ともえ鮨 尖沙咀
最後更新:
ともえ鮨推介
店名為ともえ鮨 。由兩位九州來的日本師傅主理。魚類每天新鮮由日本直送來港。店內採用了享負盛名的有田燒瓷器來配合刺身和其他料理。 午市亦有套餐供應。
尖沙咀ともえ鮨
| 餐廳分店 | ともえ鮨 |
|---|---|
| 地區 | 尖沙咀 |
| 電話訂位 | 沒有電話提供 |
| 餐單 Menu | 日本菜, 壽司, 刺身 |
| 人氣指數 | 849 |
| 價錢幾錢 | $201-400 |
ともえ鮨訂位位於尖沙咀區，詳細地址是尖沙咀漆咸圍2-4號金時商業大廈地下，餐廳寬敞座位數目共有22個。ともえ鮨幾錢？價錢優惠後人均消費大約$201-400埋單，早餐午餐晚餐ともえ鮨餐單包括有日本菜, 壽司, 刺身等美食，付款方式有Visa,Master,現金,AE,JCB付款。
ともえ鮨優惠
ともえ鮨 評價 相片
一間勁日本的間本料理，唔洗多講，試就可以了。
日本料理食了很多間，但有真正日本地道感覺的真不多，日本旅遊區的日本料理應該都沒有這感覺。
絕對推介，但由於位少，記住打電話訂位啊。
六月下旬·晴約了朋友吃午餐，她在尖沙咀，說難諗去那𥚃吃。
還不易？來這裡。
已是三年前發掘的小店，日本師傅主理。
食物不錯取價公道，午市日替有多款選擇，都是百元上下而已。
朋友點壽司定食，我吃的是天婦羅飯，俱有水準。
前莱是蔬菜沙律，加入黑醋汁吃起來就更清鲜開胃。
吃過漬物及燉蛋，天婦羅飯也送上來。
淋上醬油的天婦羅好吃，尤其蝦是爽甜美味。
不過大家要留意，如果想吃「卜卜脆」的天婦羅，這裡的不是你那杯茶。
結尾甜點是一件小蛋糕及抹茶わらび餅，滿足。
朋友的壽司用上赤醋飯，也不俗。
點菜時，我說其實在吃日本料理而言，壽司刺身俱非首選。
朋友也奇怪，作為一個全職食䍈人也如此？或者很多人也不知道，其實有這個性格，才令我走上這條路。
謝謝朋友請客，祝一切順心安好。
一直冇發現原來自己工作地方附近有間隱世日本料理，呢晚做完野朋友話不如試試，心諗冇乜所謂，試下無妨吖，點知推門一入確實又驚又喜，我以為自己去左日本啊！店內客人9成係日本人，但服務生係識講廣東話的。
店仔細細但頗有日本風，店員亦服務很好很貼心。
晚飯時段先黎個開胃小食，係麻醬豆腐，umm...味道係可以的，但我本身唔喜歡咁既質地豆腐，un un地黏黏地咁 (￣∇￣)我地叫左個sushi set $350，全部都好新鮮好鮮味，2個人食份量都可以，壽司豉油黃豆味好出，唔係死咸果種，要食好西要有好豉油 （爆）鹽胡椒炸雞 $95，好中意個雞皮炸到咁脆，而且唔油膩，又唔會炸到啲雞肉乾哂，雞肉依然keep到 juicy，好味道。
野菜天婦羅 $70，超中意茄子天婦羅，粉漿唔厚自然炸起黎冇咁油膩啦！佢係炸到個茄子好多汁，我一邊食一邊狂讚好味，青椒仔同蕃薯都係我至愛，呢個好味又抵食啊！我平日唔多食魚，因為少少腥味我都怕怕，不過銀鱈魚就例外，好中意佢少少甜甜既汁去燒，魚肉永遠冇腥而且非常嫩滑。
呢間隱世小店我絕要再幫襯，服務好食物質素高，真心推介 (^_)
ともえ鮨。
聚。
由8月開始嘅Restaurant Week開始認識ともえ鮨，當時冇試佢嘅推廣set，但就响8/23去咗食daily lunch set：所有食物一絲不苟放响便當盒中，內含切工工整嘅魚生飯、燒得外皮香脆熱辣辣嘅白身魚、軟滑鮮嫰嘅蒸蛋、前菜家常味道、小巧別緻食具，加上熱情店主見我對店內食具仔細玩味逐一抹淨影相留念又豪不吝嗇主動拎埋自家珍藏予我欣賞，心裡對此小店產生莫名好感，心裡暗暗決定要嚟試佢嘅壽司。
