幸匠燒 尖沙咀

幸匠燒 評價 相片

『景致和食物質素都堪稱一流，如若開放晚市多好』門口的鳥居設計和洗水石米的道路瞬間想起日本，餐廳面積好大甚至設有私人宴會房間，坐窗邊望海景頗為寫意🎏餐廳主打串燒，招牌之一的燒魚用上古法火爐烤製，坐吧檯正好欣賞師傅製作過程，享用最新鮮滾熱的味道🔥有多款特製醬料提供，用京都男前豆腐製成的「白拌醬」豆味濃郁，而「黃芥末醋味噌」混入西京白味噌味道酸甜辛辣，配搭燒肉實在絕佳。

串燒之外飲品亦別出心裁，cocktail同mocktail價錢相宜，造型同口味亦很特別🌸客人能選擇喜愛的杯具斟酒，當中遇冷變色的櫻花杯最為別緻。

招牌佐饌的燒酎iichiko瓶身設計特別，可以傾斜不倒🥃新張期間據聞只要客人成功令酒樽斜立就可以帶走一支迷你燒酎。

推介 🥢福岡豚肉芫荽卷🥢鹿兒島山椒烤乳鴿 🥂Peach Rose Lady 🥂Smoky Angel————————————————————1️⃣◆福岡豚肉芫荽卷(1串)◇HKD38滿滿的芫荽將肥膩中和，豚肉又令芫荽不至於太苦澀2️⃣◆福岡豚肉草莓卷(1串)◇ HKD48原來草莓和豚肉也能做朋友，只是食落稍有不慣3️⃣◆鹿兒島山椒烤乳鴿(1隻)◇ HKD158肉質仍嫩滑，骨頭酥軟到輕易可以咬爛，但山椒份量可以再多些4️⃣◆和牛脷(1串)◇ HKD88是偏愛的厚牛舌，柔軟味濃卻不膻臭🥂Spicy Your Life◇ HKD88 真係有辣椒㗎🥂Smoky Angel◇ HKD88有點似波子汽水cocketail🥂Peach Rose Lady◇ HKD68 桃味好濃又清甜🥂Oolong Colonel◇ HKD68 橙汁加烏龍茶幾特別

來到2020年的最後一天，想好好咁獎勵一下自己，買吓嘢兼食餐好，所以就去咗海港城，喺LCX一輪瘋狂購物後，見到呢度新開一間日本爐端燒🍡，餐廳入口嘅裝修有令你置身於日本嘅感覺，就決定食好啲啲！雖然呢度嘅窗口位可以見到海景，不過我哋就揀咗坐吧枱，因為可以欣賞到師傅為客人燒串燒嘅過程。

午市套餐主打都係串燒，另外都有刺身、壽司、烏冬等等嘅選擇。

經理仲好好請我哋食枝豆，粒粒都飽滿而且翠綠，豆殼外邊平均地灑上海鹽，食起上嚟好惹味。

套餐先來一道前菜，店員介紹食物嘅時候仲建議我哋進食嘅先後次序，先食南瓜🎃，然後麻醬豆腐沙律🥗，最後就係蕃茄伴柚子醋凍🍅。

我尤其鍾意呢個蕃茄，佢係去咗皮，雪得凍凍，加埋醋啫喱，成件事都好透心涼！然後就輪到幸串燒盛合出場。

串燒包括有和牛舌🐮、黑豚長葱燒🐷、手羽先🐤、華味鳥雞腿肉🐔、大蝦🦐、蘆筍🥬、同埋精選野菌🍄，另外仲有溫泉蛋🥚作頭盤，自家漬物係牛蒡同青瓜🥒，仲有麵豉湯同白飯。

串燒做得好出色，我最鍾意兩隻大蝦燒得脆脆，可以整隻蝦由頭到尾連殼食晒，一啲都唔嘥嘢，而且真係好香口好好味！雖然呢度主打食串燒，不過都想繽紛啲，所以就叫咗刺身丼🍱，刺身方面包括有拖羅、劍魚腩、帆立貝、牡丹蝦同三文魚籽，另外都有配溫泉蛋、漬物同麵豉湯。

