喫麵 尖沙咀

喫麵 評價 相片

放工與朋友到位於尖沙咀梳士巴利道18號K11 MUSEA1樓136號舖的喫麵吃晚餐， 是一間主打亞洲各國不同的麵食餐廳， 提供有大約十款不同的麵食， 還有各式各樣的小食和甜品，滿足不同口味的需求。

餐廳地方闊落， 座位環境舒適， 店員也十分親切友善。

門口設有外賣飲品，全電子化的點餐系統， 感覺特別方便。

在眾多菜式中， 我們點了吉隆坡海南雞喇沙$118、 曼谷牛腩船麵$98、 粵式籠仔金蝦餃$26、 沙嗲玻璃魷魚$48、 芒果鴨絲牛油果紙米卷$42、 曼谷芒果糯米飯$48、黑熊珍珠薑奶$38、 魔幻熊巨峰提子梳打$38。

曼谷牛腩船麵～ 曼谷泰國的船麵一向深受港人歡迎， 平時在曼谷吃的船麵細細碗幾口就吃完， 而今次這碗牛腩船麵是大碗的， 牛腩的味道濃郁， 肉丸彈牙， 兩者份量很多，香濃的湯底味帶點微辣， 非常正宗的曼谷口味。

吉隆坡海南雞喇沙～喇沙湯味道好濃又香，海南雞超嫩滑，已起滑啖啖肉，份量都唔算少。

粵式籠仔金蝦餃～ 一籠有兩大粒， 晶瑩通透的， 薄薄的外皮包上爽口的蝦肉，正！沙嗲玻璃魷魚～ 爽口的玻璃魷魚配上惹味的沙爹醬汁， 令人停不到口。

芒果鴨絲牛油果紙米卷～ 豐富的食材， 味道清新好味。

曼谷芒果糯米飯～ 甜品一定唔可以少， 這個芒果糯米飯做得有板有眼， 糯米飯用班蘭葉做成， 帶有微微的班蘭香， 椰汁暖暖的， 芒果非常甜美。

黑熊珍珠薑奶～ 小熊十分吸睛又可愛， 薑味很濃郁， 珍珠口感煙韌， 我很喜歡飲呢！魔幻熊巨峰提子梳打～ 這款也有小熊， 非常可愛的坐在巨峰提子梳打上面， 打卡影相一流啊！ 夏天飲梳打水感覺特別清新解渴， 加上巨峰提子味香甜， 味道很好。

無諗過一間餐廳可以做出不同國家的菜式而 味道正宗， 雖然疫情還未完結， 但也可以食到不同地方的美食，喫麵真係正！

上次一個人在這裏，一個人吃了一碗龍蝦海鮮湯麵，感覺不錯。

有朋友留言話叻沙好出色，於是同自己講，有機會再試。

一個人力量有限，食唔到幾多野，一直想再試多一兩樣野，多朋友嚟試可以食多幾款唔同嘅麵。

有睇過我之前嘅介紹，都知道呢間YumMee主要係提供亞洲好多種唔同種類麵食嘅餐廳，如你都係船麵、越南牛肉河、台灣牛肉麵、叻沙fans，我相信你冇可能抗拒呢個地方。

今次朋友P小姐帶我同三個朋友過來，四人剛剛好，在這個冇得飛的日子，大家喺呢度就好似飛遍左亞洲一樣。

女仔一定喜歡這裏的呃like飲品，一人一杯，一個柚子梳打，一個珍珠奶茶，當然也是珍珠奶茶取勝，柚子梳打可能你諗起首爾，但我卻喜歡曼谷。

叫了兩個小食，其中一個係我吃過而推介嘅蝦餃，蝦餃內容嘅豐富很少見，大概冇諗過呢類餐廳嘅點心竟然會咁出色。

慢煮豬腩肉配酸辣醬，好正好惹味，個醬汁唔係太難就算唔食辣都要試，味蕾立刻去了曼谷。

曼谷牛腩船麵，真係一流。

尤其是送上嘅豬皮，魚蛋和牛腩，還有那船麵湯底，我在幻想，吃完後就可以來個泰式按摩，然後吃個芒果糯米飯。

新加坡海鮮喇沙，那個椰汁香叫我嗅到了亞洲嘅旅行氣息，那種感覺就如置身在新加坡或馬來西亞一樣，可能你會吃得汗流浹背，可能你會因奶香和椰香吃到好飽，但那參參就是叫你感受到那地道的美。

