富久保手打烏冬 尖沙咀

富久保手打烏冬 評價 相片

見到少人又肚餓，走咗入food court食，之前淨係喺度食過墨魚丸，都ok的，今次想食咖哩，諗住啲咖喱應該冇問題，點知啲咖喱好似湯咁樣，完全未見過咖喱煮到好似水咁......塊吉列豬排得半份，仲要好薄，我第一次見到日式料理個實物同食物模型分別咁大......真係大家樂都好過佢十倍😓food court果然係叫難食廣場唔係美食廣場。

返工食Lunch食到唔知食咩好，打開個外賣平台app睇下，見到呢個set好似幾吸引，就一於試試。

途中有少少插曲，餐廳職員打黎話唔小心倒瀉咗我個外賣，需要時間重新整過。

.個set黎到仲好熱，我都估唔到一百蚊可以咁多野食。

有6粒正常size章魚小丸子，入面真係有章魚。

個咖喱鳥冬有d紅蘿蔔、薯仔同蛋卷(?)等做配菜，咖哩湯底無我想像中濃，但都夠味。

個烏冬食得出唔係普通烏東。

至於吉列豬扒就正正常常。

跟餐仲有一罐汽水，但我實在太飽，食唔晒。

. 以海港城外賣黎講，間野都算性價比高。

同朋友放工飯都唔食走去海港城睇手袋，睇完已經九點幾🙈要堂食10:00死線，就求其喺city’super food court搵啲嘢食醫肚。

為咗趕及喺啲食店last order之前嗌嘢食，冇得慢慢揀食咩，就揀咗一入門口就見到嘅富久保手打烏冬。

揀咗個比較貴嘅和牛烏冬（$108），轉咗做豆乳湯底。

烏冬好細碗，啲烏冬煮到好淋，完全無咬口🙁兩塊和牛相對都幾大塊，不過無乜牛味，和牛嘅油脂香就更加無啦🥲豆乳湯好濃厚，直頭覺得有啲膩，除咗有啲豆味之外，一啲鹹味都冇，加埋杰杰哋嘅湯底，同烏冬好唔夾🙈真係好少食到咁唔好味嘅烏冬🙈仲要過百蚊咁貴💸💸💸下次喺food court都係唔好有咁大期望，揀啲經濟啲嘅野食，唔好味都冇咁心痛💔💔💔

可能今日紅日個FOOD COURT FULL左行左一個圈又一個人先有個單丁位呀都係諗住一個人食個快飯就諗住簡單D去FOOD COURT點知都爭D無位........................一眼就望到呢個日式烏冬幾吸引咁點左:咖哩豬扒烏冬個咖哩湯幾香唔會好水好稀果隻唔覺得好味精飲左幾啖忍唔住烏冬算幾滑幾有口感份量亦都正常食完係夠飽的豬扒呢係略嫌個炸粉少少厚唔係的話都OK豬扒肉質都係正路整體黎講呢間烏冬係可以ENCORE既下次可以試下其他配料

隨意走到city super food court，見到呢間烏冬，諗起好似係openrice見過評價都唔錯，所以就去試下個日見到都幾多人食嫁~都見到keep住有人幫襯，廚房都keep住有煮野食叫左個肥牛烏冬，佢set有埋前菜、湯，都算齊全豐富佢烏冬個湯底就還好，係唔需要特登去飲晒烏冬就估唔到竟然好淋講真好耐冇食過淋烏冬，基本上用得急凍烏冬，煮出黎都唔會太淋呢間D烏冬咁淋，真係即刻有D失望肥牛就正常啦，唔係難食的蘿蔔幾甜，不過有D渣前菜同湯就還好總結，味道冇乜特別，身為主角既烏冬又唔係好食

富久保手打烏冬餐單提供日本菜, 烏冬, Food, Court等推介美食位於尖沙咀區，餐廳座位數未知人均消費約$51-100，結賬可以用Visa,Master,AlipayHK,現金，Booking訂位可以電話致電 23762550 查詢。

您對於尖沙咀餐廳「富久保手打烏冬」有何 comment？

富久保手打烏冬餐廳詳細資料：

• 富久保手打烏冬地址:
  尖沙咀廣東道3-27號海港城港威商場3樓cookedDelibycity'super3
  TOMIKUBO, 3/ F,cooked Delibycity'super, Gateway Arcade, Harbour City,3-27 Canton Road, Tsim Sha Tsui
• 富久保手打烏冬電話: 23762550
• 富久保手打烏冬價錢: $51-100
• 分類: 日本菜, 烏冬, Food, Court
• 座位: 未知
• 付款: Visa,Master,AlipayHK,現金
• FB專頁: 富久保手打烏冬 Facebook

更多富久保手打烏冬相關資料:

• 富久保手打烏冬分店
• Youtube
• Facebook
• Twitter
• Google