是日相約好耐冇見嘅友人K先生，諗住小店較靜方便傾談。
我哋各自點咗個壽司定食同特選壽司定食。
由於唔係坐吧枱，壽司並非一件件上。
一嚟到嘅時候除咗軍艦嘅紫菜已經有啲軟，魚身亦未見光身亮麗，心裡已將期望減半。
立即爭取時間，唔理先淡後濃嘅規則食咗軍艦先。
海膽細細瓣加上食落清鮮甜美冇怪防腐劑味，應該係來自北海道。
三文魚子咬落未至於卜一聲，但調味唔會太甜屬正常。
牡丹蝦還算甘甜爽滑彈牙，但綿密膠質黏稠感略遜。
帶子冇乜鮮甜味。
醃青魚正常。
白身魚唔知咩嚟，個人鍾意肥嘟嘟嘅魚，呢嚿又乾唔鮮甜唔肥美非我杯茶。
吞拿魚是結實的，中拖羅多筋，但兩者食落未夠鮮度。
鐵火卷亦只係一般。
師傅握飯力度適中不會過鬆散或太實，每件大小形狀亦相約，調味鹽糖醋略淡未有特別印象。
蒸蛋軟滑度夠之餘又唔會水了了，食落有蛋香味及冬菇香，混和雞肉、帶子鮮甜，水準以上。
味噌湯以昆布做底冇加任何魚、海鮮，純粹麵豉味尚可不過鹹，個人雖較喜愛略帶酒香嘅麵豉湯，但呢度做嘅已夠水平。
今次個咖啡太淡冇乜甘香。
由於呢三個月已經將尖沙咀、銅鑼灣稍有名氣或食評達4分以上嘅鮨店試過哂，如果比相類價錢，尖沙咀首選鮨真，銅鑼灣可選千里禪或鮨森。
呢度嘅性價比一般，冇誘因再嚟。
反而daily lunch set仍好，似乎店舖嘅熟食比較在行。
當然整體服務仍是招呼周到貼心滿意的。
餐廳在漆咸道被很多韓式食店包圍，而且門面亦十分低調. 拉門一道大木口,便會看到日本師博和壽司吧台.裝修都係一貫日式的簡約,所有都係木. 午餐豐儉由人,價錢由$90360都有,不收加一.是日叫了一客親子丼 配上麵豉湯,沙律,酸蘿蔔和一小碟牛肉蘿蔔.親子丼不過大失,雞肉同滑蛋都幾滑,雞肉好多,有少少咖喱味,襯熱食就最好! 另外叫左一客自選午餐.自選午餐可以選三款配菜,揀左揚物,燒魚同三文魚生. 仲有其他選擇,例如沙律,壽司,三文魚卷,蒸蛋等. 叫揚物有點後悔,只有一粒炸薯仔球,入面無咩料,個醬係平時食小丸子個隻味.燒魚加左檸檬汁都不錯, 三文魚生唔算肥美,但好軟滑,質素比平時食開嘅連鎖店高. 魚生丼睇落幾細份,但食完都好飽,魚生有好多唔同款,份量都好多,幾好味. 最後係甜品,分别係綠茶泡夫同草餅. 個泡夫中間係綠茶cream,又夠凍,好似雪糕咁.讚呀!個草餅係比較特別嘅哈蜜瓜味,幾清甜!個日本侍應全程會主動為你不斷加熱茶,十分好.雖然唔係話質素好高,但咁嘅價錢同地方,仲要有日本師博同侍應接呼,佢做到要求.餐廳嘅師博,侍應,裝修同寧靜真係會令人有種置身係日本小店嘅感覺.
ともえ鮨餐單提供日本菜, 壽司, 刺身等推介美食位於尖沙咀區，餐廳座位數22人均消費約$201-400，結賬可以用Visa,Master,現金,AE,JCB。
您對於尖沙咀餐廳「ともえ鮨」有何 comment？
ともえ鮨餐廳詳細資料：
- ともえ鮨地址: 尖沙咀漆咸圍2-4號金時商業大廈地下 Japanese Sushi Bar TOMOE, G/ F, King's Commercial Building,2-4 Chatham Court, Tsim Sha Tsui
- ともえ鮨電話:
- ともえ鮨價錢: $201-400
- 分類: 日本菜, 壽司, 刺身
- 座位: 22
- 付款: Visa,Master,現金,AE,JCB
- FB專頁: ともえ鮨 Facebook
更多ともえ鮨相關資料:
香港餐廳2026推介8月