還有大量的魚蛋、魚片、蝦和青口，同上次嗰碗龍蝦湯麵一樣好得。

海南雞飯從來都是香港一個好受歡迎嘅菜式，呢度冇君悅酒店咁正，但價錢平好多。

可能呢樣野就冇咁有旅行感覺，但技巧取勝，我記得上一次都未有海南雞飯供應，雞肉不錯，特別喜歡佢嘅油飯同埋佢嘅三色醬汁。

海南雞好大份，雞肉嘅嫩滑，雞皮也不可以錯過。

台灣牛肉麵又真係幾特別，個藥材香好吸引，我諗呢個係最令我最懷念飛行嘅滋味。

牛肉嘅腍和麵嘅彈性都係上佳，加上大量嘅蔥同酸菜，我想起了西門町嘅劉山東牛肉麵，我又想起我未食過新分店嘅林東芳，我又想掛住洛陽街附近嘅建宏或小吳，一堆牛肉麵店，不過好彩喺呢度，搵返少少安慰。

還有越南嘅牛肉河，相對我去越南嘅數量無咁多，思念也隨之而少，不過碰巧上星期朋友K跟我說胡志明市原來唱卡拉OK時都有得食越式牛肉河和火鍋，而且飲酒係極之平，食呢碗牛肉河時令我對越南嘅幻想空間更大。

睇完呢篇文你係咪仲想飛？不過抗疫緊要，而家冇得飛就嚟呢度用味蕾走遍全亞洲止癮先。

喫麵 尖沙咀梳士巴利道18號K11 MUSEA1樓136號舖

位於尖沙咀某大商場的店舖！店舖裹面非常有特式!真係好特別！地方好有文青的格局！用來打咭必選地方！至於食物方面都好多款式！由食物到飲品都好特別！食物方面我叫咗幾款:例如吉隆坡海南雞飯、吉隆坡傳統蝦麵、粵式籠仔金蝦餃、泰式冬䕃配炸木瓜絲。

飲品方面叫咗魔幻熊巨峰提子蘇打、經典蜂蜜檸檬漬。

先介紹海南雞飯，雞肉嫰滑，雞肉味道好新鲜！味道適中又唔會好咸，味道我覺得好特別！這碗油雞飯食入口味道好好味！好又口感:！唔錯之選!另外一碗吉隆坡傳統蝦麵，味道非常之唔錯！蝦肉新鮮又嫰口，又唔會腍身的感覺！蝦麫軟硬適中好有口感！而這碗麫D湯味道非常好味唔錯！粵式籠仔金蝦餃皮薄蝦爽！味道適中蝦肉又彈牙！非常之正！泰式冬蔭配炸木瓜絲係特式小食味道唔錯又夠鬆脆！真係好特別！飲品方面真係好特別！睇得又飲得真係好吸引！至於飲品方面真係好吸引！味道方面又唔會好甜恰恰好，我覺得好好飲！價錢又唔貴值得試吓！魔幻熊巨峰提子梳打、經典蜂蜜檸檬漬！至於價錢方面中等價錢，因為位於尖沙咀大型商場店舖，所以我覺得唔算貴！可以到來試吓！.

