只係開到口話要現金俾貼士就麻麻哋囉🥶可能公司如簽卡俾tips吾會比返員工，所以咪搞到而家員工開口咁肉酸囉。
。
屋企人生日想食好啲所以揀左新同樂之前食過覺得幾好食所以再去四個人去食當日推介餐單 $980一個人 未計加一前菜好似西式菜 太多沙律醬 冇特別 亦覺得呢個前菜為中菜好奇怪蟹肉翅同羊肚菌湯算ok但唔夠熱鮑魚豬柳 豬柳有臭豬味連帶啲汁都有臭豬味魚柳用榨菜肉絲鋪面味道好奇怪最難食係蝦意粉 求其搵啲肉碎撈意粉 仲衰過自己用意粉醬煮 有圖附上同經理反映 態度非常惡劣 淨係識話係係係 但冇解釋 冇解決方法 並不接納意見 敷衍了事 完全撫平唔到客人對食物不滿意嘅質素埋單四位 $4650 完全唔抵食加反映都冇被接納食到一肚氣 呢個價錢有好多更好選擇
新同樂魚翅酒家餐單提供粵菜, 廣東, 山珍海味, 中菜館, 少鹽少糖食店等推介美食位於尖沙咀區，餐廳座位數120人均消費約$401-800，結賬可以用Visa,Master,現金,AE,銀聯,JCB，Booking訂位可以電話致電 21521417 查詢。
您對於尖沙咀餐廳「新同樂魚翅酒家」有何 comment？
新同樂魚翅酒家餐廳詳細資料：
- 新同樂魚翅酒家地址: 尖沙咀彌敦道132號MiraPlace食四方4樓401號舖 Sun Tung Lok Chinese Cuisine, Shop401, L4, Food Loft, Mira Place,132 Nathan Road, Tsim Sha Tsui
- 新同樂魚翅酒家電話: 21521417
- 新同樂魚翅酒家價錢: $401-800
- 分類: 粵菜, 廣東, 山珍海味, 中菜館, 少鹽少糖食店
- 座位: 120
- 付款: Visa,Master,現金,AE,銀聯,JCB
- FB專頁: 新同樂魚翅酒家 Facebook
更多新同樂魚翅酒家相關資料:
香港餐廳2026推介9月