勁回味 尖沙咀

勁回味 評價 相片

之前都有食開因為熱情就冇過嚟啦！宜家收工經過好肚餓見到佢好開心～佢啲豉油又有分芥辣豉油同埋大辣豉油！😊我鍾意食芥辣嘅我就揀咗芥辣豉油啦！見到海膽特價就試吓啦！同以前差唔多我都係覺得幾好食呀！見唔見到其他人評價唔知點解話唔好食？是心情問題呢？今晚見到都有人喺度排少少隊～朋友揀咗三文魚腩手卷但係冇影相、我覺得都幾好味😄我唔鍾意食凍飯咁啱暖暖哋😆我見佢櫥窗好似改動咗少少之前唔係咁樣、有執過下間舖頭～～同埋係要企喺度食🤭～所以真係行過先食到啦！

平時行過依間鋪都見到幾多人排隊，今日咁岩見佢少咗人又落雨，諗住外賣買壽司返屋企慢慢食，買咗辣味三文魚加州卷、海膽手卷、赤背壽司、吞拿魚蔥手卷，整體味道正常，以價錢同質素來講係正常，冇咩特別驚喜，如果宵夜來講都OK！不過佢係即叫即整，等候嘅時間都會相對較來，如果諗住食嘅朋友，建議可以打電話先到舖頭，再落去取，可能會比較節省時間！同埋我個人比較覺得佢有驚喜嘅就係海膽手卷，味道鮮甜，食到底都仲有海膽，不錯不錯！

食左好多年，深宵肚餓必食之選。

呢度手卷勝在刺身夠新鮮，而且一啲都唔孤寒，食到落底都仲有刺身喺度。

今次我揀左經濟之選芥末八爪魚加三文魚，另外都推介佢個三文魚籽，唔會腥仲好甜。

不過黎食要有心理準備會等好耐，一黎人龍長，二黎佢即叫即做，所以有啲慢。

同埋最近水準好似有d下滑，塊紫菜唔夠脆，下次再食會同老闆講下，希望佢地會改善下😣 始終食左勁回味好多年，希望佢地可以有返以前水準。

其實黎得呢度食，都預左等同比貴d食返好d嘅質素。

轉左新鋪，質素下降不特止，重加左價，以前電話只係落雨收得唔好打唔通，而家轉左新鋪，以為會有改善點知就算吳落雨，都長期都打唔通😑轉左新鋪重衰左，已經幫襯10年，打唔通我都堅持經常打電話撞下彩，打得通就去買。

打唔通就算~~因為去排隊要起碼九個字。

以前個阿姨成日都會收多左錢，要自己計先至準，我都吳介意，但係今次，由於電話真係打咗幾個禮拜都唔通，所以我泥排隊買，點知佢4個海膽三文魚腩手卷俾咗4個剩海膽手卷，比錯都唔緊要個海膽手卷啲海膽兩隻顏色，我叫紫膽，比較深色小小，咬咗落去先見到底嗰層全部係黃色好淺色，根本係兩隻品種，仲要有好多白色透明滑潺潺嘅野，全部掉晒！ 2個鵝肝手卷有D未熟，掉埋！攞外賣行返去隔離食，d紫菜己經濕到好似紙巾濕咗水咁🤷🏻‍♀️ 真係要放棄，已經比左好多次機會。

。

Ps.味道唔同咗，最出名嘅半版海膽成個月都冇貨返，最鍾意食嘅嘢已經冇咗所以我唔會再幫襯88

刺身愛好者嘅我每次嚟到尖東都一定要食呢間勁回味，超級足料嘅手卷真係令到我次次經過都要買返個試下今次難得晏晝時間唔使排長龍，就叫返我最愛嘅三文魚腩拼海膽手卷～海膽同三文魚都大大份好足料，食到底都仲有，完全唔會偷工減料三文魚腩超級肥美又新鮮，海膽都好鮮甜，一啲都唔腥，兩樣加埋簡直係絕配！呢間係我食過咁多間手卷舖頭入面覺得最好食之一，價錢都唔會太貴，CP值好高～想過吓口隱、食下日本嘢嘅話呢間絕對值得一試

勁回味餐單提供日本菜, 壽司, 刺身等推介美食位於尖沙咀區，餐廳座位數未知人均消費約$50以下，結賬可以用現金，Booking訂位可以電話致電 34897027 查詢。

您對於尖沙咀餐廳「勁回味」有何 comment？

勁回味餐廳詳細資料：

• 勁回味地址:
  尖沙咀科學館道14號新文華中心商場地下26號舖
  勁回味, Shop26, G/ F, New Mandarin Plaza,14 Science Museum Road, Tsim Sha Tsui
• 勁回味電話: 34897027
• 勁回味價錢: $50以下
• 分類: 日本菜, 壽司, 刺身
• 座位: 未知
• 付款: 現金
• FB專頁: 勁回味 Facebook

更多勁回味相關資料:

• 勁回味分店
• Youtube
• Facebook
• Twitter
• Google