悅 尖沙咀

悅 評價 相片

真正為食，膽敢直言唔多掂食要講求以一適當價錢食一些適當的食物只賣弄花巧，實不屑為之食品冇特別出色之作更冇驚喜可言服務水平使是一般可以補救的就只有環境分數坐在落地玻璃傍看著街外的一切感覺幾舒服會唔會再去食飯？我唔會揀佢\囉！

上星期六陪媽咪食lunch, 諗住未來過, 就試下呢度. 入口要先落樓下, 再行樓梯上, 樓下裝修暗暗的, 唔似中菜, 同埋一個客都未有, 所以媽咪揀左坐樓上, 地方細d, 但比較明亮整齊. 阿媽唔想食點心, 但又唔食煎炸唔食辣, 所以小菜選擇亦唔多, 加埋最貴的小菜都唔過$70, 見到一心想食好野的媽咪望住餐牌冇乜興趣咁, 都有d唔好意思. 最後叫了蟹籽海皇豆腐: 媽咪話都幾滑似食豆腐羹; 日本芥末炒牛柳粒: 牛柳粒的四邊黏住綠綠的芥末醬, 有少少wasabi味, 唔辣, 聽落幾得意, 但食落就覺得普普通.涼瓜牛肉: 我唔食, 媽咪食得最多.銀鱈雪炒飯: 比較油, 所以食唔晒. 同埋銀鱈雪好細粒. 最後媽咪的評語都唔錯(比面), 但我搵新地方同媽咪食飯真係幾太壓力.

前晚食晚行過呢度,從地點&裝修來看,會覺得會係貴價食肆,但睇menu之後又唔係喎,就入左去食。

waiter們服務幾周到,都幾善談添,雖然嘢食唔係極品,但絶對唔係below average的,加上環境地點搭夠,算係食得過。

『轉飯堂』一直都想在尖咀搵個飲茶地方代替我經常去的飯堂東鑾閣，因為發覺東鑾閣的水準開始下降，附近好似又冇其他好的酒樓，所以飯堂仍然是東鑾閣。

但在星期一去完這裡後，相信可以轉飯堂了。

太座放完大假，差唔多係時候番工，叫做出黎同我飲假期最後一餐茶，就揀左呢度試下。

這裡分上下層，我地被安排坐上層，而上層的地方不大，如果以中菜館來看待，就有點細添。

沒有叫套餐，只散叫點心，有牛肉腸粉、叉燒酥、小籠包、煎腸粉、魚翅餃等等。

各樣點心賣相唔錯，size亦不算太細，味道可以，作為午市飲茶來講是交足功課。

點心的價錢，比起東鑾閣平宜，平均二十多元一碟，以地方及裝修計，可算是抵食。

去洗手間時要先行落下一層，下層的裝修及燈光，跟上層完全兩樣，暗暗的，還有梳化椅，感覺怪怪的。

有機會，再黎食下個晚餐先。

前幾日唔係好舒服, 男朋友就搵0左試一試呢間"悅融和菜"間餐廳裝修得好靚,有兩層,上層係非吸煙區,有落地玻璃窗.檯與檯之間唔會太迫,幾舒服!我0地order0左中華豆腐, 海蔘, 竹笙上素煲, 沙薑炸子雞同埋露筍百合.全部都幾好, 最吸引係個妙雞, 本身隻雞風得好乾, 炸得好香好脆, 但肉仍然好滑, 正係皮脆肉滑, 值得一試.個豆腐都好好, 好靚, 令人有唔捨得食0既感覺, 因為師傅0係豆腐中挑0左個孔, 好精緻0架~甜品方面, 叫0左最鍾意0既焗朱古力旦糕拼雪糕, 呢個就唔係太好囉. 個旦糕唔夠脆,可能個焗爐唔夠熱啦,d朱古力都唔溶, 可以做得好d.下次會再幫襯, 一定會試埋另一道雞豆豉雞.仲有, 佢0地0既服務好好, 好殷勤熱情款待客人.

悅餐單提供滬菜, 上海, 中菜館等推介美食位於尖沙咀區，餐廳座位數未知人均消費約$101-200，結賬可以用現金。

您對於尖沙咀餐廳「悅」有何 comment？

悅餐廳詳細資料：

• 悅地址:
  尖沙咀廣東道3-27號海港城港威商場地下G104-5號舖
  Signature Cuisine, G104-5, G/ F, Gateway Arcade, Harbour City,3-27 Canton Road, Tsim Sha Tsui
• 悅電話:  
• 悅價錢: $101-200
• 分類: 滬菜, 上海, 中菜館
• 座位: 未知
• 付款: 現金
• FB專頁: 悅 Facebook

更多悅相關資料:

• 悅分店
• Youtube
• Facebook
• Twitter
• Google