拖羅入口即溶而且非常肥美，其餘嘅刺身亦都新鮮而且鮮甜，口感一流。

雖然已經每人食咗一個套餐，但仍然係意猶未盡，始終一場嚟到當然要再食吓串燒至夠大滿足！一於食好啲，叫多幾款串燒食吓！先來呢個和牛串🥩，雖然份量唔多，但真係燒得好好味，和牛嘅油脂分布平均，師傅控制火候亦相當出色，做到外面香脆，入面剛剛達至七成熟，仲見到有少少粉嫩嘅肉質，口感同味道都一流！見到師傅為其他客人燒緊帆立貝🐟好吸引，同吧枱職員傾談間知道係每日新鮮入貨，所以我哋又要咗一客，師傅應該加入咗少許牛油，仲有一啲菇類，帆立貝燒得剛剛好唔會過熟，仍然保持鮮味，又係一款值得推介嘅燒物。

老公鍾意食蠔🦪，所以亦都叫咗一客燒蠔，蠔嘅肉質肥美飽滿，放入口感覺脹卜卜，加咗調味之後仍食到蠔嘅海水鮮味，好正！燒士多啤梨🍓串其實喺呢度嘅特色推介，因為見到佢門外牆身嘅介紹都係用咗呢個燒士多啤梨串做賣點，做法係在士多啤梨🍓外面包咗一層薄薄嘅豚肉，再將士多啤梨🍓燒到又暖又軟身之後，就點少許煉奶一齊食，呢個做法果然令你對食士多啤梨有更深層次嘅享受！所以呢個一定要試！老公對海鮮類零瀉情有獨鍾，於是乎就叫咗燒多春魚🐟，頭尾燒得香脆，而內裏嘅肉質就仍然嫩滑唔會燒得太乾身，老公就好鍾意食。

喺用膳期間，店員都會走過來同食客傾吓偈，問問食客嘅意見，服務真係非常一流👍🏼，讓你真係願意喺呢度繼續開心消費。

其實仲有好多款串燒都好想試，但實在太飽了，唯有下次再嚟食過！😋

限聚令又回復二人，又禁晚餐，今年唯有兩母女做個午餐冬吧一星期前才試了它樓下那間訂一個月的姊妹店，十分滿意，很期待吃晚餐～～今次這間也有點期待串燒午餐有六串，份量不少，因為都是肉類，有點油膩，多得那碗熱騰騰的日本飯，吸一點油，還有一隻日本卵🍳，麵豉湯一向不是我杯茶，淺嚐一口吧太多人點這個餐吧‼️ 等了很久，我沒有追，但他們也解釋一遍因為很多orders，都無辦法啦終於另一個餐吃完了才到吉列雜錦有蝦、冬菇、蠔🦪、芝士，極之油膩，吃了一點就覺得飽，不想吃了，幸好也有一碗熱騰騰的日本飯，吸了些油膩感。

其實是母親大人揀錯了，今天有點冷，令她腦筋不靈活，平常她一定不會選這個的。

無花果天婦羅是驚喜的，也好味，炸了的無花果內心都是軟軟的，炸漿是薄薄的酒盗芝士是濃味小食，我們都是Cheese 🧀 lovers，我在其他地方吃過，不是經常吃到，於是給媽咪試試，那個醬是豆+酒造的，樣子不很討好，媽咪以為是肉醬，其實一點肉也沒有～～～

早兩日去咗海港城呢間新新哋嘅餐廳，整體都好滿意啊，成間餐廳裝潢設計以日本嘅鳥居、神社為概念，連洗水石鋪嘅石路都好細緻，「思鄉情愁」好重嘅我哋喺入面食嘢都當自己去咗旅行啦喺海運呢層嘅餐廳，當然唔少得絕美嘅維港海景，相信夜晚會更加靚 (可惜而家未有機會晚市嚟)酒吧區設少量座位，沿石路進入餐廳內部，裝潢以木色、白色為主，座位間有適當空間。

設一間VIP房，景色更廣闊。

週末下午前來，客人都幾多，被安排到吧枱席前，眼前有好多款酒。

據店員講，除咗招牌燒酎iichiko，調酒師會即場調製嘅雞尾酒、mocktail配串燒餐牌方面，午市設套餐9款，有烏冬、網燒雞扒、串燒丼、吉列雜錦、和牛小排等，附前菜、頭盤、飯、漬物、味噌湯，賣相好精緻，定價$188388。

