大食代 (新港中心) 尖沙咀

大食代 (新港中心) 評價 相片

尖沙咀午餐想食得平 食得快 選擇唔多間唔時我都會嚟大食代food Court有日本菜串燒日式奄列蛋炒飯串燒有四條 而奄列飯面頭嘅醬汁都好好味不過整體來講都比較鹹佢每個餐都配有味噌湯但係佢個味增湯又比較淡叫做可以中和下啲口味啦價錢大約40幾蚊大食代經常有現金券所以真係好抵食㗎另外亦推介韓國屋依間嘅韓國炒粉絲配豬肉飯每樣都有啲啱晒貪食嘅人不過佢啲粉絲炒得比較霖未必係個個人都啱嘅口味啦依邊food court座位夠曬多唔想等位嘅打工仔一族日常都可以黎試一試

大熱天，行到“成吉思汗打仔”，大汗踏細汗！要食刨冰降溫…在大食代繞場一周，見芒果刨冰樣板歡喜若狂！落單坐埋一邊等…睇住阿姐整，戴對番用嘅即棄手套，用機刨完冰後，吱咗半支糖水落堆冰度！再吱支吾知乜東東…再用手遂粒芒果肉，疏疏落落咁壓在堆冰度！見佢彎腰執番一粒芒果肉…洗吓兼洗手…丟返入儲蓄芒果肉的容器！眼不見為乾淨…吾敢再望落去！跟住佢示意可以埋吧枱取。

我眼都大埋！問佢點解同樣板差咁遠？！佢無回答，指吓個樣板，轉身就走回水吧另一邊。

攞返位，乜心情都無了！原來吾知果支乜東東，係開稀嘅練奶…呢堆冰食完睇怕會糖尿上眼…

食咗檔韓國菜，有普通泡菜豬肉飯，韓式牛肉等等，試咗個有牛肉嘅飯，買嘅時候個阿姐好似等收工咁，喺度玩電話，連眼都唔望啲客一眼，落單又慢吞吞。

諗住之前食過咁多韓國嘢，質素同味道都唔錯，諗住呢檔都ok啩。

點知食落先知中伏，食物味道十分一般都算啦，最慘係食落去啲食材都唔係咁新鮮，食完仲要有少少唔舒服，如果我肚痾我一定會去食環告佢，費事佢影響大眾身體健康。

總之試過一次，下次都唔敢再試。

各位有膽就去試下啦，不過身體有乜事，就後果自負啦。

疫情關係遲遲都唔可以離開香港，唯有係香港搵下有咩特別的野食啦。

今日剛剛行海港城經過新港中心 ，正好係下午茶時間（其實係午餐）咁就入去搵下有咩食，原來依到有間food ，仲有唔少選擇。

見今日涼涼地，就搵下d辣野食下啦。

今次就揀左間叫「涮香菜園」的餐廳，叫左佢地一個酸菜魚套餐，以解相思之苦。

講返個食物先，今次叫左小辣，但感覺下次食可以再叫辣d。

餐廳姐姐好好，因為可以唔要麻辣，淨係食辣味，對於我唔想條脷食到麻麻痺痺係一個福音。

份量都相當之多，好飽肚，大多有6，7舊魚 ，又有豆卜同菜，好在只係六十零蚊，比起外面餐廳食酸菜魚抵好多，所以眼見都幾多人叫依間餐廳的野食。

場內仲有好多唔同選擇，下次再來可以慢慢一間一間咁慢慢試。

唔知係咪近排少左遊客來，所以座位都坐得好舒服，唔會有好迫的感覺。

同男朋友去咗尖沙咀行街晚餐唔知食咩好，所以決定去大食代呢度 是但食啲嘢，填飽個肚就算最後我哋揀咗好耐決定食韓國嘢一向鍾意食就肉嘅我，梗係第一時間揀返個牛肉飯食啦，男朋友就嗌咗個牛肉泡麵呢檔韓國野嘅服務好好，個姐姐好好態度碗飯同埋兜面真係分量十足啊！！！ big size咁，勁大份囉啲牛肉醃得好好味， 一啲渣都冇 好嫩滑好有口 撈埋啲醬汁同埋椰菜，蘿蔔絲一齊食，口感好豐富碗海帶湯熱辣辣，飲落仲係燙口的 都幾好飲嘅，只係略嫌有少少鹹囉男朋友嘅嗰碗牛肉泡麵啲泡麵真係多到不得了我都忍唔住夾左啲嚟食，同埋塊蛋都幾大件，我哋分咗一人一半嚟食

大食代 (新港中心)餐單提供多國菜, Food, Court等推介美食位於尖沙咀區，餐廳座位數670人均消費約$51-100，結賬可以用Visa,Master,AlipayHK，Booking訂位可以電話致電 21111961 查詢。

您對於尖沙咀餐廳「大食代 (新港中心)」有何 comment？

大食代 (新港中心)餐廳詳細資料：

• 大食代 (新港中心)地址:
  尖沙咀廣東道30號新港中心地庫
  Food Republic (Silvercord Tower), Basement, Silvercord Tower,30 Canton Road, Tsim Sha Tsui
• 大食代 (新港中心)電話: 21111961
• 大食代 (新港中心)價錢: $51-100
• 分類: 多國菜, Food, Court
• 座位: 670
• 付款: Visa,Master,AlipayHK
• FB專頁: 大食代 (新港中心) Facebook

更多大食代 (新港中心)相關資料:

• 大食代 (新港中心)分店
• Youtube
• Facebook
• Twitter
• Google