今天來到K11 MUsea這裡覓食一番，去了另一邊的食肆覓。

由於未食過所以決定去探店一下❤。

當天在午市前去到時所以未算有太多人，所以可以選擇位置坐，我們坐的位置是店舖最美的打卡區📸。

在這個美美的打卡區有梳化位和餐桌位，桌子上還隱藏著充電位置以便為手機加加油👍。

在書架上有不少書籍可以看看，除了食東西外，也可以感受一下書卷氣息。

店舖是以自助買單的方式去下單，再等待取餐就可以。

餐牌上面有不少款式選擇，麵食/小吃/飲品/甜品也有供應，靜靜是為了打卡飲品來的，所以點了兩杯😆。

💥吉隆坡海南雞飯 HKD$118，是店家新推出來的食物。

海南雞肉質嫰滑挻喜歡吃🤤，飯底與平常看到的一樣也是用了雞油做，但不會很油挻不錯。

💥吉隆坡傳統蝦麵 HKD$98，湯底很香味道濃郁不會太咸，麵質煙韌有咬感。

配料有流心蛋🥚/鮮蝦/豬肉，吃到飽飽的麵食😋。

💥泰式冬陰配炸木瓜絲 HKD$48，這個要馬上食以保持最佳口感。

這個切到很幼細，真是很考廚師刀工的食物之一。

味道挻有咬感不太油膩，配上醬汁酸酸辣辣很惹味😍。

💥粵式籠仔金蝦餃 HKD$26，價錢相宜而且很大粒😍。

外皮做到薄身而且晶瑩剔透，蝦肉爽口彈牙口感不錯，靜靜覺得這食物可以媲美中菜館呢。

💥魔幻熊泰式黑糖珍珠奶茶 HKD$34，面頭的小熊十分吸睛，靜靜是沖著這個小熊飲品而來的。

小店的奶茶味道是比一般的微糖，不太喜歡甜飲品的我也能按受到。

茶底挻香濃，黑糖珍珠煙韌有咬感。

💥魔幻熊巨蜂提子梳打 HKD$38，這個也有小熊呢，與松鼠妹的樣子還有點相似，但我覺得松鼠妹更可愛🐿❤。

飲品攪拌過後，味道不會很甜挻好。

💥經典蜂蜜檸檬漬 HKD$28，在這個時間飲一些檸檬飲品會健康一點，這個性價比不錯的飲品，味道不太甜又帶點咸，挻生津解渴又潤喉的。

有冇諗過去一間餐廳食嘢，就可以好似去左幾個國家地方旅行咁🤩 哩間位於K11 Musea既麵食概念店，一次過集齊10款不同亞洲地區既麵食，一次過嚟個味蕾滋味旅遊😋·☆ 新加坡海鮮喇沙HKD$108湯頭正正係我喜愛嗰種，喇沙係椰香味較重嗰種，而花生醬味亦相當濃郁，並加入大蝦、青口等海鮮提昇鮮甜道，整個湯底濃郁且順喉，十分喜歡😋·☆ 吉隆坡傳統蝦麵HKD$98未食已經聞到強烈蝦味，一嚐湯頭果然充滿住蝦既精華🦐 呈紅色既湯頭味道濃而不膩，粗身既麵條掛湯力十足，令人吃下每一口都齒頰留香😚·☆ 粵式籠仔金蝦餃HKD$26要數香港點心特色代表非蝦餃莫屬👍 蝦餃表皮掃上金箔更顯矜貴，蝦餃皮整得十分薄身，裡面既蝦肉份量十足，咬落爽口彈牙，食完好滿足🤩·☆ 老上海鍋貼HKD$32上海鍋貼亦係香港人很喜歡吃既特色美點之一，鍋貼煎得幾脆口，咬開裡面包住滿瀉既湯汁，感覺豐盛而不油膩。

·☆ 白熊牛油果HKD$46哩杯卡哇依冰熊特飲完全溶化我既心💕 將牛油果味既特飲化成超可愛既小熊冰磚🐻 就算溶化左都唔會令味道變淡👍 仲好有童真既我同熊仔📸左好多，打卡一流，必點！

喫麵餐單提供多國菜, 粉麵, 米線等推介美食位於尖沙咀區，餐廳座位數未知人均消費約$51-100，結賬可以用Visa,Master,AlipayHK,支付寶,現金,八達通,AE,JCB,Apple,Pay,Google,Pay,微信支付，Booking訂位可以電話致電 23442366 查詢。

您對於尖沙咀餐廳「喫麵」有何 comment？

喫麵餐廳詳細資料：

• 喫麵地址:
  尖沙咀梳士巴利道18號K11MUSEA1樓136號舖
  YumMee, Shop136,1/ F, K11 Musea, Victoria Dockside,18 Salisbury Road, Tsim Sha Tsui
• 喫麵電話: 23442366
• 喫麵價錢: $51-100
• 分類: 多國菜, 粉麵, 米線
• 座位: 未知
• 付款: Visa,Master,AlipayHK,支付寶,現金,八達通,AE,JCB,Apple,Pay,Google,Pay,微信支付
• FB專頁: 喫麵 Facebook

更多喫麵相關資料:

• 喫麵分店
• Youtube
• Facebook
• Twitter
• Google