大宮 尖沙咀

大宮 評價 相片

琴日去圓方等睇戲，諗唔到食咩，行左入超市兜圈，無意中發現依一間拉麵，價錢系圓方入面黎講算係正常，環境可以坐系Bar枱對住廚房望住佢地煮食既過程，但唔會太多油煙。

煮完會叫Number親手送上枱面叫左個野菜豚肉拉麵，豚肉，即時炒，肉質岩岩好唔會太硬/難硬。

湯頭十分清淡，比起平時較濃味/多油既唔同，唔會飲到厭。

份量尚算大份，而且配菜都好足夠。

不過認為野菜好似有點過硬，好似白烚左一下就拎番出黎咁。

另外都有其他飯等等既主餐，可下次再試一下

次次經開超級市場，‼️‼️‼️‼️‼️都會見到呢間野，賣相好似好好，而且都好似好乾淨，去開超級市場買嘢，都會試吓呢間，但係每次食嘅時候都感覺好似俾人呃左，我每次都會比機會呢間野,試唔同嘅菜式，結果都係超級難食，冇乜味🤭🤭，如果但求快靚嘅，絕對OK，但係想要啲食物質素比較好啲味道想食好啲嘅就建議諗諗😭😭😭😭😭😭鰻魚飯，面，燒牛飯，我都試過晒，而且啲姐姐勁串，又中文又英文，都唔緊要，但態度認真麻麻，而且價錢一啲都唔平，都要差唔多成$100一樣嘢食

一個人喺圓方行街，不知不覺就到咗食飯時間😓周圍餐廳都排晒長龍，唯有去360 food court 搵食啦🤡好快就已經鎖定目標「大宮」大宮牛肉飯定食$98身為牛魔王既我當然要食牛啦！呢度嘅肥牛用鐵板加上日式燒汁即炒，醬汁香濃非常之好送飯👍🏻牛肉亦唔會太老， 入口仍然保持到鮮嫩多汁！白飯用日本珍珠米煲既，粒粒晶瑩有飯味！（個人真心覺得日本同埋韓國嘅白飯係特別好味）讚👍🏻仲跟埋麵鼓湯同埋椰菜絲沙律！唯一美中不足就係椰菜絲嘅沙律汁太多，食咗又驚好肥😿唔食又驚唔夠膳食纖維，做女人真係好矛盾呀！🤣估唔到超市快餐都可以咁好食同有水準！不過因為係坐係吧枱嘅關係，所以油煙比較大！但係下次一個人諗唔到去邊食嘢嘅話，我會再嚟！

同老婆係The Grand睇完戲，本來打算去supermarket買D嘢返屋企煮，點知入到360見到入面原來有food court，老婆即刻話唔想煮要食埋先走。

見到個counter寫住ramen，坐滿左一半人應該好食啩。

睇完 menu我點左大宮和膳牛肉，老婆就點左黑蒜豚骨叉燒拉麵因為見幾特別出面少D見。

個牛肉係肥牛片但唔會好多肥肉，睇到佢用鐵板炒食落好香唔錯佢仲可以揀白飯或者雜穀飯，我揀左雜穀貪佢健康D，不過始終都係就咁珍珠米白飯好食D。

定食仲有麵豉湯同椰菜絲沙律不過不失。

老婆個拉麵唔記得影相，不過一拎埋黎就好香，佢話幾好食不過就貴左少少

因為睇完戲要搵個地方快食，再要消費滿$400先有得免費泊車，所以我地就隨意揀左食呢間拉麵，男友就揀左辣拉麵，我就想清啲，所以揀左牛肉野菜烏冬，估吾到我個好食過佢個拉麵咼，湯底就預咗吾係自己煮，好有heart果隻架啦，但我個烏冬上面嘅鐵板肥牛反而幾吾錯，好吃雖然每碗都要$90幾，但佢係elements入面，都知捱貴租，所以係湯底同麵質方面吾可以要求太高不過整體都ok la,要係elements快食嘅可以考慮丫!

大宮餐單提供日本菜, 拉麵, 咖喱, 烏冬等推介美食位於尖沙咀區，餐廳座位數未知人均消費約$51-100，結賬可以用Visa,Master,現金,八達通。

您對於尖沙咀餐廳「大宮」有何 comment？

大宮餐廳詳細資料：

• 大宮地址:
  尖沙咀柯士甸道西1號圓方(Elements)1090號舖425號櫃臺
  Omiya, Counter425, Shop1090, Elements,1 Austin Road West, Tsim Sha Tsui
• 大宮電話:  
• 大宮價錢: $51-100
• 分類: 日本菜, 拉麵, 咖喱, 烏冬
• 座位: 未知
• 付款: Visa,Master,現金,八達通
• FB專頁: 大宮 Facebook

更多大宮相關資料:

• 大宮分店
• Youtube
• Facebook
• Twitter
• Google