古早味原住台灣 尖沙咀

古早味原住台灣 評價 相片

今日埋單$330，味道一般，但真係算係抵食。

對比起某一間大型台式餐廳，老實講，其實係嗰間好食啲嘅，但呢間嘅性價比係好高。

奶蓋茉莉茶，茶味唔出眾，奶蓋都唔係特別香，補咗$10差價嗌嘅。

雲吞仔好似一般超市買到嗰啲，但係又唔算難食嘅，唔會話好好味，係入到口嘅。

豆腐都幾香口，炸得幾脆，依個算係唔錯嘅。

呢個餸係類似咕嚕肉咁嘅，但係啲肉唔係脆，質感係肉片咁樣，算係正常。

三色滷水拼盤就好抵，好大碟，我揀咗大腸、腩肉、雞翼，比較肥膩一啲，唔係滷得好入味。

跟餐仲送咗一個甜品，三色芋圓冰，啲芋圓比較粉，賣相幾吸引，味道一般，但係今餐真係好飽。

值得一讚嘅係侍應姨姨態度好親切，招呼幾好，喺尖沙咀食多一餐咁平嘅台灣菜，已經性價比好強，但係我覺得試一次都夠啦！

環境舒適食物高質 價格適中 適合朋友 閨蜜聊天 坐得舒服 地理位置也是很好找煎餅：一定要熱食 碎碎的感覺宜蘭蔥餡餅：這個一定要趁熱食 軟硬適中 蔥味道不刺激 剛剛好滷肉飯：沒有特別之處 就普普通通

尋日同朋友經過尖沙咀，見到有下午茶餐就試吓食喇！我地叫左1) 牛肉牛筋麵 配飲品$48牛肉兩大舊，牛筋都有三舊到，份量唔少個麵係粗面，口感比較硬，我個人就唔太鍾意，湯底有啲藥材味，飲落都OK飲品我叫咗黑糖珍珠奶茶+$4真係有啲失望，黑糖珍珠就好甜，但總括嚟講杯野都好淡味，五算好飲2)雞扒肉燥飯 配飲品$48炸雞扒都可以，肉燥就覺得非常普通，冇咩肥豬肉嘅部份，但係飯份量都好多，尖沙咀下午茶黎講算係幾抵食飲品就叫左烏龍珍珠奶茶+4呢杯又係好淡味，一般般總括而言，職員態度殷勤有禮，上菜速度快，下午茶都算抵食，但係味道就普通，如果對台灣食物唔太高要求都可以黎試下

古早味係香港都有幾間分店，今次就試下係咪真係貼近地道台灣料理風味😎下午茶時間去唔多人，得幾檯客人，所以上餐都好快，除左茶餐，仲有2人餐同4人餐選擇－－－－－－菜單1. 酥炸雞扒湯麵 3.8/52. 涼拌木耳 4/53. 鹽酥豆腐 3.8/54. 蔥餡餅 4/5鹽酥雞扒炸得香脆，但好多舊雞扒都散開，皮肉分離，同埋皮多過肉😕湯麵味道不錯，但跟餐既珍珠奶茶就麻麻地，珍珠唔煙韌，奶茶偏甜，可以試其他飲品蔥餡餅有點驚喜，不油膩，兩邊都煎到金黄色，內餡肉汁加香蔥口感，的確不錯🤤涼拌木耳口感爽脆，酸酸甜甜帶有一點少辣，好食👍🏻

去開尖沙咀，又諗起好耐冇食台灣菜，見到鋪頭做緊八折優惠，就決定去試下呢間古早台灣食店。

店舖好大，好多位，環境舒適，裝修都係有台灣特色既。

不過我地夜晚七點去到都冇咩人，我地兩個人都安排到卡位坐。

食咗成晚，包括埋我同女朋友都淨係得4枱客睇到餐牌，發現呢度有小食、小菜、飯面粉類、燉湯、鍋物等等。

我地最後叫左宜蘭蔥餡餅，蒜蓉炒A菜，炒新竹炒米粉同埋五味透抽。

老實講，食物水準其實十分普通。

新竹炒米粉賣相唔吸引，食落去好淡味，配料唔多，得少量蝦米冬菇片。

五味透抽係凍既魷魚加上汁醬，但係啲醬汁完全唔入味，好失望，同埋覺得熱食會好好多唯一有驚喜係宜蘭蔥餡餅，餡餅皮唔算好厚，咬落好多汁好香，算好味。

蒜蓉炒A菜都好食嘅...但其實炒菜都差不多係咁，食落去同屋企媽媽炒嘅差唔多賣單折左都每人一百蚊左右，麻麻哋

古早味原住台灣餐單提供台灣菜, 台式飲品等推介美食位於尖沙咀區，餐廳座位數未知人均消費約$51-100，結賬可以用現金，Booking訂位可以電話致電 29813233 查詢。

您對於尖沙咀餐廳「古早味原住台灣」有何 comment？

古早味原住台灣餐廳詳細資料：

• 古早味原住台灣地址:
  尖沙咀北京道71-77號誠信大廈2樓
  Old Time Flavor, 2/ F, Mary Building,71-77 Peking Road, Tsim Sha Tsui
• 古早味原住台灣電話: 29813233
• 古早味原住台灣價錢: $51-100
• 分類: 台灣菜, 台式飲品
• 座位: 未知
• 付款: 現金
• FB專頁: 古早味原住台灣 Facebook

更多古早味原住台灣相關資料:

• 古早味原住台灣分店
• Youtube
• Facebook
• Twitter
• Google