來一燙冒菜麻辣燙 尖沙咀

來一燙冒菜麻辣燙 評價 相片

原本打算去對面小蜜蜂食漢堡包，忽然見到呢間冒菜，所以試吓，我本身食得辣，點咗大辣小麻，(辣度同麻度，以及配料都可根據喜好自行選擇)燙底唔會好油，味道剛剛好，必試薯粉，辣同麻可以自己定，好彈性，好正！花椒油都好香，我點咗4個菜，3素一肉，鴨血，菜花、蓮藕囗感適中，唔錯！

尖沙咀區又多一個午飯嘅選擇🤩店舖面積不大 所以今次食個早飯～11:50 就喺公司出發 今次試咗八個餸嘅薯粉，微辣中麻鵪鶉蛋，薯仔片，萵筍，魚皮餃，豬腸，雞中翼，陳皮魚蛋，火雞臀當中最推介嘅係雞中翼，豬腸，陳皮魚蛋雞翼同埋豬腸夠晒入味 大家可以試吓！微辣嘅辣到對我來講啱啱好 不過中麻就有點太麻了😂本身我仲好有型咁講唔使叫嘢飲但係最後都忍唔住叫咗支白豆漿😅八個餸嘅價錢係$68再加上$8豆漿如果以粉麵來講 個人認為有少少貴不過質素是ok的 所以我都係依然繼續幫襯同埋推介比大家！FYI 3碗或以上非繁忙時間 佢地可以送貨👏🏻所以我諗下次我都唔使咁早去搵位了😆•另外同事們都覺得呢一間比同區嘅冒菜更為出色 因為佢嘅湯底冇咁油膩 而且腌肉/滷水野更加入味(果間係無味既）•

見呢到新開張一間麻辣粉麵星期五到處都要排隊呢到有位唔使等就黎呢到食一入到去聽到好多煲冬瓜應該有好多都係內地人佢地食得好辣成碗面紅色的我都想過下辣癮但怕太辣都係叫微辣好了點知都係好辣。

要飲可樂求救另外叫了土豆絲同埋萵荀，啲辣入哂味😂😂有好多香葱花生粒等係面頭。

薯粉口感QQ 米線正常湯底比一般偏辣尖沙咀嘅價錢份量比一般少冇乜服務可言不過個侍應好似成日呆左咁唔係好快應到機😂如果需要快食 又想食辣的話 都可以來試試

疫情下晚市禁堂食，有次行完尖沙咀iSquare，不經意發現呢間餐廳，試過幾次晚餐外賣，每次都食到停唔口，心諗既然外賣都咁好食，堂食應該更正，所以今個禮拜六終於黎到呢到食lunch！！午市同晚市既menu一樣，價錢十分吸引，最平$52就有一碗4餸既冒菜。

欣賞餐廳可以俾客人分開揀麻同辣既程度，怕辣既話都有清湯選擇，我就每次都叫中麻小辣，好享受果種食到流晒鼻水，個咀好痺既感覺冒菜其實類似港式車仔麵，所以menu上有好多餸可以選擇，食過好多款都覺得好吸引，甚至有啲係每次都叫大推：蓮藕片：必食推介冧巴溫 份量多，厚切又爽口，同麻辣湯底絕配！！！！羊肉片：羊肉愛好者必點！份量多，唔羶，羊肉味滲入湯中更惹味午餐肉：通常有34塊，軟淋淋既口感，麻辣味並冇蓋過午餐肉既美味豬紅、鴨血：彈牙，冇腥味，食冒菜一定叫~~生菜、娃娃菜、油麥菜：索晒啲麻辣味，愈食愈過癮仲有其他好多餸都好好食，又新鮮，份量又多！麵類都有4款選擇食過拉麵(普普通通)，紅薯粉(幾煙韌)，烏冬(我至愛 煙韌彈牙冇得輸，甚至高質過好多日本餐廳) 決定下次試埋米線除左主食，仲叫左個麻辣豬小肚份量都幾多，冇腥味，豬肚薄切，但仍然好有咬口，麻辣味就相比湯麵少一啲🤣呢間高質麻辣絕對值得我來多幾燙

非一般麻辣米線。

材料新鮮，豬潤新鮮又嫩，豬大腸乾淨又入味，雞翼尖食到唔停得口。

最緊要係個湯底少油膩，在配搭以為是花生既脆豆，即使唔食得辣清湯也好好味。

涼拌小食也是必試的。

來一燙冒菜麻辣燙餐單提供川菜, 四川, 拉麵, 粉麵, 米線, 烏冬等推介美食位於尖沙咀區，餐廳座位數未知人均消費約$51-100，結賬可以用AlipayHK,支付寶,現金,八達通，Booking訂位可以電話致電 23290188 查詢。

您對於尖沙咀餐廳「來一燙冒菜麻辣燙」有何 comment？

來一燙冒菜麻辣燙餐廳詳細資料：

• 來一燙冒菜麻辣燙地址:
  尖沙咀北京道16號地舖
  來一燙冒菜麻辣燙, G/ F,16 Peking Road, Tsim Sha Tsui
• 來一燙冒菜麻辣燙電話: 23290188
• 來一燙冒菜麻辣燙價錢: $51-100
• 分類: 川菜, 四川, 拉麵, 粉麵, 米線, 烏冬
• 座位: 未知
• 付款: AlipayHK,支付寶,現金,八達通
• FB專頁: 來一燙冒菜麻辣燙 Facebook

更多來一燙冒菜麻辣燙相關資料:

• 來一燙冒菜麻辣燙分店
• Youtube
• Facebook
• Twitter
• Google