主餐牌有佐酒小食、各式串燒例如豚肉、雞肉、和牛、羊架、烤乳鴿、海鮮、蔬菜類，價格同一般居酒屋差唔多啦。

(以呢個環境，其實好合理)另有刺身、壽司、天婦羅同其他和食。

店員好快手送上特色醬料，當日有帶濃郁豆香的白拌醬、惹味的明太子醬同梅子醬。

其他特色醬有：小黃瓜雪見醋、芫茜味噌、南蠻牛扒醬等，不時轉換。

鹿兒島山椒燒乳鴿外皮薄脆，好香口，調味算係啱啱好嗰種，唔會太鹹。

烤海鮮都係餐廳嘅招牌，古法火爐慢烤，需時等候，新鮮嘅食材就算簡單調味都唔會令人失望，魚肉結實少骨，沾上醬汁，更易入口雞心屬罕見部位，入口帶爽，第一次吃，感覺蠻特別的雞尾口感軟腍，油脂感重，香口。

推薦免治雞肉棒，熱辣辣放入口，雞軟骨豐富口感，呢串烤嘅時間剛好，沾上蛋汁，雞肉更為滑嫩豚肉野菜卷是福崗流行嘅串燒料理，除咗芫茜、草莓，仲有秋葵、青蔥、蕃茄等選擇。

豚肉薄脆，油香滲入野菜中，保留肉汁，芫茜香氣重，又唔會互搶風頭，食多幾串都仲得。

草莓卷是鹹甜交錯嘅組合，除咗豚肉外皮嘅香氣，入口就係果肉嘅香甜多汁，再沾點附上嘅煉奶，基本上係甜點無誤呢Mocktail/Cocktail味道討好嘅桃味特調，以自家煮糖水為基底製作，唔馬虎。

呢杯加入招牌燒酎嘅雞尾酒，帶檸檬嘅清新，算易於入口。

知道這裡有新開的餐廳嘴饞的在下怎會放過今天跟朋友一起來享受個豐盛午餐在下先點一杯High Ball這裡很有趣 除了用whiskey 另外還有燒酎和另一樣調製的（另一樣是什麼在下忘了）（已被燒酎吸引走）在下就點了一杯麦燒酎調製的high ball身為酒鬼的我 覺得有點淡不過相信一個正常的人喝進去是沒有任何問題的🤣午巿定食在下點了個燒魚定食先上前菜前菜一碟有三款東西很精美別致裡面有粒入晒味的大根 兩片嫩滑豆腐 和四粒脫皮開胃蕃茄仔吃完前菜主餐才會送上超大一隻很生動的燒魚像活活地游在我眼前站在碟上擺動著尾巴貌似不太大隻但肉厚鮮嫩口感滑溜細緻 微咸又香濃的魚味結實的面珠燈肉連著被燒得香脆的魚皮一起吃別忘掉牠的眼睛真捨不得浪費牠每一啖肉餐裡有一粒溫泉蛋有開胃消滯牛蒡漬 香濃味噌湯柔軟又香郁的白飯好滿足不過愛烏冬的在下還是必須要加點一碗熱熱的稻廷才滿足彈牙的烏冬啊清甜的湯底超好吃的感謝師傅在百忙中也願意給我們特別煮個熱烏冬😘吃飽飽跟朋友坐了一下我們便離開了餐廳下午有落場時間讓大家好好休息 迎接晚巿的來臨加油💪🏻💪🏻

幸匠燒餐單提供日本菜, 串燒等推介美食位於尖沙咀區，餐廳座位數76人均消費約$201-400，結賬可以用Visa,Master,AlipayHK,支付寶,現金,AE,銀聯,OpenRice,Pay，Booking訂位可以電話致電 36113014 查詢。

您對於尖沙咀餐廳「幸匠燒」有何 comment？

幸匠燒餐廳詳細資料：

• 幸匠燒地址:
  尖沙咀廣東道3-27號海港城海運大廈4樓OTE402號舖
  SHIAWASE, Shop O T E402,4/ F, Ocean Terminal, Harbour City,3-27 Canton Road, Tsim Sha Tsui
• 幸匠燒電話: 36113014
• 幸匠燒價錢: $201-400
• 分類: 日本菜, 串燒
• 座位: 76
• 付款: Visa,Master,AlipayHK,支付寶,現金,AE,銀聯,OpenRice,Pay
• FB專頁: 幸匠燒 Facebook

更多幸匠燒相關資料:

• 幸匠燒分店
• Youtube
• Facebook
• Twitter
• Google